മോ​ടി കൂ​ട്ടി​യ ന്യൂ​ജ​ന​റേ​ഷ​ൻ ബൈ​ക്കി​ന് 17,000 രൂ​പ പി​ഴ​യി​ട്ടു

തി​രൂ​ര​ങ്ങാ​ടി (മലപ്പുറം): നി​യ​മ​വി​രു​ദ്ധ​മാ​യി മാ​റ്റ​ങ്ങ​ൾ വ​രു​ത്തി​യ ന്യൂ​ജ​ന​റേ​ഷ​ൻ ബൈ​ക്കി​ന്​ 17,000 രൂ​പ പി​ഴ​യി​ട്ട്​ മോ​ട്ടോ​ർ വാ​ഹ​ന വ​കു​പ്പ്. എ​ൻ​ഫോ​ഴ്​​സ്​​മെ​ന്‍റ്​ വി​ഭാ​ഗ​മാ​ണ്​ പി​ഴ ഈ​ടാ​ക്കി​യ​ത്. കോ​ട്ട​ക്ക​ൽ ര​ണ്ട​ത്താ​ണി സ്വ​ദേ​ശി​യു​ടേ​താ​ണ്​ വാ​ഹ​നം.

രൂ​പ​മാ​റ്റം വ​രു​ത്തി​യ ഭാ​ഗ​ങ്ങ​ൾ ഉ​ട​മ​സ്ഥ​ന്‍റെ ചെ​ല​വി​ൽ നീ​ക്കി​യ ശേ​ഷ​മാ​ണ്​ വാ​ഹ​നം വി​ട്ടു ന​ൽ​കി​യ​ത്. ദേ​ശീ​യ​പാ​ത പൂ​ക്കി​പ​റ​മ്പ് കോ​ട്ട​ക്ക​ൽ മേ​ഖ​ല കേ​ന്ദ്രീ​ക​രി​ച്ച്​ എം.​വി.​ഐ സ​ജി തോ​മ​സ് എ.​എം.​വി.​ഐ വി​ജീ​ഷ് വാ​ലേ​രി എ​ന്നി​വ​രു​ടെ നേ​തൃ​ത്വ​ത്തി​ൽ ന​ട​ത്തി​യ പ​രി​ശോ​ധ​ന​യി​ലാ​ണ്​ ബൈ​ക്ക് പി​ടി​കൂ​ടി​യ​ത്.

നി​ല​വി​ലെ സൈ​ല​ൻ​സ​ർ മാ​റ്റി കാ​ത​ട​പ്പി​ക്കു​ന്ന സൈ​ല​ൻ​സ​ർ വെ​ച്ചു​പി​ടി​പ്പി​ച്ച​തി​ന്​ ഒ​പ്പം ക​ണ്ണ​ഞ്ചി​പ്പി​ക്കു​ന്ന ഹെ​ഡ്​​ലൈ​റ്റും അ​പ​ക​ടം വ​രു​ത്തു​ന്ന ഹാ​ൻ​ഡി​ലു​മ​ട​ക്കം മാ​റ്റ​ങ്ങ​ളാ​ണ്​ വ​രു​ത്തി​യ​ത്. ന​മ്പ​ർ​പ്ലേ​റ്റ്​ പ്ര​ദ​ർ​ശി​പ്പി​ക്കാ​തി​രു​ന്ന ബൈ​ക്കി​ന്​ ഇ​ൻ​ഷു​റ​ൻ​സ്​ ഉ​ണ്ടാ​യി​രു​ന്നു​മി​ല്ല. തു​ട​ർ​ന്നു​ള്ള ദി​വ​സ​ങ്ങ​ളി​ലും വാ​ഹ​ന പ​രി​ശോ​ധ​ന ക​ർ​ശ​ന​മാ​ക്കു​മെ​ന്ന് അ​ധി​കൃ​ത​ർ അ​റി​യി​ച്ചു.