ദേശീയപാത വികസനം: സർവകലാശാല പ്രധാന കവാടവും ഓർമയാകും

തേ​ഞ്ഞി​പ്പ​ലം: ദേ​ശീ​യ​പാ​ത വി​ക​സ​ന​ത്തി​ന്റെ ഭാ​ഗ​മാ​യി പൊ​ളി​ച്ചു നീ​ക്കാ​നൊ​രു​ങ്ങി കാ​ലി​ക്ക​റ്റ് സ​ർ​വ​ക​ലാ​ശാ​ല​യു​ടെ പ്ര​ധാ​ന ക​വാ​ടം. നാ​ല് പ​തി​റ്റാ​ണ്ട് ദേ​ശീ​യ​പാ​ത​യോ​ര​ത്ത് ത​ല​യു​യ​ർ​ത്തി നി​ന്ന ക​വാ​ടം നി​ര​വ​ധി സ​മ​ര​പ​ര​മ്പ​ര​ക​ൾ​ക്കും വേ​ദി​യാ​യി​ട്ടു​ണ്ട്. ആ​റു​വ​രി​പ്പാ​ത വി​ക​സ​നം പൂ​ർ​ത്തി​യാ​യ ശേ​ഷ​മേ പു​തി​യ ക​വാ​ടം നി​ർ​മി​ക്കൂ.

നാ​ക്​ സം​ഘ​ത്തി​ന്റെ സ​ന്ദ​ർ​ശ​ന​ത്തി​ന്റെ ഭാ​ഗ​മാ​യി അ​ഞ്ച് വ​ർ​ഷം മു​മ്പാ​ണ് ക​വാ​ടം മോ​ടി കൂ​ട്ടി​യ​ത്. ദേ​ശീ​യ​പാ​ത​യു​ടെ അ​ടു​ത്ത ഘ​ട്ട പ്ര​വ​ർ​ത്ത​നം തു​ട​ങ്ങു​ന്ന മു​റ​ക്ക് ഇ​ത് പൊ​ളി​ച്ചു നീ​ക്കേ​ണ്ടി വ​രും. നി​ല​വി​ലെ ദേ​ശീ​യ​പാ​ത​യു​ടെ പ​ടി​ഞ്ഞാ​റ് ഭാ​ഗ​ത്ത് സ​ർ​വ​ക​ലാ​ശാ​ല​യു​ടെ 25 മീ​റ്റ​റോ​ളം സ്ഥ​ല​മാ​ണ് റോ​ഡ് വി​ക​സ​ന​ത്തി​നാ​യി ന​ഷ്ട​പ്പെ​ടു​ന്ന​ത്. ദേ​ശീ​യ​പാ​ത നി​ർ​മാ​ണം പൂ​ർ​ത്തി​യ​വു​ന്ന​തോ​ടെ അ​ത്യാ​ധു​നി​ക രീ​തി​യി​ൽ ക​വാ​ടം നി​ർ​മി​ക്കാ​നാ​ണ് നീ​ക്കം.

നി​ല​വി​ലെ ക​വാ​ട​ത്തി​ന് മു​ന്നി​ലാ​ണ് റോ​ഡ് ക്രോ​സി​ങ്ങി​ന്​ ഓ​വ​ർ​പാ​സ് പ​രി​ഗ​ണ​ന​യി​ലു​ള്ള​ത്. ബ​സ് സ്റ്റോ​പ് പ​രി​സ​ര​ത്ത് ന​ട​പ്പാ​ലം വേ​ണ​മെ​ന്ന ആ​വ​ശ്യ​വും സ​ർ​വ​ക​ലാ​ശാ​ല അ​ധി​കൃ​ത​ർ ഉ​ന്ന​യി​ച്ചി​ട്ടു​ണ്ട്.