തിരൂർ റെയിൽവേ സ്റ്റേഷനിൽ ടിക്കറ്റെടുക്കാൻ നട്ടംതിരിയണം

തി​രൂ​ർ: തി​രൂ​ർ റെ​യി​ൽ​വെ സ്റ്റേ​ഷ​നി​ൽ പു​തി​യ ടി​ക്ക​റ്റ് കൗ​ണ്ട​ർ തു​ട​ങ്ങി​യ​തോ​ടെ ആ​ശ്വാ​സ​ത്തേ​ക്കാ​ളേറെ ന​ട്ടം തി​രി​യേ​ണ്ട അ​വ​സ്ഥ​യി​ലാ​ണ് യാ​ത്ര​ക്കാ​ർ. ബ​സ് സ്റ്റാ​ൻ​ഡ്, മാ​ർ​ക്ക​റ്റ് ഭാ​ഗ​ത്തു​ള്ള (കി​ഴ​ക്ക് ഭാ​ഗ​ത്ത്) റെ​യി​ൽ​വേ സ്റ്റേ​ഷ​ൻ കെ​ട്ടി​ട​ത്തി​ൽ ദി​വ​സ​ങ്ങ​ൾ​ക്ക് മു​മ്പാ​ണ് പു​തി​യ ടി​ക്ക​റ്റ് കൗ​ണ്ട​ർ തു​റ​ന്ന​ത്. എ​ന്നാ​ൽ, ഇ​വി​ടെ​നി​ന്ന് റി​സ​ർ​വേ​ഷ​ൻ ടി​ക്ക​റ്റ് മാ​ത്ര​മാ​ണ് എ​ടു​ക്കാ​ൻ ക​ഴി​യു​ക. യാ​ത്ര​ക്കാ​ർ ഏ​റെ ആ​ശ്ര​യി​ക്കു​ന്ന ജ​ന​റ​ൽ ടി​ക്ക​റ്റ് എ​ടു​ക്ക​ണ​മെ​ങ്കി​ൽ പ്ര​ധാ​ന ക​വാ​ട​ത്തി​ലു​ള്ള ടി​ക്ക​റ്റ് കൗ​ണ്ട​റി​നെ ത​ന്നെ ആ​ശ്ര​യി​ക്ക​ണം.

ഇ​തി​ന് നേ​ർ​വി​പ​രീ​ത​മാ​ണ് പ്ര​ധാ​ന ക​വാ​ട​ത്തി​ലെ ടി​ക്ക​റ്റ് കൗ​ണ്ട​റി​ലെ അ​വ​സ്ഥ. പ്ര​ധാ​ന ടി​ക്ക​റ്റ് കൗ​ണ്ട​റി​ൽ ജ​ന​റ​ൽ ടി​ക്ക​റ്റെ​ടു​ക്കാ​ൻ ക​ഴി​യു​മെ​ങ്കി​ൽ റി​സ​ർ​വേ​ഷ​ൻ ടി​ക്ക​റ്റെ​ടു​ക്കാ​ൻ ബ​സ് സ്റ്റാ​ൻ​ഡ്, മാ​ർ​ക്ക​റ്റ് ഭാ​ഗ​ത്തു​ള്ള കൗ​ണ്ട​റി​നെ ആ​ശ്ര​യി​ക്ക​ണം. നേ​ര​ത്തെ പ്ര​ധാ​ന ക​വാ​ട​ത്തി​ലു​ണ്ടാ​യി​രു​ന്ന റി​സ​ർ​വേ​ഷ​ൻ ടി​ക്ക​റ്റ് സൗ​ക​ര്യ​മാ​ണ് പു​തി​യ ടി​ക്ക​റ്റ് കൗ​ണ്ട​ർ തു​റ​ന്ന​തോ​ടെ അ​വി​ടേ​ക്ക് മാ​റ്റി​യ​ത്. ഇ​തു​മൂ​ലം ടി​ക്ക​റ്റി​നാ​യി അ​ങ്ങോ​ട്ടും ഇ​ങ്ങോ​ട്ടും നെ​ട്ടോ​ട്ട​​മോ​ടേ​ണ്ട അ​വ​സ്ഥ​യി​ലാ​ണ് യാ​ത്ര​ക്കാ​ർ. ഇ​രു​ഭാ​ഗ​ങ്ങ​ളി​ലും ജ​ന​റ​ൽ ടി​ക്ക​റ്റി​നും റി​സ​ർ​വേ​ഷ​ൻ ടി​ക്ക​റ്റി​നും ര​ണ്ടു വീ​തം കൗ​ണ്ട​റു​ക​ൾ സ്ഥാ​പി​ച്ചാ​ലെ ദു​രി​ത​ത്തി​ന് പ​രി​ഹാ​ര​മാ​കൂ.