സര്‍വകലാശാല അക്വാറ്റിക് കോംപ്ലക്‌സ് നിര്‍മാണ ക്രമക്കേട്

തേ​ഞ്ഞി​പ്പാലം: കാ​ലി​ക്ക​റ്റ് സ​ര്‍വ​ക​ലാ​ശാ​ല കാ​മ്പ​സി​ലെ അ​ക്വാ​റ്റി​ക് കോം​പ്ല​ക്‌​സ് നി​ര്‍മാ​ണ​ത്തി​ല്‍ സാ​മ്പ​ത്തി​ക ക്ര​മ​ക്കേ​ട് ക​ണ്ടെ​ത്തി​യ ഓ​ഡി​റ്റ് റി​പ്പോ​ര്‍ട്ടി​ന്റെ പ​ശ്ചാ​ത്ത​ല​ത്തി​ല്‍ വി​ജി​ല​ന്‍സ് അ​ന്വേ​ഷ​ണ​ത്തി​ന് സാ​ധ്യ​ത.

നി​ര്‍മാ​ണ​ത്തി​ല്‍ ക്ര​മ​ക്കേ​ടു​ണ്ടെ​ന്ന 2019-20ലെ ​ഓ​ഡി​റ്റ് റി​പ്പോ​ര്‍ട്ട് പു​റ​ത്തു​വ​ന്ന സാ​ഹ​ച​ര്യ​ത്തി​ല്‍ എം.​എ​സ്.​എ​ഫ് സെ​ന​റ്റ് അം​ഗ​ങ്ങ​ള്‍ ന​ല്‍കി​യ പ​രാ​തി​യെ തു​ട​ര്‍ന്ന് വി​ജി​ല​ന്‍സ് ഡെ​പ്യൂ​ട്ടി സെ​ക്ര​ട്ട​റി ഉ​ന്ന​ത വി​ദ്യാ​ഭ്യാ​സ വ​കു​പ്പി​ന് ക​ത്ത് ന​ല്‍കി​യി​രു​ന്നു. ബ​ജ​റ്റി​ല്‍ അ​നു​വ​ദി​ച്ച​തി​നേ​ക്കാ​ള്‍ അ​ധി​ക തു​ക ക​രാ​റു​കാ​ര​ന് ന​ല്‍കി​യെ​ന്നും 150 ല​ക്ഷം രൂ​പ​യു​ടെ അ​ധി​ക ചെ​ല​വു​ണ്ടാ​യെ​ന്നു​മാ​ണ് ഓ​ഡി​റ്റ് റി​പ്പോ​ര്‍ട്ടി​ലു​ള്ള​ത്. അ​ക്വാ​റ്റി​ക് കോം​പ്ല​ക്‌​സ് നി​ര്‍മാ​ണ​ത്തി​നാ​യി 5.30 കോ​ടി രൂ​പ​യു​ടെ ഭ​ര​ണാ​നു​മ​തി​യാ​ണ് സ​ര്‍വ​ക​ലാ​ശാ​ല ആ​ദ്യം ന​ല്‍കി​യ​ത്. ക്ര​സ​ന്റ് ക​ണ്‍സ്ട്ര​ക്ഷ​ന്‍സ് ക​മ്പ​നി​ക്ക് 5.74 കോ​ടി രൂ​പ​യു​ടെ ടെ​ന്‍ഡ​ര്‍ ന​ല്‍കി.

നി​ര്‍മാ​ണ​ത്തി​നി​ടെ 95 അ​ധി​ക ഇ​ന​ങ്ങ​ള്‍ ഉ​ള്‍പ്പെ​ടു​ത്തേ​ണ്ടി വ​ന്ന​തി​നാ​ല്‍ 6.9 കോ​ടി​യു​ടെ പു​തു​ക്കി​യ എ​സ്റ്റി​മേ​റ്റി​നും അ​നു​മ​തി ന​ല്‍കി. എ​ന്നാ​ല്‍, അ​ക്വാ​റ്റി​ക് കോം​പ്ല​ക്‌​സ് നി​ര്‍മാ​ണ​ത്തി​ന്റെ വ​ര​വു​ചെ​ല​വ് ക​ണ​ക്കു​ക​ള്‍ പ​രി​ശോ​ധി​ച്ച​പ്പോ​ള്‍ 10 ല​ക്ഷം രൂ​പ​യു​ടെ വ്യ​ത്യാ​സം ക​ണ്ടെ​ത്തു​ക​യാ​യി​രു​ന്നു. ബ​ജ​റ്റ് തു​ക​യേ​ക്കാ​ള്‍ 15 ല​ക്ഷം രൂ​പ ക​രാ​റു​കാ​ര​ന് അ​ധി​കം ന​ല്‍കി​യ​താ​യും വ്യ​ക്ത​മാ​യി. പൊ​തു​മ​രാ​മ​ത്ത് വ​കു​പ്പ് നി​ര​ക്കി​നേ​ക്കാ​ള്‍ കൂ​ടു​ത​ല്‍ നി​ര​ക്കി​ന് പ​ണം ന​ല്‍കി​യ​താ​ണ് ക്ര​മ​ക്കേ​ടി​ന് കാ​ര​ണ​മെ​ന്നാ​ണ് ക​ണ്ടെ​ത്ത​ല്‍. നി​ര്‍മാ​ണ പ്ര​വൃ​ത്തി​യു​ടെ മ​റ​വി​ല്‍ അ​നാ​വ​ശ്യ​മാ​യി പ​ര്‍ച്ചേ​ഴ്സ് ന​ട​ത്തി​യെ​ന്നും അ​ഴി​മ​തി​യു​ണ്ടെ​ന്നും എം.​എ​സ്.​എ​ഫ് പ്ര​തി​നി​ധി​ക​ള്‍ ആ​രോ​പി​ച്ചു.