മ​രം വ​ര​മാ​യി; കൊ​മ്പി​ൽ പി​ടി​ച്ച്​ സു​ഹൈ​ൽ ജീ​വി​ത​ത്തി​ലേ​ക്ക്​ ക​യ​റി

കാ​ടാ​മ്പു​ഴ: മ​ണ്ണാ​ർ​ക്കാ​ട്​ കു​ന്തി​പ്പു​ഴ​യി​ൽ കു​രു​ത്തി​ച്ചാ​ലി​ൽ ശ​ക്ത​മാ​യ മ​ല​വെ​ള്ള​പ്പാ​ച്ചി​ലി​ൽ ഒ​ഴു​ക്കി​ൽ​പെ​ട്ട പി.​എ​ൻ. സു​ഹൈ​ലി​ന് (22) ജീ​വ​ൻ തി​രി​ച്ചു​കി​ട്ടി​യ​ത് ത​ല​നാ​രി​ഴ​ക്ക്. കാ​ടാ​മ്പു​ഴ ചി​ത്രം​വ​ള്ളി സ്വ​ദേ​ശി​ക​ളാ​യ ആ​റം​ഗ സം​ഘ​ത്തി​ൽ ഉ​ൾ​പ്പെ​ട്ട സു​ഹൈ​ൽ അ​പ​ക​ട​ത്തി​െൻറ ന​ടു​ക്ക​ത്തി​ൽ​നി​ന്ന്​ ഇ​നി​യും മോ​ചി​ത​നാ​യി​ട്ടി​ല്ല. മാ​റാ​ക്ക​ര ഗ്രാ​മ​പ​ഞ്ചാ​യ​ത്ത് എ​ട്ടാം വാ​ർ​ഡ് അം​ഗം പാ​ത്തു​മ്മ​യു​ടെ​യും പൊ​തു​പ്ര​വ​ർ​ത്ത​ക​നാ​യ അ​ബൂ​ബ​ക്ക​ർ കാ​ടാ​മ്പു​ഴ​യു​ടെ​യും മ​ക​നാ​ണ് സു​ഹൈ​ൽ.

ബു​ധ​നാ​ഴ്ച വൈ​കീ​ട്ട്​ മൂ​ന്നി​നാ​ണ് സു​ഹൈ​ൽ ഉ​ൾ​പ്പെ​ട്ട ആ​റം​ഗ സം​ഘം കാ​റി​ൽ കു​ന്തി​പ്പു​ഴ കു​രു​ത്തി​ച്ചാ​ലി​ലേ​ക്ക് തി​രി​ച്ച​ത്. വൈ​കീ​ട്ട്​ 4.45ഓ​ടെ അ​വി​ടെ​യെ​ത്തി​യ ഇ​വ​ർ കു​ളി​ക്കാ​നാ​യി പു​ഴ​യി​ലേ​ക്ക് ഇ​റ​ങ്ങി. പു​ഴ​യി​ലെ ഒ​രു പാ​റ​യു​ടെ മു​ക​ളി​ൽ ഇ​രി​ക്കു​മ്പോ​ഴാ​ണ് ശ​ക്ത​മാ​യ മ​ല​വെ​ള്ള​പ്പാ​ച്ചി​ലു​ണ്ടാ​യ​ത്. കൂ​ടെ​യു​ണ്ടാ​യി​രു​ന്ന സു​ഹൈ​ൽ, ജാ​സിം, റി​ൻ​ഷാ​ദ് എ​ന്നി​വ​ർ​ക്ക് ക​ര​യി​ലേ​ക്ക് ഓ​ടി​ര​ക്ഷ​പ്പെ​ടാ​ൻ സാ​ധി​ച്ചെ​ങ്കി​ലും ഒ​ഴു​ക്ക് കൂ​ടി​യ​ത് കാ​ര​ണം സു​ഹൈ​ലും കാ​ണാ​താ​യ മു​ഹ​മ്മ​ദ​ലി (23), ഇ​ർ​ഫാ​ൻ (20) എ​ന്നി​വ​രും പാ​റ​യു​ടെ മു​ക​ളി​ൽ കു​ടു​ങ്ങു​ക​യാ​യി​രു​ന്നു.

വീ​ണ്ടും വെ​ള്ളം ഉ​യ​ർ​ന്ന​തോ​ടെ സു​ഹൈ​ലാ​ണ്​ ആ​ദ്യം ഒ​ഴു​ക്കി​ൽ​പെ​ട്ട​ത്. തു​ട​ർ​ന്ന് മ​റ്റ് ര​ണ്ട് പേ​രും ഒ​ഴു​കി​പ്പോ​യി. അ​ര​കി​ലോ​മീ​റ്റ​റോ​ളം ഒ​ഴു​കി​യ സു​ഹൈ​ലി​ന്​ മ​ര​ത്തി​െൻറ കൊ​മ്പി​ൽ പി​ടി​ക്കാ​ൻ സാ​ധി​ച്ച​തി​നാ​ൽ അ​ത്ഭു​ത​ക​ര​മാ​യി ര​ക്ഷ​പ്പെ​ടു​ക​യാ​യി​രു​ന്നു. ഒ​ഴു​ക്കി​ൽ​പെ​ട്ട് കാ​ണാ​താ​യ കൂ​ട്ടു​കാ​രെ ഒ​രു കു​ഴ​പ്പ​വും സം​ഭ​വി​ക്കാ​തെ തി​രി​ച്ചു​കി​ട്ട​ണ​മെ​ന്ന പ്രാ​ർ​ഥ​ന​യി​ലാ​ണ് സു​ഹൈ​ൽ.