മ​ന്ത്രി വീ​ണ ജോ​ർ​ജി​ന്റെ സ​ന്ദ​ർ​ശ​നം; പു​തു​പ്ര​തീ​ക്ഷ​യി​ൽ തി​രൂ​ർ ജി​ല്ല ആ​ശു​പ​ത്രി

തി​രൂ​ര്‍: തി​രൂ​ർ ജി​ല്ല ആ​ശു​പ​ത്രി​യി​ൽ പു​തി​യ ഓ​ങ്കോ​ള​ജി ബ്ലോ​ക്ക് ഉ​ട​ൻ പ്ര​വ​ർ​ത്ത​ന സ​ജ്ജ​മാ​ക്കു​മെ​ന്ന് ആ​രോ​ഗ്യ മ​ന്ത്രി വീ​ണ ജോ​ർ​ജ്. മ​തി​യാ​യ അ​ടി​സ്ഥാ​ന സൗ​ക​ര്യം ഇ​വി​ടെ​യൊ​രു​ക്കും. ബ്ലോ​ക്കി​നാ​യു​ള്ള ഫ​യ​ർ എ​ൻ.​ഒ.​സി​യും ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ത്തി​ന്റെ ന​മ്പ​റും പെ​ട്ടെ​ന്നു​ത​ന്നെ ല​ഭ്യ​മാ​ക്കും.

ആ​ർ​ദ്രം ആ​രോ​ഗ്യം പ​രി​പാ​ടി​യു​ടെ ഭാ​ഗ​മാ​യി തി​രൂ​ർ ജി​ല്ല ആ​ശു​പ​ത്രി​യി​ൽ സ​ന്ദ​ർ​ശ​നം ന​ട​ത്തി​യ ശേ​ഷം മാ​ധ്യ​മ പ്ര​വ​ർ​ത്ത​ക​രോ​ട് സം​സാ​രി​ക്കു​ക​യാ​യി​രു​ന്നു മ​ന്ത്രി. ആ​ശു​പ​ത്രി​യി​ൽ പു​തി​യ ത​സ്തി​ക സൃ​ഷ്ടി​ക്കു​ന്ന​തു​ൾ​പ്പെ​ടെ സ​ർ​ക്കാ​റി​ന്റെ പ​രി​ഗ​ണ​ന​യി​ലു​ണ്ടെ​ന്നും മ​ന്ത്രി കൂ​ട്ടി​ച്ചേ​ർ​ത്തു.

നി​ല​വി​ൽ പ്ര​തി​ദി​നം 42 പേ​രാ​ണ് തി​രൂ​ർ ജി​ല്ല ആ​ശു​പ​ത്രി​യി​ൽ ഡ​യാ​ലി​സി​സ് ചെ​യ്യു​ന്ന​ത്. 100 ക​ണ​ക്കി​ന് പേ​രാ​ണ് പ്ര​തി​ദി​നം വെ​യി​റ്റി​ങ് ലി​സ്റ്റി​ലു​ള്ള​ത്. സ്ഥ​ല സൗ​ക​ര്യ​മു​ണ്ടെ​ങ്കി​ൽ സ​ർ​ക്കാ​ർ വീ​ണ്ടും ഉ​പ​ക​ര​ണ​ങ്ങ​ൾ ന​ൽ​കു​മെ​ന്നും മ​ന്ത്രി പ​റ​ഞ്ഞു. ഓ​ങ്കോ​ള​ജി ബ്ലോ​ക്ക് ഉ​ദ്ഘാ​ട​നം ജ​നു​വ​രി​യി​ൽ ന​ട​ത്താ​ൻ ശ്ര​മി​ക്കാ​മെ​ന്ന് ആ​രോ​ഗ്യ മ​ന്ത്രി അ​റി​യി​ച്ച​താ​യി തി​രൂ​ർ ജി​ല്ല ആ​ശു​പ​ത്രി​യി​ൽ മ​ന്ത്രി​യെ അ​നു​ഗ​മി​ച്ച കു​റു​ക്കോ​ളി മൊ​യ്തീ​ൻ എം.​എ​ൽ.​എ പ​റ​ഞ്ഞു.

വെ​ള്ളി​യാ​ഴ്ച വൈ​കീ​ട്ട് 6.30ഓ​ടെ​യാ​ണ് ആ​രോ​ഗ്യ മ​ന്ത്രി തി​രൂ​ർ ജി​ല്ല ആ​ശു​പ​ത്രി​യി​ലെ​ത്തി​യ​ത്. ആ​ശു​പ​ത്രി​ക​ളി​ൽ ന​ട​ക്കു​ന്ന വി​ക​സ​ന പ്ര​വ​ർ​ത്ത​ന​ങ്ങ​ൾ നേ​രി​ട്ട് വി​ല​യി​രു​ത്താ​നും പോ​രാ​യ്മ​ക​ൾ പ​രി​ഹ​രി​ച്ച് സ​മ​യ​ബ​ന്ധി​ത​മാ​യി ന​ട​പ​ടി സ്വീ​ക​രി​ക്കാ​നു​മാ​ണ് മ​ന്ത്രി​യു​ടെ സ​ന്ദ​ർ​ശ​നം.

മ​ന്ത്രി​ക്കൊ​പ്പം കു​റു​ക്കോ​ളി മൊ​യ്തീ​ൻ എം.​എ​ൽ.​എ​ക്കു​പു​റ​മെ, ജി​ല്ല പ​ഞ്ചാ​യ​ത്ത് പ്ര​സി​ഡ​ന്റ് എം.​കെ. റ​ഫീ​ഖ, തി​രൂ​ർ ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ന്റ് അ​ഡ്വ. യു. ​സൈ​നു​ദ്ദീ​ൻ, ജി​ല്ല പ​ഞ്ചാ​യ​ത്ത് ആ​രോ​ഗ്യ-​വി​ദ്യാ​ഭ്യാ​സ സ്ഥി​രം​സ​മി​തി അ​ധ്യ​ക്ഷ ന​സീ​ബ അ​സീ​സ്, ജി​ല്ല പ​ഞ്ചാ​യ​ത്ത് അം​ഗ​ങ്ങ​ളാ​യ ഫൈ​സ​ൽ എ​ട​ശ്ശേ​രി, വി.​കെ.​എം. ഷാ​ഫി, ഇ. ​അ​ഫ്സ​ൽ, ഡി.​എം.​ഒ ഡോ. ​രേ​ണു​ക, ജി​ല്ല പ​ഞ്ചാ​യ​ത്ത് സെ​ക്ര​ട്ട​റി എ​സ്. ബി​ജു, ആ​രോ​ഗ്യ വ​കു​പ്പ് ഡ​യ​റ​ക്ട​ർ കെ.​ജെ. റീ​ന, മെ​ഡി​ക്ക​ൽ സൂ​പ്ര​ണ്ട് അ​ലി​ഖ​ർ ബാ​ബു തു​ട​ങ്ങി​യ​വ​രും ജ​ന​പ്ര​തി​നി​ധി​ക​ളും രാ​ഷ്ട്രീ​യ പാ​ർ​ട്ടി പ്ര​തി​നി​ധി​ക​ളും മ​ന്ത്രി​യെ അ​നു​ഗ​മി​ച്ചു.

കാ​ഷി​ലി​റ്റി, വി​വി​ധ വാ​ർ​ഡു​ക​ൾ, ഓ​ങ്കോ​ള​ജി ബ്ലോ​ക്ക് എ​ന്നി​വ​യി​ലും സ​ന്ദ​ർ​ശ​നം ന​ട​ത്തി​യ മ​ന്ത്രി രോ​ഗി​ക​ളോ​ട് സം​സാ​രി​ക്കു​ക​യും കൂ​ട്ടി​രി​പ്പു​കാ​രു​ടെ പ​രാ​തി​ക​ൾ കേ​ൾ​ക്കു​ക​യും ചെ​യ്തു.