വൈ​ദ്യു​തി മു​ട​ക്കം പ​തി​വ്; കെ.​എ​സ്.​ഇ.​ബി പു​റ​ത്തൂ​ർ സെ​ക്ഷ​ൻ ഓ​ഫി​സി​ലേ​ക്ക് യു.​ഡി.​എ​ഫ് മാ​ർ​ച്ച് ഇ​ന്ന്

തി​രൂ​ർ: പു​റ​ത്തൂ​ർ പ​ഞ്ചാ​യ​ത്തി​ൽ വൈ​ദ്യു​തി മു​ട​ക്കം പ​തി​വാ​യ​തോ​ടെ പ്ര​തി​ഷേ​ധ​വു​മാ​യി യു.​ഡി.​എ​ഫ് മ​ണ്ഡ​ലം ക​മ്മി​റ്റി രം​ഗ​ത്ത്. കെ.​എ​സ്.​ഇ.​ബി പു​റ​ത്തൂ​ർ സെ​ക്ഷ​ന് കീ​ഴി​ലു​ള്ള പ്ര​ദേ​ശ​ങ്ങ​ളി​ൽ അ​പ്ര​ഖ്യാ​പി​ത വൈ​ദ്യു​തി മു​ട​ക്ക​ത്തി​നെ​തി​രെ​യും വൈ​ദ്യു​തി ത​ക​രാ​റി​ന് പ​രി​ഹാ​രം കാ​ണാ​ൻ പു​റ​ത്തൂ​രി​ൽ പു​തി​യ സ​ബ് സ്റ്റേ​ഷ​ൻ അ​നു​വ​ദി​ക്ക​ണ​മെ​ന്നും ആ​വ​ശ്യ​പ്പെ​ട്ടാ​ണ് യു.​ഡി.​എ​ഫ് മാ​ർ​ച്ചും ധ​ർ​ണ​യും സം​ഘ​ടി​പ്പി​ക്കു​ന്ന​ത്.

ചൊ​വ്വാ​ഴ്ച രാ​വി​ലെ 10ന് ​കെ.​എ​സ്.​ഇ.​ബി പു​റ​ത്തൂ​ർ സെ​ക്ഷ​ൻ ഓ​ഫി​സി​ലേ​ക്ക് മാ​ർ​ച്ചും ധ​ർ​ണ​യും ന​ട​ക്കും. പു​റ​ത്തൂ​രി​ൽ രാ​ത്രി​കാ​ല വൈ​ദ്യു​തി മു​ട​ക്കം പ​തി​വാ​യ​തോ​ടെ ‘മാ​ധ്യ​മം’​വാ​ർ​ത്ത​യാ​ക്കി​യി​രു​ന്നു. വൈ​ദ്യു​തി പ്ര​തി​സ​ന്ധി​ക്ക് പ​രി​ഹാ​ര​മാ​യി ഇ​വി​ടെ സ​ബ്സ്റ്റേ​ഷ​ൻ സ്ഥാ​പി​ക്ക​ണ​മെ​ന്നാ​വ​ശ്യ​വും ശ​ക്ത​മാ​ണ്.

മു​മ്പ് ആ​ല​ത്തി​യൂ​ർ സെ​ക്ഷ​ന്‍റെ കീ​ഴി​ലാ​യി​രു​ന്ന പ്ര​ദേ​ശ​ങ്ങ​ളെ ഉ​ൾ​പ്പെ​ടു​ത്തി കാ​വി​ല​ക്കാ​ട് ആ​സ്ഥാ​ന​മാ​ക്കി 10 വ​ർ​ഷം മു​മ്പാ​ണ് പു​റ​ത്തൂ​ർ സെ​ക്ഷ​ൻ സ്ഥാ​പി​ച്ച​ത്. എ​ന്നാ​ൽ, ഇ​പ്പോ​ഴും സെ​ക്ഷ​ൻ ഓ​ഫി​സ് പ്ര​വ​ർ​ത്തി​ക്കു​ന്ന​ത് വാ​ട​ക കെ​ട്ടി​ട​ത്തി​ലാ​ണ്. നി​ല​വി​ൽ തി​രൂ​ർ, പൊ​ന്നാ​നി, എ​ട​പ്പാ​ൾ തു​ട​ങ്ങി​യ സ​ബ്സ്റ്റേ​ഷ​നു​ക​ളെ​യാ​ണ് ആ​ശ്ര​യി​ക്കു​ന്ന​ത്.

എ​ന്നാ​ൽ, പു​റ​ത്തൂ​ർ ഏ​റ്റ​വും അ​വ​സാ​ന ഭാ​ഗ​മാ​യ​തി​നാ​ൽ ലോ​ഡ് കു​റ​ഞ്ഞ് ലൈ​ൻ ഓ​ട്ടോ​മാ​റ്റി​ക്കാ​യി ക​ട്ടാ​യി പോ​കു​ന്ന​ത് നി​ത്യ​സം​ഭ​വ​മാ​ണ്. ക​ടു​ത്ത ചൂ​ടി​ൽ പ്രാ​യ​മാ​യ​വ​ർ​ക്കും കു​ട്ടി​ക​ൾ​ക്കും ഉ​റ​ങ്ങാ​നാ​വാ​ത്ത സ്ഥി​തി​യാ​ണ്. പ​ല സ​മ​യ​ത്തും വോ​ൾ​ട്ടേ​ജ് ക്ഷാ​മ​വും രൂ​ക്ഷ​മാ​ണ്.

ച​മ്ര​വ​ട്ടം പാ​ലം മു​ത​ൽ പു​റ​ത്തൂ​ർ ബ​സ് സ്റ്റാ​ൻ​ഡ് വ​രെ​യും മം​ഗ​ലം പ​ഞ്ചാ​യ​ത്തി​ലെ പു​ല്ലൂ​ണി വ​രെ​യു​മാ​യി പ​തി​നേ​ഴാ​യി​ര​ത്തോ​ളം ഉ​പ​ഭോ​ക്താ​ക്ക​ളാ​ണ് പു​റ​ത്തൂ​ർ സെ​ക്ഷ​ൻ പ​രി​ധി​യി​ലു​ള്ള​ത്. വൈ​ദ്യു​തി മു​ട​ക്കി​ന് ശാ​ശ്വ​ത പ​രി​ഹാ​ര​ത്തി​നാ​യി വേ​ഗ​ത്തി​ൽ സ​ബ് സ്റ്റേ​ഷ​ൻ സ്ഥാ​പി​ക്കാ​നാ​വ​ശ്യ​മാ​യ ന​ട​പ​ടി​ക​ൾ കൈ​കൊ​ള്ള​ണ​മെ​ന്നാ​ണ് ആ​വ​ശ്യം.