ട്രിപ്​ൾ ലോക്​ഡൗൺ: ജനത്തിന്​ പൂട്ട്​, രാഷ്​ട്രീയക്കാർക്ക്​ കള്ളത്താക്കോൽ

മ​ല​പ്പു​റം: സാ​ധാ​ര​ണ​ക്കാ​ർ പു​റ​ത്തി​റ​ങ്ങി‍യാ​ൽ ആ​വ​ശ്യ​ത്തി​നോ അ​നാ​വ​ശ്യ​ത്തി​നോ എ​ന്നൊ​ന്നും അ​ന്വേ​ഷി​ക്കാ​തെ പാ​തി​വ​ഴി​യി​ൽ തി​രി​ച്ച​യ​ക്ക​ൽ, വാ​ഹ​ന​ങ്ങ​ൾ പി​ടി​ച്ചെ​ടു​ക്ക​ൽ, സാ​മൂ​ഹി​ക അ​ക​ലം പാ​ലി​ക്കാ​ത്ത​തി​ന് കേ​സെ​ടു​ക്ക​ൽ... ലോ​ക്​​ഡൗ​ണി​ൽ ഭ​ര​ണ​കൂ​ട​വും നി​യ​മ​പാ​ല​ക​രും തു​ട​രു​ന്ന ന​ട​പ​ടി​ക​ളാ​ണി​വ. കോ​വി​ഡ് അ​തി​വ്യാ​പ​നം രൂ​ക്ഷ​മാ​യ സാ​ഹ​ച​ര്യ​ത്തി​ൽ ജ​ന ജീ​വ​ന് വി​ല ക​ൽ​പി​ച്ച്​ നി​യ​ന്ത്ര​ണം ക​ർ​ശ​ന​മാ​ക്കു​മ്പോ​ഴും ഇ​തൊ​ന്നും ചി​ല​ർ​ക്ക് ബാ​ധ​ക​മ​ല്ലാ​ത്ത​ത്​ എ​ന്തു​കൊ​െ​ണ്ട​ന്ന്​ ചോ​ദ്യ​മു​യ​രു​ന്നു.

നി​യ​ന്ത്ര​ണം കാ​റ്റി​ൽ​ പ​റ​ത്തു​ന്നു

ജി​ല്ല​യി​ൽ പൊ​തു പ​രി​പാ​ടി​ക​ളും ആ​ളു​ക​ൾ കൂ​ട്ടം​കൂ​ടു​ന്ന​തും നി​രോ​ധി​ച്ചി​ട്ടു​ണ്ട്. എ​ന്നാ​ൽ, രാ​ഷ്​​ട്രീ​യ​ക്കാ​ർ​ക്ക് ഇ​തൊ​ന്നും ബാ​ധ​ക​മ​ല്ല എ​ന്ന​താ​ണ് സ്ഥി​തി. സ​ത്യ​പ്ര​തി​ജ്ഞ​ക്ക് ശേ​ഷം ജ​ന്മ​നാ​ടാ​യ തി​രൂ​രി​ലെ​ത്തി​യ മ​ന്ത്രി വി. ​അ​ബ്​​ദു​റ​ഹി​മാ​ന് വീ​ടി​ന് സ​മീ​പം ഇ​ട​തു​മു​ന്ന​ണി പ്ര​വ​ർ​ത്ത​ക​രു​ടെ നേ​തൃ​ത്വ​ത്തി​ൽ സ്വീ​ക​ര​ണ​മൊ​രു​ക്കി. നി​ര​വ​ധി​പേ​ർ കൂ​ടി​നി​ന്ന് മു​ദ്രാ​വാ​ക്യം വി​ളി​ച്ചും പ​ട​ക്കം പൊ​ട്ടി​ച്ചു​മാ​ണ് അ​ദ്ദേ​ഹ​ത്തെ എ​തി​രേ​റ്റ​ത്. പൈ​ല​റ്റ് വാ​ഹ​ന​ത്തി​െൻറ അ​ക​മ്പ​ടി​യോ​ടെ​യാ​യി​രു​ന്നു മ​ന്ത്രി​യു​ടെ വ​ര​വ്. പി​റ്റേ​ന്ന് മ​ന്ത്രി സി.​പി.​എം ജി​ല്ല ക​മ്മി​റ്റി ഓ​ഫി​സി​ലെ​ത്തി​യ​പ്പോ​ഴും സാ​മൂ​ഹി​ക അ​ക​ലം എ​ന്ന മാ​ന​ദ​ണ്ഡം ലം​ഘി​ക്ക​പ്പെ​ട്ടു. മ​ല​പ്പു​റം ന​ഗ​ര​സ​ഭ​യു​ടെ നേ​തൃ​ത്വ​ത്തി​ൽ ടൗ​ൺ​ഹാ​ളി​ൽ ഒ​രു​ക്കി​യ കോ​വി​ഡ് ചി​കി​ത്സ​കേ​ന്ദ്രം ഉ​ദ്ഘാ​ട​നം ശ​നി​യാ​ഴ്ച ന​ട​ന്നു. മു​സ്​​ലിം ലീ​ഗ് സം​സ്ഥാ​ന അ​ധ്യ​ക്ഷ​ൻ പാ​ണ​ക്കാ​ട് ഹൈ​ദ​ര​ലി ശി​ഹാ​ബ് ത​ങ്ങ​ളാ​യി​രു​ന്നു ഉ​ദ്ഘാ​ട​ക​ൻ. പി.​കെ. കു​ഞ്ഞാ​ലി​ക്കു​ട്ടി, കെ.​പി.​എ. മ​ജീ​ദ്, സാ​ദി​ഖ​ലി ശി​ഹാ​ബ് ത​ങ്ങ​ൾ, മു​ന​വ്വ​റ​ലി ശി​ഹാ​ബ് ത​ങ്ങ​ൾ തു​ട​ങ്ങി​യ നേ​താ​ക്ക​ളും സ​ന്നി​ഹി​ത​രാ​യി​രു​ന്നു. ഇ​തി​ൽ സം​ബ​ന്ധി​ക്കാ​നും നി​ര​വ​ധി പേ​രെ​ത്തി​യ​തോ​ടെ കോ​വി​ഡ് ട്രി​പ്ൾ ലോ​ക്​​ഡൗ​ൺ മാ​ന​ദ​ണ്ഡ​ങ്ങ​ൾ ലം​ഘി​ക്ക​പ്പെ​ട്ടു. സൗ​ജ​ന്യ ചി​കി​ത്സ​യെ​ന്ന ജ​നോ​പ​കാ​ര​പ്ര​ദ​മാ​യ പ​ദ്ധ​തി​ക്ക് തു​ട​ക്ക​മി​ടു​ന്ന ച​ട​ങ്ങി​ലാ​ണ് നി​യ​ന്ത്ര​ണ​ങ്ങ​ൾ കാ​റ്റി​ൽ​പ​റ​ന്ന​ത്.

സ​ർ​ക്കാ​ർ ജീ​വ​ന​ക്കാ​ർ​ക്കും ര​ക്ഷ​യി​ല്ല

മ​ല​പ്പു​റം കു​ന്നു​മ്മ​ൽ ജ​ങ്​​ഷ​നി​ൽ വാ​ഹ​ന പ​രി​ശോ​ധ​ന​ക്കി​ടെ സി​വി​ൽ സ്​​റ്റേ​ഷ​നി​​േ​ല​ക്ക്​ കാ​റി​ൽ ഡ്യൂ​ട്ടി​ക്കെ​ത്തി​യ ജീ​വ​ന​ക്കാ​രി​യെ ജി​ല്ല ക​ല​ക്​​ട​ർ ഇ​റ​ക്കി​വി​ട്ട​ത് വെ​ള്ളി​യാ​ഴ്​​ച രാ​വി​ലെ​യാ​ണ്. ക​ല​ക്​​ട​റേ​റ്റി​ലെ ജീ​വ​ന​ക്കാ​ര​ൻ വ​ന്ന കാ​റി​െൻറ പി​ൻ​സീ​റ്റി​ൽ​ നാ​ലു ജീ​വ​ന​ക്കാ​ർ ഉ​ണ്ടാ​യി​രു​ന്നു. ക​ല​ക്​​ട​റു​ടെ ഓ​ഫി​സി​ൽ ത​ന്നെ​യു​ള്ള​വ​രാ​ണെ​ന്ന​റി​ഞ്ഞി​ട്ടും ട്രി​പ്ൾ ലോ​ക്ഡൗ​ൺ നി​ല​നി​ൽ​ക്കു​ന്ന​തി​നാ​ൽ നാ​ലു​പേ​ർ ഒ​ന്നി​ച്ച്​ യാ​ത്ര ചെ​യ്യാ​ൻ പാ​ടി​ല്ലെ​ന്ന്​ ചൂ​ണ്ടി​ക്കാ​ണി​ച്ച്​ ഒ​രാ​െ​ള ഇ​റ​ക്കി വി​ടു​ക​യാ​യി​രു​ന്നു. ഇ​ത് ജീ​വ​ന​ക്കാ​ർ​ക്കി​ട​യി​ൽ പ്ര​തി​ഷേ​ധ​ത്തി​ന് കാ​ര​ണ​മാ​യി.ഡ്യൂ​ട്ടി ക​ഴി​ഞ്ഞ്​ വീ​ട്ടി​ലേ​ക്ക്​ മ​ട​ങ്ങി​യ കെ.​എ​സ്.​ആ​ർ.​ടി.​സി മ​ല​പ്പു​റം ഡി​പ്പോ​യി​ലെ ജീ​വ​ന​ക്കാ​ര​നെ ബൈ​ക്ക്​ യാ​ത്ര​ക്കി​ടെ ഇ​റ​ക്കി​വി​ട്ട​തും വെ​ള്ളി​യാ​ഴ്ച​ത​ന്നെ. ആ​ന​ക്ക​യ​ത്താ​ണ് സം​ഭ​വം. ഹോം​ഗാ​ർ​ഡാ​ണ് ഇ​റ​ക്കി​വി​ട്ട​തെ​ന്നും പ​റ​യു​ന്നു. െഎ.​ഡി കാ​ർ​ഡും മ​റ്റും കാ​ണി​ച്ചെ​ങ്കി​ലും പോ​കാ​ൻ അ​നു​വ​ദി​ച്ചി​ല്ല. ബൈ​ക്ക്​ പി​ടി​ച്ചെ​ടു​ക്കു​ക​യും ന​ട​ന്നു​പോ​കാ​ൻ ആ​വ​ശ്യ​പ്പെ​ട്ട​താ​യും ഇ​ദ്ദേ​ഹം പ​റ​യു​ന്ന​ു. ഏ​റ്റ​വും ഒ​ടു​വി​ൽ ഞാ​യ​റാ​ഴ്ച തി​രൂ​ര​ങ്ങാ​ടി താ​ലൂ​ക്ക് ഓ​ഫി​സി​ൽ ടൈ​പ്പി​സ്​​റ്റാ​യ ഭാ​ര്യ​യെ കൊ​ണ്ടു​വി​ട്ട് മ​ട​ങ്ങു​ക​യാ​യി​രു​ന്ന ഭ​ർ​ത്താ​വി​നെ പ​ര​പ്പ​ന​ങ്ങാ​ടി​യി​ൽ പൊ​ലീ​സ് ത​ട​യു​ക​യും അ​ടി​ക്കു​ക​യും മൊ​ബൈ​ൽ ഫോ​ൺ പി​ടി​ച്ചെ​ടു​ക്കു​ക​യും ചെ​യ്​​തെ​ന്ന പ​രാ​തി​യു​ണ്ടാ​യി.

ഉ​ത്ത​ര​വു​ക​ളി​ലെ അ​വ്യ​ക്ത​ത​ക​ൾ

ട്രി​പ്ൾ ലോ​ക്​​ഡൗ​ൺ നി​യ​ന്ത്ര​ണ​ങ്ങ​ളും വ്യ​വ​സ്ഥ​ക​ളും സം​ബ​ന്ധി​ച്ച് ജി​ല്ല ഭ​ര​ണ​കൂ​ടം പു​റ​പ്പെ​ടു​വി​ക്കു​ന്ന ഉ​ത്ത​ര​വു​ക​ളി​ലെ അ​വ്യ​ക്ത​ത​ക​ൾ ജ​ന​ങ്ങ​ളെ പ്ര​യാ​സ​പ്പെ​ടു​ത്തു​ന്നു. മ​റ്റു ജി​ല്ല​ക​ളി​ലെ പ​ല നി​യ​ന്ത്ര​ണ​ങ്ങ​ളും ഇ​വി​ടെ​യും ബാ​ധ​ക​മാ​ണെ​ന്ന ത​ര​ത്തി​ൽ അ​റി​യി​പ്പു​ക​ൾ സ​മൂ​ഹ മാ​ധ്യ​മ​ങ്ങ​ളി​ലൂ​ടെ വ​ള​രെ വേ​ഗ​ത്തി​ൽ പ്ര​ച​രി​പ്പി​ക്ക​പ്പെ​ടു​ന്നു. പൊ​ലീ​സി​േ​ൻ​റ​തെ​ന്ന പേ​രി​ൽ പു​റ​ത്തു​വി​ടു​ന്ന​വ​യു​മു​ണ്ട്. ഉ​ത്ത​ര​വ് വ​രാ​നു​ള്ള കാ​ല​താ​മ​സ​മാ​ണ് മി​ക്ക​പ്പോ​ഴും വി​ല്ല​നാ​വു​ന്ന​ത്. ഒ​ന്നി​ട​വി​ട്ട ദി​വ​സ​ങ്ങ​ളി​ലേ അ​വ​ശ്യ​സാ​ധ​ന​ങ്ങ​ളു​ടെ ക​ട​ക​ൾ തു​റ​ക്കാ​വൂ എ​ന്ന നി​ർ​ദേ​ശം ജി​ല്ല​യി​ൽ ഇ​ല്ല. എ​ന്നാ​ൽ, ചി​ല​യി​ട​ങ്ങ​ളി​ൽ ഇ​തും പ​റ​ഞ്ഞ് പൊ​ലീ​സ് ക​ട​ക​ൾ പൂ​ട്ടി​ച്ച സം​ഭ​വ​ങ്ങ​ളു​ണ്ടാ​യി.

ഞാ​യ​റാ​ഴ്ച​ത്തെ കൂ​ടു​ത​ൽ നി​യ​ന്ത്ര​ണ​ങ്ങ​ൾ സം​ബ​ന്ധി​ച്ച ജി​ല്ല ക​ല​ക്ട​റു​ടെ ഉ​ത്ത​ര​വ് വ​രു​ന്ന​ത് ശ​നി​യാ​ഴ്ച വൈ​കീ​ട്ട്​ മൂ​ന്ന​ര​യോ​ടെ​യാ​ണ്. അ​വ​ശ്യ​വ​സ്തു​ക്ക​ൾ വി​ൽ​ക്കു​ന്ന ക​ട​ക​ളെ​ല്ലാം ഇ​തി​നും ഒ​ന്ന​ര മ​ണി​ക്കൂ​ർ മു​മ്പ് ഉ​ച്ച​ക്ക് ര​ണ്ടി​നു​ത​ന്നെ അ​ട​ച്ചി​രു​ന്നു. ഞാ​യ​റാ​ഴ്ച ക​ട തു​റ​ക്കു​മെ​ന്ന പ്ര​തീ​ക്ഷ​യി​ലാ​യി​രു​ന്നു ജ​ന​ങ്ങ​ൾ. വൈ​കി വ​ന്ന ഉ​ത്ത​ര​വി​ൽ ക​ച്ച​വ​ട​ക്കാ​രും വെ​ട്ടി​ലാ​യി. പ​ല​രും ഇ​ക്കാ​ര്യം അ​റി​യു​ന്ന​ത് ഞാ​യ​റാ​ഴ്ച രാ​വി​ലെ പ​ത്ര​ങ്ങ​ളി​ലൂ​ടെ​യാ​യി​രു​ന്നു. അ​ടി​യ​ന്ത​ര മെ​ഡി​ക്ക​ൽ സേ​വ​ന​ങ്ങ​ൾ മാ​ത്ര​മേ അ​നു​വ​ദി​ക്കൂ​വെ​ന്നാ​യി​രു​ന്നു ഉ​ത്ത​ര​വി​ൽ പ​റ​ഞ്ഞ​ത്. എ​തി​ർ​പ്പ് ഉ​യ​ർ​ന്ന​തോ​ടെ രാ​ത്രി ഒ​ന്ന് 'മ​യ​പ്പെ​ടു​ത്തി' ക​ല​ക്ട​ർ ഫേ​സ്ബു​ക്ക് പോ​സ്​​റ്റി​ട്ടു. പാ​ൽ, പ​ത്രം, പെ​ട്രോ​ൾ പ​മ്പ് എ​ന്നി​വ മാ​ന​ദ​ണ്ഡ​ങ്ങ​ൾ പാ​ലി​ച്ച് പ്ര​വ​ർ​ത്തി​ക്കാ​മെ​ന്നും ഹോ​ട്ട​ലു​ക​ൾ​ക്ക് ഹോം ​ഡെ​ലി​വ​റി ന​ട​ത്താ​മെ​ന്നും ഇ​തി​ൽ അ​റി‍യി​ച്ചു.

ജീവനക്കാരെ ദ്രോഹിക്കുന്നതിനെതിരെ കലക്ടർക്ക് പരാതി

മ​ല​പ്പു​റം: അ​വ​ധി ദി​വ​സ​ങ്ങ​ളി​ല​ട​ക്കം ജോ​ലി​ക്ക് പോ​വു​ന്ന സ​ർ​ക്കാ​ർ ജീ​വ​ന​ക്കാ​രെ ലോ​ക്ഡൗ​ൺ ഉ​ത്ത​ര​വി​െൻറ പേ​രി​ൽ ത​ട​ഞ്ഞു​വെ​ച്ച്​ അ​പ​മാ​നി​ക്കു​ക​യും ദ്രോ​ഹി​ക്കു​ക​യും ചെ​യ്യു​ന്ന പൊ​ലീ​സ് ഉ​ദ്യോ​ഗ​സ്ഥ​ർ​ക്കെ​തി​രെ ന​ട​പ​ടി സ്വീ​ക​രി​ക്ക​ണ​മെ​ന്ന് ജോ​യി​ൻ​റ് കൗ​ൺ​സി​ൽ ജി​ല്ല ക​മ്മി​റ്റി ആ​വ​ശ്യ​പ്പെ​ട്ടു. അ​വ​ശ്യ സ​ർ​വി​സാ​യി പ്ര​വ​ർ​ത്തി​ക്കു​ന്ന വ​കു​പ്പ് ജീ​വ​ന​ക്കാ​രെ​യും കൂ​ടെ യാ​ത്ര ചെ​യ്യു​ന്ന അ​ടു​ത്ത ബ​ന്ധു​ക്ക​ളെ​യും പൊ​ലീ​സ് ത​ട​ഞ്ഞു​നി​ർ​ത്തി മോ​ശ​മാ​യി സം​സാ​രി​ക്കു​ക​യും അ​പ​മാ​നി​ക്കു​ക​യും ചെ​യ്യു​ന്നു.

ഇ​വ​ർ സ​ഞ്ച​രി​ക്കു​ന്ന വാ​ഹ​നം പി​ടി​ച്ചു​വെ​ച്ച് പി​ഴ ചു​മ​ത്തി​യ സം​ഭ​വം വ​രെ ഉ​ണ്ടാ​യി​ട്ടു​ണ്ട്. സ​മൂ​ഹ സു​ര​ക്ഷ മു​ൻ​നി​ർ​ത്തി ഏ​ർ​പ്പെ​ടു​ത്തി​യ ലോ​ക്ഡൗ​ൺ ഒ​രു​വി​ഭാ​ഗം പൊ​ലീ​സ് ഉ​ദ്യോ​ഗ​സ്ഥ​ർ​ക്ക് അ​ഴി​ഞ്ഞാ​ടാ​നു​ള്ള മ​റ​യാ​വു​ന്ന​ത് ഖേ​ദ​ക​ര​മാ​ണ്.

തി​രൂ​ര​ങ്ങാ​ടി താ​ലൂ​ക്ക്​ ഓ​ഫി​സി​ലേ​ക്ക് ജോ​ലി​ക്ക് പോ​വു​ക​യാ​യി​രു​ന്ന വ​നി​ത ജീ​വ​ന​ക്കാ​രി​യെ അ​പ​മാ​നി​ക്കു​ക​യും ഭ​ർ​ത്താ​വി​നെ മ​ർ​ദി​ക്കു​ക​യും ചെ​യ്ത സം​ഭ​വ​ത്തി​ൽ പ​ര​പ്പ​ന​ങ്ങാ​ടി സി.​ഐ​ക്കെ​തി​രെ ന​ട​പ​ടി സ്വീ​ക​രി​ക്ക​ണ​മെ​ന്ന് കാ​ണി​ച്ചു ക​ല​ക്ട​ർ​ക്ക് പ​രാ​തി ന​ൽ​കി. ജി​ല്ല പ്ര​സി​ഡ​ൻ​റ്​ പി. ​ഷാ​ന​വാ​സ്, സെ​ക്ര​ട്ട​റി കെ.​സി. സു​രേ​ഷ് ബാ​ബു, സം​സ്ഥാ​ന ക​മ്മി​റ്റി അം​ഗം എ​ച്ച്. വി​ൻ​സെൻറ്, എ.​ഇ. ച​ന്ദ്ര​ൻ, ജി​സ്മോ​ൻ പി. ​വ​ർ​ഗീ​സ് എ​ന്നി​വ​രാ​ണ് പ​രാ​തി ന​ൽ​കി​യ​ത്.

ജോ​ലി​ക്ക് എ​ത്തു​ന്ന ജീ​വ​ന​ക്കാ​രെ ദ്രോ​ഹി​ക്കു​ന്ന സം​ഭ​വം ഗൗ​ര​വ​മാ​യി കാ​ണു​ന്നു എ​ന്നും ഇ​ക്കാ​ര്യം അ​ന്വേ​ഷി​ച്ച് ന​ട​പ​ടി സ്വീ​ക​രി​ക്ക​ണ​മെ​ന്നും കാ​ണി​ച്ച്​ ക​ല​ക്ട​ർ ജി​ല്ല പൊ​ലീ​സ് മേ​ധാ​വി​ക്ക് നി​ർ​ദേ​ശം ന​ൽ​കി​യ​താ​യി ഇ​വ​ർ അ​റി​യി​ച്ചു.