ബഷീർ സ്മൃതിയിൽ മാംഗോസ്റ്റീൻ തൈ നട്ട് വിദ്യാർഥികൾ

തിരൂർ: മലയാളത്തിന്റെ പ്രിയ എഴുത്തുകാരൻ വൈക്കം മുഹമ്മദ്‌ ബഷീറിന്റെ ഓർമയിൽ വിദ്യാലയ മുറ്റത്ത് മാംഗോസ്റ്റീൻ തൈ നട്ട് വിദ്യാർഥികൾ. പറവണ്ണ സലഫി ഇ.എം സ്കൂളിലെ വിദ്യാരംഗം ക്ലബ് അംഗങ്ങളാണ് ബഷീറിന്റെയും സഹോദരി പാത്തുമ്മയുടെയും വേഷമണിഞ്ഞ് വിദ്യാലയ മുറ്റത്ത് മാംഗോസ്റ്റീൻ തൈ നട്ടത്.

ക്ലബ് അംഗങ്ങൾ ബഷീർ കഥയിലെ കഥാപാത്രങ്ങളുടെ ചിത്രങ്ങൾ വരച്ചു പ്രദർശിപ്പിച്ചു. വിദ്യാർഥികളായ ഫാത്തിമ റിസ, മുഹമ്മദ്‌ നാഫിൽ വിദ്യാരംഗം ക്ലബ് കൺവീനർമാരായ ഒ.എ. ഹുസ്ന, എം. സലീന എന്നിവർ പരിപാടിക്ക് നേതൃത്വം നൽകി.