സ്ഥ​ല​മേ​റ്റെ​ടു​ക്ക​ൽ അ​ന്തി​മ​ഘ​ട്ട​ത്തി​ൽ; പ്ര​തീ​ക്ഷ​യി​ൽ അ​ധി​കാ​രി​ത്തൊ​ടി യു.​പി സ്കൂ​ൾ

മ​ല​പ്പു​റം: പ​തി​റ്റാ​ണ്ടു​ക​ളാ​യി വാ​ട​ക​ക്കെ​ട്ടി​ട​ത്തി​ൽ ക​ഴി​യു​ന്ന അ​ധി​കാ​രി​ത്തൊ​ടി​യി​ലെ ജി.​എം.​യു.​പി സ്കൂ​ൾ മേ​ൽ​മു​റി​ക്കാ​യു​ള്ള സ്ഥ​ല​മേ​റ്റെ​ടു​ക്ക​ൽ ന​ട​പ​ടി​ക​ൾ അ​ന്തി​മ​ഘ​ട്ട​ത്തി​ൽ. ന​ഗ​ര​സ​ഭ​യി​ലെ ഏ​ക സ​ർ​ക്കാ​ർ യു.​പി സ്കൂ​ളാ​ണി​ത്. സ്ഥ​ലം ഏ​റ്റെ​ടു​ക്കാ​ൻ മ​ല​പ്പു​റം ന​ഗ​ര​സ​ഭ ഈ ​വ​ർ​ഷ​ത്തെ വാ​ർ​ഷി​ക പ​ദ്ധ​തി​യി​ൽ 1.74 കോ​ടി വ​ക​യി​രു​ത്തി​യി​രു​ന്നു.

ഇ​തി​ന് അ​ടു​ത്ത ദി​വ​സം ഡി.​പി.​സി അം​ഗീ​കാ​ര​മാ​കു​മെ​ന്നാ​ണ് പ്ര​തീ​ക്ഷ. നാ​ട്ടു​കാ​ർ ര​ണ്ടേ​കാ​ൽ കോ​ടി രൂ​പ​ക്കാ​ണ് കാ​വു​മ്പു​റം ഭാ​ഗ​ത്ത് 1.62 ഏ​ക്ക​ർ ക​ണ്ടെ​ത്തു​ക​യും ആ​ദ്യ​ഘ​ട്ട തു​ക സ്വ​ന്തം നി​ല​ക്ക് കൈ​മാ​റു​ക​യും ചെ​യ്തി​രു​ന്ന​ത്. ന​ഗ​ര​സ​ഭ അ​നു​വ​ദി​ക്കു​ന്ന 1.74 കോ​ടി രൂ​പ​ക്ക് പു​റ​മെ​യു​ള്ള സം​ഖ്യ നാ​ട്ടു​കാ​ർ ക​ണ്ടെ​ത്ത​ണം.

വാ​ട​ക​ക്കെ​ട്ടി​ട​ത്തി​ന്റെ ഇ​ടു​ക്ക​ത്തി​ൽ

1928ല്‍ ​സ്ഥാ​പി​ത​മാ​യ വി​ദ്യാ​ല​യ​ത്തി​ൽ ഒ​ന്ന് മു​ത​ൽ ഏ​ഴ് വ​രെ ക്ലാ​സു​ക​ളി​ൽ 1100 ഓ​ളം കു​ട്ടി​ക​ൾ പ​ഠി​ക്കു​ന്നു. സ്കൂ​ളി​ന്റെ മൂ​ന്നു കെ​ട്ടി​ട​ങ്ങ​ൾ മൂ​ന്നി​ട​ത്താ​യാ​ണു​ള്ള​ത്. ഒ​രു ​ബ്ലോ​ക്കി​ൽ​നി​ന്ന് മ​റ്റൊ​ന്നി​ലേ​ക്ക് പോ​കാ​ൻ കു​രു​ന്നു​ക​ൾ​ക്ക് റോ​ഡ് മു​റി​ച്ചു​ക​ട​ക്ക​ണം. പ്ര​ധാ​ന ​ബ്ലോ​ക്കി​ൽ​നി​ന്ന് 300 മീ​റ്റ​ർ അ​ക​ലെ​യാ​ണ് സ്ഥി​രം കെ​ട്ടി​ട​മു​ള്ള​ത്. ഉ​ച്ച​ഭ​ക്ഷ​ണ​ത്തി​നാ​യി കു​ട്ടി​ക​ൾ അ​ടു​ത്ത​ ബ്ലോ​ക്കി​ലേ​ക്ക് പോ​ക​ണം. അ​സം​ബ്ലി ഒ​രു​മി​ച്ച് ന​ട​ത്താ​ൻ ക​ഴി​യാ​റി​ല്ല. അ​ധ്യ​യ​ന കാ​ര്യ​ങ്ങ​ളി​ലും ​ഏ​കോ​പ​നം ഏ​റെ പ്ര​യാ​സ​മാ​ണ്.

വാ​ട​ക​ക്കെ​ട്ടി​ട​മാ​യ​ത് കൊ​ണ്ട് അ​ടി​സ്ഥാ​ന സൗ​ക​ര്യ​ങ്ങ​ൾ വ​ള​രെ കു​റ​വാ​ണ്. ലാ​ബ്, ലൈ​ബ്ര​റി, അ​ടു​ക്ക​ള, ​ശൗ​ചാ​ല​യം പോ​ലു​ള്ള അ​ടി​സ്ഥാ​ന സൗ​ക​ര്യ​ങ്ങ​ൾ ഏ​റെ പ​രി​മി​തം. പി.​ടി.​എ​യു​ടെ നേ​തൃ​ത്വ​ത്തി​ൽ നാ​ട്ടു​കാ​രി​ൽ​നി​ന്ന് പി​രി​വെ​ടു​ത്താ​ണ് വ​രാ​ന്ത​യും സ്റ്റാ​ഫ് റൂ​മും ടൈ​ൽ വി​രി​ച്ച​ത്.

സ്റ്റേ​ജ് ഉ​ണ്ടാ​ക്കി​യ​തും പി.​ടി.​എ ത​ന്നെ. വാ​ട​ക​ക്കെ​ട്ടി​ട​മാ​യ​തി​നാ​ൽ സ​ർ​ക്കാ​റി​ന്റെ ഒ​രു ഫ​ണ്ടും ഈ ​പൊ​തു​വി​ദ്യാ​ല​യ​ത്തി​ന് ല​ഭി​ക്കി​ല്ല. എ​ല്ലാ പ്ര​തി​സ​ന്ധി​ക​ൾ​ക്കി​ട​യി​ലും സ്കൂ​ൾ മി​ക​ച്ച അ​ക്കാ​ദ​മി​ക നി​ല​വാ​രം പു​ല​ർ​ത്തു​ന്ന​ത് കൊ​ണ്ട് കു​ട്ടി​ക​ൾ ഇ​വി​ടെ ചേ​രു​ന്ന​തി​ൽ കു​റ​വി​ല്ല.

സ്വ​പ്നം അ​ന്ത​ർ​ദേ​ശീ​യ നി​ല​വാ​രം

സ്കൂ​ളി​ന്റെ സ​മ​ഗ്ര വി​ക​സ​ന​ത്തി​ന് 2021ൽ ​സ്‌​കൂ​ള്‍ വി​ക​സ​ന സ​മി​തി വി​ശ​ദ രൂ​പ​രേ​ഖ ത​യാ​റാ​ക്കി​യി​രു​ന്നു. അ​ന്താ​രാ​ഷ്ട്ര നി​ല​വാ​ര​ത്തി​ലേ​ക്ക് മാ​റ്റു​ക ആ​യി​രു​ന്നു ല​ക്ഷ്യം. 20 കോ​ടി രൂ​പ​യു​ടെ ഹൈ​ട​ക് സ്കൂ​ൾ പ​ദ്ധ​തി​ക്കു​ള്ള ഈ ​രൂ​പ​രേ​ഖ വി​ദ്യാ​ഭ്യാ​സ മ​ന്ത്രി വി. ​ശി​വ​ന്‍കു​ട്ടി, പി. ​ഉ​ബൈ​ദു​ല്ല എം.​എ​ല്‍.​എ​ക്ക് ന​ല്‍കി 2021ൽ ​പ്ര​കാ​ശ​നം ചെ​യ്തി​രു​ന്നു.

സെ​ന്റി​ന് ഒ​ന്ന​ര ല​ക്ഷം കൊ​ടു​ത്താ​ണ് സ്ഥ​ലം ഉ​റ​പ്പി​ച്ച​ത്. എ​ന്നാ​ൽ, സാ​​ങ്കേ​തി​ക നൂ​ലാ​മാ​ല​ക​ളി​ൽ കു​ടു​ങ്ങി സ്ഥ​ലം ഏ​റ്റെ​ടു​ക്ക​ൽ വൈ​കി​യ​തോ​ടെ പ​ദ്ധ​തി​യും വൈ​കി. റ​വ​ന്യൂ വ​കു​പ്പ് ന​ട​ത്തി​യ വി​ല​നി​ർ​ണ​യ​ത്തി​ൽ 15,000 രൂ​പ മാ​ത്ര​മാ​ണ് സെ​ന്റി​ന് ക​ണ്ട​ത്. ത​ഹ​സി​ൽ​ദാ​റു​ടെ വി​ല​നി​ർ​ണ​യ​ത്തി​ലെ തു​ക മാ​ത്ര​മേ ന​ഗ​ര​സ​ഭ​ക്ക് ന​ൽ​കാ​നാ​വൂ എ​ന്ന​താ​ണ് നി​യ​മം. വീ​ണ്ടും വി​ല​നി​ർ​ണ​യ​ത്തി​ന് അ​പേ​ക്ഷി​കു​ക​യും ക​ഴി​ഞ്ഞ ഫെ​ബ്രു​വ​രി​ൽ പു​തു​ക്കി വി​ല​നി​ർ​ണ​യി​ച്ച് ത​രി​ക​യും ചെ​യ്തു.

സെ​ന്റി​ന് 83,000 രൂ​പ​യാ​ണ് റ​വ​ന്യൂ വ​കു​പ്പ് ക​ണ്ട​ത്. ഇ​തി​ന്റെ അ​ടി​സ്ഥാ​ന​ത്തി​ലാ​ണ് ന​ഗ​ര​സ​ഭ സ്ഥ​ലം ഏ​റ്റെ​ടു​ക്കാ​നു​ള്ള പ​ദ്ധ​തി ത​യാ​റാ​ക്കി​യ​ത്. വി​ശാ​ല ക​ളി​സ്ഥ​ലം അ​ട​ക്കം, മു​ഴു​വ​ൻ കു​ട്ടി​ക​ൾ​ക്കും ഒ​രി​ട​ത്ത് ത​ന്നെ പ​ഠി​ക്കാ​വു​ന്ന ഹൈ​ട​ക് രീ​തി​യി​ലാ​ണ് സ്കൂ​ൾ വി​ഭാ​വ​നം ചെ​യ്യു​ന്ന​തെ​ന്ന് സ്കൂ​ൾ വി​ക​സ​ന സ​മി​തി ചെ​യ​ർ​മാ​ൻ ഷ​മീ​ർ ക​പ്പൂ​ർ പ​റ​ഞ്ഞു.

മു​ൻ എ​ൽ.​ഡി.​എ​ഫ് സ​ർ​ക്കാ​റി​ന്റെ കാ​ല​ത്ത് കി​ഫ്ബി​യി​ൽ​നി​ന്ന് 1.3 കോ​ടി രൂ​പ കെ​ട്ടി​ട​ത്തി​ന് അ​നു​വ​ദി​ച്ച​ത് ഉ​ണ്ട്. മ​റ്റു ഫ​ണ്ടു​ക​ൾ കൂ​ടി ല​ഭി​ച്ചാ​ൽ പ​ദ്ധ​തി രൂ​പ​രേ​ഖ പ്ര​കാ​രം കെ​ട്ടി​ടം പ​ണി​യാ​നാ​കു​മെ​ന്നും അ​ദ്ദേ​ഹം പ​റ​ഞ്ഞു.

ഡി.​പി.​സി അം​ഗീ​കാ​രം ല​ഭി​ച്ചാ​ൽ ഉ​ട​ൻ ന​ട​പ​ടി- ചെ​യ​ർ​മാ​ൻ

അ​ധി​കാ​രി​ത്തൊ​ടി സ്കൂ​ളി​ന് ക​ണ്ടെ​ത്തി​യ സ്ഥ​ലം വാ​ങ്ങാ​നു​ള്ള പ​ദ്ധ​തി​ക്ക് ഡി.​പി.​സി അം​ഗീ​കാ​രം ഉ​ട​ൻ ല​ഭി​ക്കു​മെ​ന്നും അം​ഗീ​കാ​ര​മാ​യാ​ൽ സ്‍ഥ​ലം ഏ​റ്റെ​ടു​ക്ക​ൽ വേ​ഗ​ത്തി​ലാ​ക്കു​മെ​ന്നും മ​ല​പ്പു​റം ന​ഗ​ര​സ​ഭ ചെ​യ​ർ​മാ​ൻ മു​ജീ​ബ് കാ​ടേ​രി പ​റ​ഞ്ഞു. സ്കൂ​ളി​നാ​യി വി​ക​സ​ന സ​മി​തി ത​യാ​റാ​ക്കി​യ ​പ​ദ്ധ​തി അ​നു​സ​രി​ച്ച് ത​ന്നെ അ​ന്താ​രാ​ഷ്ട്ര നി​ല​വാ​ര​ത്തി​ൽ കെ​ട്ടി​ടം യാ​ഥാ​ർ​ഥ്യ​മാ​ക്കും. ആ​ദ്യ​ഘ​ട്ട​ത്തി​ൽ കെ​ട്ടി​ട നി​ർ​മാ​ണ​ത്തി​ന് ന​ഗ​ര​സ​ഭ ഫ​ണ്ട് വ​ക​യി​രു​ത്തും.

കേ​ന്ദ്ര സ്കീ​മു​ക​ൾ പ്ര​കാ​ര​മു​ള്ള ഫ​ണ്ടി​നാ​യി പ​ദ്ധ​തി സ​മ​ർ​പ്പി​ക്കും. മേ​ൽ​മു​റി സെ​ൻ​ട്ര​ൽ ജി.​എം.​എ​ൽ.​പി സ്കൂ​ളി​നാ​യി അ​ന്താ​രാ​ഷ്ട്ര നി​ല​വാ​ര​ത്തി​ലാ​ണ് കെ​ട്ടി​ടം ഒ​രു​ക്കു​ന്ന​ത്. ആ​ഗ​സ്റ്റ് അ​വ​സാ​ന​ത്തോ​ടെ ഇ​ത് ഉ​ദ്ഘാ​ട​ന​ത്തി​ന് സ​ജ്ജ​മാ​കും. കോ​ൽ​മ​ണ്ണ സ്കൂ​ളി​ന് ക​ണ്ടെ​ത്തി​യ സ്ഥ​ല​ത്തി​ന്റെ വി​ല​നി​ർ​ണ​യം ന​ട​ക്കു​ക​യാ​ണെ​ന്നും സ്ഥ​ലം വൈ​കാ​തെ ഏ​റ്റെ​ടു​ക്കാ​നാ​കു​മെ​ന്നും അ​ദ്ദേ​ഹം പ​റ​ഞ്ഞു.