വെ​ട്ടം സ്വ​ദേ​ശി​ക്ക് ചി​കി​ത്സ​സ​ഹാ​യം: തി​രൂ​രി​ൽ ബ​സു​ക​ളു​ടെ കാ​രു​ണ്യ​യാ​ത്ര തു​ട​ങ്ങി

തി​രൂ​ർ: തി​രൂ​രി​ൽ തി​ങ്ക​ളാ​ഴ്ച മു​ത​ൽ ബ​സു​ക​ളു​ടെ കാ​രു​ണ്യ​യാ​ത്ര തു​ട​ങ്ങി. ഗു​രു​ത​രാ​വ​സ്ഥ​യി​ൽ ചി​കി​ത്സ​യി​ൽ ക​ഴി​യു​ന്ന വെ​ട്ടം സ്വ​ദേ​ശി​യും തി​രൂ​ർ ബ​സ് സ്റ്റാ​ൻ​ഡ് ജീ​വ​ന​ക്കാ​ര​നു​മാ​യ പെ​രും​കു​ള​ത്ത് ച​ന്ദ്ര​ൻ എ​ന്ന മ​ണി​യു​ടെ ചി​കി​ത്സ ധ​ന​സ​ഹാ​യ​ത്തി​നാ​യാ​ണ് യാ​ത്ര​ക്ക് തു​ട​ക്ക​മി​ട്ട​ത്.

അ​ഞ്ച് ബ​സു​ക​ളാ​ണ് തി​ങ്ക​ളാ​ഴ്ച തി​രൂ​രി​ൽ കാ​രു​ണ്യ​യാ​ത്ര ന​ട​ത്തി​യ​ത്. പ​ര​പ്പ​ന​ങ്ങാ​ടി - കു​റ്റി​പ്പു​റം - തി​രൂ​ർ റൂ​ട്ടി​ലോ​ടു​ന്ന മ​ലാ​ല, പു​റ​ത്തൂ​ർ -കൂ​ട്ടാ​യി റൂ​ട്ടി​ലോ​ടു​ന്ന മ​ല​ബാ​ർ, ച​മ്ര​വ​ട്ടം - തി​രൂ​ർ റൂ​ട്ടി​ലോ​ടു​ന്ന പി.​സി. സ​ൺ​സ്, വ​ളാ​ഞ്ചേ​രി - അ​ഴി​മു​ഖം റൂ​ട്ടി​ലോ​ടു​ന്ന മ​ലാ​ല, തി​രൂ​ർ - തെ​യ്യാ​ല - ചെ​മ്മാ​ട് റൂ​ട്ടി​ലോ​ടു​ന്ന പൊ​ന്നൂ​സ് എ​ന്നീ ബ​സു​ക​ളാ​ണ് പ​ങ്കാ​ളി​ക​ളാ​യ​ത്. ബ​സ് തൊ​ഴി​ലാ​ളി കോ ​ഓ​ഡി​നേ​ഷ​ൻ ക​മ്മി​റ്റി​യു​ടെ നേ​തൃ​ത്വ​ത്തി​ൽ ഒ​രു മാ​സം നീ​ണ്ടു നി​ൽ​ക്കു​ന്ന കാ​രു​ണ്യ​യാ​ത്ര​യി​ൽ വി​വി​ധ ദി​വ​സ​ങ്ങ​ളി​ലാ​യി നൂ​റോ​ളം ബ​സു​ക​ൾ നി​ര​ത്തി​ലി​റ​ങ്ങും.

എ​സ്.​ഐ സ​ജീ​ഷ് ഫ്ലാ​ഗ് ഓ​ഫ് ചെ​യ്തു. മൈ​ബ്ര​ദ​ർ മ​ജീ​ദ് അ​ധ്യ​ക്ഷ​ത വ​ഹി​ച്ചു. ജാ​ഫ​ർ ഉ​ണ്ണി​യാ​ൽ, റാ​ഫി തി​രൂ​ർ, ട്രാ​ഫി​ക് എ​സ്.​ഐ എ. ​മു​ര​ളി, ഇ​യ്യാ​ത്ത​യി​ൽ ല​ത്തീ​ഫ്, മൂ​സ പ​ര​ന്നേ​ക്കാ​ട്, അ​ന​ന്ത​ൻ, റാ​ഫി കൂ​ട്ടാ​യി, ഷാ​ന​വാ​സ് തു​ട​ങ്ങി​യ​വ​ർ സം​സാ​രി​ച്ചു.