അ​റ്റ​കു​റ്റ​പ​ണിക്ക് ഫ​ണ്ടി​ല്ല: തി​രൂ​ർ ജി​ല്ല ആ​ശു​പ​ത്രിയിൽ ഓ​ക്സി​ജ​ൻ പ്ലാ​ന്‍റ് പ്ര​വ​ർ​ത്ത​നം നി​ല​ച്ചു

തി​രൂ​ർ: തി​രൂ​ർ ജി​ല്ല ആ​ശു​പ​ത്രി​യി​ൽ മൂ​ന്ന് വ​ർ​ഷ​ങ്ങ​ൾ​ക്ക് മു​മ്പ് ആ​രം​ഭി​ച്ച ഓ​ക്സി​ജ​ൻ പ്ലാ​ന്‍റി​ന്‍റെ പ്ര​വ​ർ​ത്ത​നം നി​ല​ച്ചു. കോ​വി​ഡ് കാ​ല​ത്ത് പി.​എം. കെ​യേ​ഴ്സി​ൽ​നി​ന്ന് ര​ണ്ടു​കോ​ടി രൂ​പ ഉ​പ​യോ​ഗി​ച്ച് നി​ർ​മി​ച്ച​താ​യി​രു​ന്നു ഓ​ക്സി​ജ​ൻ ജ​ന​റേ​റ്റ​ർ പ്ലാ​ന്‍റ്. 2021 ഒ​ക്ടോ​ബ​ർ 21നാ​യി​രു​ന്നു ഇ​ത് പ്ര​വ​ർ​ത്ത​ന​മാ​രം​ഭി​ച്ച​ത്.

ജി​ല്ല ആ​ശു​പ​ത്രി​യി​ലേ​ക്ക് ആ​വ​ശ്യ​മാ​യ ഓ​ക്സി​ജ​ൻ പ്ലാ​ന്‍റി​ൽ​നി​ന്ന് ഉ​ൽ​പാ​ദി​പ്പി​ച്ച് ആ​ശു​പ​ത്രി​ക്ക് ന​ൽ​കു​ക​യാ​യി​രു​ന്നു ചെ​യ്തി​രു​ന്ന​ത്. അ​പ്ര​തീ​ക്ഷി​ത​മാ​യി ഇ​തി​നു​ള്ളി​ൽ​നി​ന്ന് എ​ന്തോ പൊ​ട്ടു​ന്ന ശ​ബ്ദം കേ​ട്ടു​വെ​ന്നും അ​ത് ഇ​ടി​മി​ന്ന​ലി​ൽ കേ​ടാ​യി എ​ന്നു​മാ​ണ് ആ​ശു​പ​ത്രി അ​ധി​കൃ​ത​ർ പ​റ​യു​ന്ന​ത്. എ​ന്നാ​ൽ ഇ​ല​ക്ട്രി​ക്ക​ൽ ഇ​ൻ​സ്പെ​ക്ട​റേ​റ്റി​ൽ നി​ന്നു​ള്ള ഉ​ദ്യോ​ഗ​സ്ഥ​ർ വ​ന്നു പ​രി​ശോ​ധി​ച്ച​പ്പോ​ൾ ഇ​ടി​മി​ന്ന​ൽ അ​ല്ലെ​ന്ന് റി​പ്പാ​ർ​ട്ട് ന​ൽ​കി​യ​തെ​ന്നാ​ണ് വി​വ​രം. ഇ​തോ​ടെ പ്ലാ​ന്‍റി​ന്‍റെ പ്ര​വ​ർ​ത്ത​നം നി​ല​ച്ച് ചു​റ്റും കാ​ടു​മൂ​ടി. ഇ​തി​ന്‍റെ അ​റ്റ​കു​റ്റ​പ​ണി ന​ട​ത്താ​ൻ ഒ​മ്പ​ത് ല​ക്ഷം രൂ​പ വേ​ണ​മെ​ന്നും ഇ​തി​ന് മാ​നേ​ജ്മെ​ന്‍റ് ക​മ്മി​റ്റി​യി​ൽ ഫ​ണ്ടി​ല്ലെ​ന്നു​മാ​ണ് ആ​ശു​പ​ത്രി അ​ധി​കൃ​ത​ർ പ​റ​യു​ന്ന​ത്.

പ്ലാ​ന്‍റ് പ്ര​വ​ർ​ത്ത​നം തു​ട​ങ്ങും മു​മ്പ് സ്വ​കാ​ര്യ ക​മ്പ​നി​യി​ൽ​നി​ന്ന് ലി​ക്വി​ഡ് ഓ​ക്സി​ജ​നും സി​ലി​ണ്ട​റും പ​ണം കൊ​ടു​ത്തു വാ​ങ്ങു​ക​യാ​യി​രു​ന്നു പ​തി​വ്. പ്ലാ​ന്‍റ് തു​ട​ങ്ങി​യ​തോ​ടെ ഇ​ത് നി​ർ​ത്തി. ഇ​പ്പോ​ൾ വീ​ണ്ടും മാ​സം 60,000 ത്തോ​ളം രൂ​പ ചി​ല​വി​ട്ട് സി​ലി​ണ്ട​റും ലി​ക്വി​ഡ് ഓ​ക്സി​ജ​നും വാ​ങ്ങി കൊ​ണ്ടി​രി​ക്കു​ക​യാ​ണ്. എ​ങ്ങ​നെ പ്ലാ​ന്‍റി​ന്‍റെ വ​യ​റു​ക​ൾ ക​ത്തി​യെ​ന്ന​ത് ഇ​തു​വ​രെ വ്യ​ക്ത​മാ​കാ​ത്ത​തി​നാ​ൽ പ​ണം ന​ൽ​കി വേ​ണം അ​റ്റ​കു​റ്റ​പ​ണി ന​ട​ത്താ​ൻ. ഉ​പ​യോ​ഗി​ക്കാ​ത്ത​ത് മൂ​ലം പ്ലാ​ന്‍റി​ലെ ഉ​പ​ക​ര​ണ​ങ്ങ​ൾ ന​ശി​ച്ചു തു​ട​ങ്ങി​യി​ട്ടു​ണ്ട്.