ഉറ്റവർക്ക്​ ഒരുനോക്കു കാണാനായില്ല; സുധീർ യാത്രയായി

വ​ളാ​ഞ്ചേ​രി/​കോ​ഴി​ക്കോ​ട്​: കോ​വി​ഡ് പോ​സി​റ്റി​വ് ആ​യ​തി​നാ​ൽ നാ​ട്ടു​കാ​ർ​ക്കും ബ​ന്ധു​ക്ക​ൾ​ക്കും അ​വ​സാ​ന​മാ​യി ഒ​രു നോ​ക്കു കാ​ണാ​നാകാതെ വ​ളാ​ഞ്ചേ​രി കൊ​ള​മം​ഗ​ലം സ്വ​ദേ​ശി കാ​രാ​ട്ട് വെ​ള്ളാ​ട്ട് സു​ധീ​ർ വാ​രി​യ​ത്ത്​​ യാത്രയായി. ഭാ​ര്യ ​ സു​നി​ത​യും ചേ​ച്ചി​യു​മു​ൾ​പ്പെ​ടെ​യു​ള്ള ചു​രു​ക്കം പേ​രാ​ണ് സം​സ്​​കാ​ര ച​ട​ങ്ങു​ക​ൾ​ക്കാ​യി കോ​ഴി​ക്കോ​ട്ടേ​ക്ക് പോ​യ​ത്.

ആ​റ് മാ​സം മു​മ്പാ​ണ് അ​വ​സാ​നം നാ​ട്ടി​ൽ വ​ന്നു പോ​യ​ത്. ക​ഴി​ഞ്ഞ മേ​യി​ൽ കോ​വി​ഡ്​ സ്​​ഥി​രീ​ക​രി​ച്ചി​രു​ന്നെ​ന്നും പി​ന്നീ​ട്​ മാ​റി​യ​താ​ണെ​ന്നും ബ​ന്ധു​ക്ക​ൾ പ​റ​യു​ന്നു. ആ​ദ്യം രോ​ഗം വ​ന്ന്​ മാ​റി​യ​തു​കൊ​ണ്ടാ​ണ്​ പി​ന്നീ​ട്​ ന​ട​ത്തി​യ പ​രി​ശോ​ധ​ന​യി​ൽ പോ​സി​റ്റി​വ്​ കാ​ണി​ക്കു​ന്ന​തെ​ന്നും ബ​ന്ധു​ക്ക​ൾ പ​റ​യു​ന്നു. നേ​ര​ത്തെ രോ​ഗം മാ​റി​യ​തി​െൻറ സ​ർ​ട്ടി​ഫി​ക്ക​റ്റു​ക​ൾ ദു​ബൈ​യി​ലെ സു​ഹൃ​ത്തു​ക്ക​ളു​മാ​യി ബ​ന്ധ​പ്പെ​ട്ട്​ വാ​ങ്ങി​യ ശേ​ഷം ആ​ശു​പ​ത്രി അ​ധി​കൃ​ത​ർ​ക്ക്​ കൈ​മാ​റി.

എ​ന്നാ​ൽ രോ​ഗം പി​ന്നീ​ടും വ​രാ​ൻ സാ​ധ്യ​ത​യു​ണ്ടെ​ന്നും അ​തി​നാ​ൽ കോ​വി​ഡ്​ പ്രോ​​ട്ടോ​ക്കോ​ൾ പ്ര​കാ​രം മാ​ത്ര​മേ കൈ​കാ​ര്യം ചെ​യ്യാ​നാ​കൂ​വെ​ന്നും അ​ധി​കൃ​ത​ർ കു​ടും​ബാം​ഗ​ങ്ങ​ളെ അ​റി​യി​ച്ചു. ​ മ​ന്ത്രി കെ.​ടി. ജ​ലീ​ൽ ഇ​ട​പെ​ട്ടാ​ണ്​ ഭാ​ര്യ​ക്ക്​ കാ​ണാ​ൻ അ​വ​സ​ര​മൊ​രു​ക്കി​യ​ത്. ദു​ബൈ​യി​ലെ ഓ​യി​ൽ ക​മ്പ​നി​യി​ൽ അ​ക്കൗ​ണ്ട്​​ ഓ​ഫി​സ​റാ​ണ്​​ . മാ​ർ​ച്ചി​ൽ നാ​ട്ടി​ൽ വ​രാ​നി​രു​ന്ന​താ​ണ്. 15 വ​ർ​ഷ​ത്തോ​ള​മാ​യി ഗ​ൾ​ഫി​ലാ​ണ്. കോ​ഴി​ക്കോ​ട് മാ​ങ്കാ​വ് സ്വ​ദേ​ശി​യാ​യ ഇ​ദ്ദേ​ഹം വ​ളാ​ഞ്ചേ​രി​യി​ൽ​നി​ന്നാ​ണ് വി​വാ​ഹം ക​ഴി​ച്ച​ത്. വ​ളാ​ഞ്ചേ​രി കു​ള​മം​ഗ​ല​ത്ത് പു​തി​യ വീ​ട് നി​ർ​മി​ച്ച്​ ഒ​രു വ​ർ​ഷ​മേ ആ​യി​ട്ടു​ള്ളു. ശ്രേ​യ മേ​നോ​ൻ, ആ​ദി​ത്യ​നാ​ഥ്​ മേ​നോ​ൻ എ​ന്നി​വ​രാ​ണ്​ മ​ക്ക​ൾ. പിതാവ്​: പ​രേ​ത​നാ​യ പ​ത്​​മ​നാ​ഭ മേ​നോൻ. മാ​താ​വ്​: വി​മ​ല. മൃ​ത​ദേ​ഹം കോ​ഴി​ക്കോ​ട് ന​ഗ​ര​സ​ഭ മാ​വൂ​ർ വൈ​ദ്യു​തി ശ്മ​ശാ​ന​ത്തി​ൽ സം​സ്ക​രി​ച്ചു.