ദേശീയപാത വികസനപ്രവൃത്തി നടത്തുന്ന കമ്പനിക്കെതിരെ കോഹിനൂരില്‍ ജനകീയ കൂട്ടായ്മ

തേ​ഞ്ഞി​പ്പ​ലം: ദേ​ശീ​യ​പാ​ത ആ​റു​വ​രി​പാ​ത പ്ര​വൃ​ത്തി ന​ട​ത്തു​ന്ന സ്വ​കാ​ര്യ ക​മ്പ​നി​ക്കെ​തി​രെ കോ​ഹി​നൂ​രി​ല്‍ ജ​ന​കീ​യ കൂ​ട്ടാ​യ്മ. നി​ര്‍മാ​ണ​പ്ര​വൃ​ത്തി​ക്കു​ള്ള അ​സം​സ്കൃ​ത​വ​സ്തു​ക്ക​ള്‍ എ​ത്തി​ക്കു​ന്ന വ​ലി​യ വാ​ഹ​ന​ങ്ങ​ള്‍ നി​ര്‍ത്തി​യി​ടാ​നും തൊ​ഴി​ലാ​ളി​ക​ള്‍ക്ക് താ​മ​സി​ക്കാ​നു​മാ​യി കാ​ലി​ക്ക​റ്റ് സ​ര്‍വ​ക​ലാ​ശാ​ല അ​നു​വ​ദി​ച്ച കോ​ഹി​നൂ​ര്‍ മി​നി ഗ്രൗ​ണ്ടി​ല്‍ ക​രാ​ര്‍ വ്യ​വ​സ്ഥ​ക​ള്‍ ലം​ഘി​ച്ച് കെ.​എ​ന്‍.​ആ​ര്‍ ക​ണ്‍സ്ട്ര​ക്ഷ​ന്‍സ് ലി​മി​റ്റ​ഡ് ക​മ്പ​നി രാ​സ​വ​സ്തു​ക്ക​ള്‍ ക​ല​ര്‍ത്തി കോ​ണ്‍ക്രീ​റ്റ് ബ്ലോ​ക്കു​ക​ള്‍ നി​ര്‍മി​ക്കു​ന്ന​താ​യും കു​ഴ​ൽ​ക്കി​ണ​റും ജ​ല​സം​ഭ​ര​ണി​യും സ്ഥാ​പി​ച്ച​താ​യും ചൂ​ണ്ടി​ക്കാ​ട്ടി​യാ​ണ് കോ​ഹി​നൂ​ര്‍ വെ​സ്റ്റ് റെ​സി​ഡ​ന്റ്സ് അ​സോ​സി​യേ​ഷ​ന്‍ രം​ഗ​ത്തു​വ​ന്നി​രി​ക്കു​ന്ന​ത്.

ക​രാ​ര്‍ വ്യ​വ​സ്ഥ ലം​ഘി​ച്ച് രാ​ത്രി രാ​സ​വ​സ്തു​ക്ക​ള്‍ ഉ​പ​യോ​ഗി​ച്ചു​ള്ള കോ​ണ്‍ക്രീ​റ്റ് ബ്ലോ​ക്ക് നി​ര്‍മാ​ണം പ്ര​ദേ​ശ​ത്തെ ജ​ല​സ്രോ​ത​സ്സു​ക​ളെ മ​ലി​നീ​ക​രി​ക്കു​മെ​ന്നും കു​ഴ​ല്‍ക്കി​ണ​റി​ലൂ​ടെ വ്യാ​പ​ക​മാ​യി ജ​ല​മൂ​റ്റു​ന്ന​ത് പ്ര​ദേ​ശ​വാ​സി​ക​ളു​ടെ കു​ടി​വെ​ള്ളം മു​ട്ടി​ക്കു​മെ​ന്നു​മു​ള്ള ആ​ശ​ങ്ക​യു​മാ​യി റെ​സി​ഡ​ന്റ്സ് അ​സോ​സി​യേ​ഷ​ന്‍ ഭാ​ര​വാ​ഹി​ക​ള്‍ പൊ​തു​മ​രാ​മ​ത്ത് മ​ന്ത്രി പി.​എ. മു​ഹ​മ്മ​ദ് റി​യാ​സി​ന് തി​ങ്ക​ളാ​ഴ്ച 250 ആ​ളു​ക​ള്‍ ഒ​പ്പി​ട്ട ഹ​ര​ജി ഇ-​മെ​യി​ലൂ​ടെ ന​ല്‍കി. സ​ര്‍വ​ക​ലാ​ശാ​ല വൈ​സ് ചാ​ന്‍സ​ല​ര്‍ ഡോ. ​എം.​കെ. ജ​യ​രാ​ജി​നെ നേ​രി​ല്‍ ക​ണ്ടും പ​രാ​തി കൈ​മാ​റി. തേ​ഞ്ഞി​പ്പ​ലം പ​ഞ്ചാ​യ​ത്ത് പ്ര​സി​ഡ​ന്റി​നും നേ​ര​ത്തേ പ​രാ​തി ന​ല്‍കി​യി​ട്ടു​ണ്ട്. ദു​ര​ന്ത​നി​വാ​ര​ണ വി​ഭാ​ഗം ഡെ​പ്യൂ​ട്ടി ക​ല​ക്ട​ര്‍ക്ക് നേ​ര​ത്തേ പ​രാ​തി ന​ല്‍കി​യ ഇ​വ​ര്‍ ചൊ​വ്വാ​ഴ്ച തി​രൂ​ര​ങ്ങാ​ടി ത​ഹ​സി​ല്‍ദാ​റെ നേ​രി​ല്‍ ക​ണ്ടും കാ​ര്യ​ങ്ങ​ള്‍ ബോ​ധി​പ്പി​ക്കും. പ്ര​ദേ​ശ​വാ​സി​ക​ള്‍ക്കി​ട​യി​ല്‍ ആ​ശ​ങ്ക ഉ​യ​ര്‍ന്ന​തോ​ടെ ചൊ​വ്വാ​ഴ്ച ഉ​ച്ച​യോ​ടെ പി. ​അ​ബ്ദു​ൽ ഹ​മീ​ദ് എം.​എ​ല്‍.​എ കോ​ഹി​നൂ​ര്‍ മി​നി ഗ്രൗ​ണ്ട് സ​ന്ദ​ര്‍ശി​ക്കും.

കോ​ഹി​നൂ​ര്‍ ഗ​ണ​പ​തി ക്ഷേ​ത്ര​ത്തി​നും സ​ര്‍വ​ക​ലാ​ശാ​ല വ​ര്‍ക്കി​ങ് വി​മ​ൻ​സ് ഹോ​സ്റ്റ​ലി​നും സ​മീ​പ​ത്താ​യാ​ണ് സ​ര്‍വ​ക​ലാ​ശാ​ല​യു​ടെ ഉ​ട​മ​സ്ഥ​ത​യി​ലു​ള്ള മി​നി ഗ്രൗ​ണ്ട്. ഇ​വി​ടെ ദേ​ശീ​യ​പാ​ത നി​ര്‍മാ​ണ ക​മ്പ​നി ഷീ​റ്റി​ട്ട് ചു​റ്റും മ​റ​ച്ചി​രി​ക്കു​ക​യാ​ണ്. ഇ​തി​ന​ക​ത്താ​ണ് വാ​ഹ​ന പാ​ര്‍ക്കി​ങ്ങും തൊ​ഴി​ലാ​ളി​ക​ളു​ടെ താ​മ​സ​വും. കോ​ണ്‍ക്രീ​റ്റ് ബ്ലോ​ക്കു​ക​ള്‍ വേ​ഗ​ത്തി​ല്‍ ഉ​റ​ക്കു​ന്ന​തി​നാ​ണ് ദ്രാ​വ​ക​രൂ​പ​ത്തി​ലു​ള്ള രാ​സ​വ​സ്തു​ക്ക​ള്‍ ഉ​പ​യോ​ഗി​ക്കു​ന്ന​തെ​ന്നാ​ണ് പ​രാ​തി. ഇ​ത് മ​ണ്ണി​ലൂ​ടെ ഒ​ലി​ച്ചി​റ​ങ്ങി സ​മീ​പ പ്ര​ദേ​ശ​ങ്ങ​ളി​ലെ കി​ണ​റു​ക​ളി​ലേ​ക്ക് എ​ത്തു​മെ​ന്നാ​ണ് ആ​ശ​ങ്ക.

ദേ​വ​തി​യാ​ലി​ല്‍ സ​മാ​ന​സം​ഭ​വം ഉ​ണ്ടാ​യ​തി​നാ​ലാ​ണ് ജ​ന​കീ​യ കൂ​ട്ടാ​യ്മ ശ​ക്ത​മാ​യി രം​ഗ​ത്തു​വ​ന്നി​ട്ടു​ള്ള​ത്. കെ.​എ​ന്‍.​ആ​ര്‍ ക​ണ്‍സ്ട്ര​ക്ഷ​ന്‍സ് ലി​മി​റ്റ​ഡും സ​ര്‍വ​ക​ലാ​ശാ​ല​യും ത​മ്മി​ലു​ള്ള ക​രാ​ര്‍ വ്യ​വ​സ്ഥ​യെ​ക്കു​റി​ച്ച് അ​റി​യാ​ന്‍ വി​വ​രാ​വ​കാ​ശ നി​യ​മ​പ്ര​കാ​രം അ​പേ​ക്ഷ ന​ല്‍കി​യ​താ​യും വി​ശ​ദാം​ശ​ങ്ങ​ള്‍ ല​ഭി​ച്ചാ​ല്‍ കോ​ട​തി​യെ സ​മീ​പി​ക്കു​മെ​ന്നും റെ​സി​ഡ​ന്റ്സ് അ​സോ​സി​യേ​ഷ​ന്‍ സെ​ക്ര​ട്ട​റി കെ. ​ഷാ​ന​വാ​സ് പ​റ​ഞ്ഞു. ര​ണ്ട് മാ​സം മു​മ്പാ​ണ് സ​ര്‍വ​ക​ലാ​ശാ​ല സ്വ​കാ​ര്യ ക​മ്പ​നി​ക്ക് ക​രാ​ര്‍ പ്ര​കാ​രം കോ​ഹി​നൂ​ര്‍ മി​നി ഗ്രൗ​ണ്ട് ഉ​പ​യോ​ഗ​ത്തി​ന് അ​നു​വ​ദി​ച്ച​ത്.