നാണ്യാപ്പ: വേദിയൊഴിഞ്ഞത് ഇശലുകളുടെ തോഴൻ

തു​വ്വൂ​ർ: മാ​പ്പി​ള​പ്പാ​ട്ടി​നെ ജീ​വ​ശ്വാ​സം പോ​ലെ കൊ​ണ്ടു​ന​ട​ന്ന അ​തു​ല്യ ക​ലാ​കാ​ര​നാ​യി​രു​ന്നു തി​ങ്ക​ളാ​ഴ്ച ഓ​ർ​മ​യാ​യ തു​വ്വൂ​രി​ലെ ക​ട​മ്പോ​ട​ൻ മു​ഹ​മ്മ​ദ് എ​ന്ന നാ​ട്ടു​കാ​രു​ടെ നാ​ണ്യാ​പ്പ. കാ​ള​വ​ണ്ടി കൊ​ണ്ട് ജീ​വി​താ​യോ​ധ​നം ന​ട​ത്തി​യ ഈ ​നാ​ട്ടു​മ്പു​റ​ത്തു​കാ​ര​ൻ സം​ഗീ​ത​ത്തോ​ടു​ള്ള പ്ര​ണ​യം മൂ​ത്ത് ആ​റു പ​തി​റ്റാ​ണ്ട് മു​മ്പ് തൃ​ശൂ​രി​ൽ പോ​യി 250 രൂ​പ​ക്ക് ഹാ​ർ​മോ​ണി​യം വാ​ങ്ങി​യി​രു​ന്നു. ദി​വ​സ​ക്കൂ​ലി ഒ​രു രൂ​പ​യു​ള്ള കാ​ല​മാ​ണ​ത്. പോ​ത്തു​വ​ണ്ടി യാ​ത്ര​ക​ളി​ൽ വി​ര​സ​ത​യ​ക​റ്റാ​ൻ വേ​ണ്ടി മു​ഹ​മ്മ​ദ് പാ​ടി​യ പാ​ട്ടു​ക​ൾ തു​വ്വൂ​രി​െൻറ ഇ​ട​വ​ഴി​ക​ളി​ൽ ഇ​പ്പോ​ഴും മു​ഴ​ങ്ങു​ന്നു​ണ്ട്.

മ​ഞ്ചേ​രി ഹൈ​ദ​റാ​ണ് ഗു​രു. മാ​പ്പി​ള​പ്പാ​ട്ടി​നെ ശാ​സ്ത്രീ​യ​മാ​യി പ​ഠി​ക്കാ​ൻ ശ്ര​മി​ച്ച ഇ​ദ്ദേ​ഹം തൊ​ങ്ക​ൽ, ആ​ദി അ​നം, പു​ക​യി​ന്താ​ർ, കൊ​മ്പ്, ക​പ്പ​പ്പാ​ട്ട്, ഒ​പ്പ​ന ചാ​യ​ൽ, ഒ​പ്പ​ന മു​റു​ക്കം, വി​രു​ത്തം തു​ട​ങ്ങി​യ ഇ​ശ​ലു​ക​ളെ​യും അ​ടു​ത്ത​റി​ഞ്ഞു. തു​വ്വൂ​ർ മു​ഹ​മ്മ​ദ് ആ​ൻ​ഡ് പാ​ർ​ട്ടി എ​ന്ന പേ​രി​ൽ സ്വ​ന്ത​മാ​യി ഒ​രു മാ​പ്പി​ള ഗാ​ന​മേ​ള ട്രൂ​പ്പു​മു​ണ്ടാ​യി​രു​ന്നു മു​ഹ​മ്മ​ദി​ന്. കേ​ര​ള​ത്തി​ല​ങ്ങോ​ളം ഈ ​ട്രൂ​പ്​ പാ​ട്ടു​സ​ദ്യ​ക​ൾ ന​ട​ത്തി​യി​ട്ടു​ണ്ട്.

ഇ​തി​ലൂ​ടെ നി​ര​വ​ധി ഗാ​യ​ക​രെ​യും വ​ള​ർ​ത്തി. സാ​ഹി​ത്യ അ​ക്കാ​ദ​മി മു​ൻ സെ​ക്ര​ട്ട​റി​യും ക​ഥാ​കൃ​ത്തു​മാ​യ പാ​യി​പ്ര രാ​ധാ​കൃ​ഷ്ണ​ൻ ഇ​ദ്ദേ​ഹ​ത്തെ ക​ഥാ​പാ​ത്ര​മാ​ക്കി 'ദ​യാ​പ​ര​നാ​യ നാ​ണി' എ​ന്ന ചെ​റു​ക​ഥ ക​ലാ​കൗ​മു​ദി​യി​ൽ എ​ഴു​തി​യി​ട്ടു​ണ്ട്. ഒ.​എം. ക​രു​വാ​ര​കു​ണ്ട് ഉ​ൾ​പ്പെ​ടെ​യു​ള്ള പ്ര​മു​ഖ​ർ മു​ഹ​മ്മ​ദി​െൻറ സ​ഹ​ചാ​രി​ക​ളാ​ണ്. കാ​ര്യ​മാ​യ അം​ഗീ​കാ​ര​ങ്ങ​ൾ ല​ഭി​ക്കാ​തെ​യാ​ണ് തു​വ്വൂ​രു​കാ​രു​ടെ നാ​ണ്യാ​പ്പ​യു​ടെ വി​ട​വാ​ങ്ങ​ൽ.