വൈദ്യുതി ബില്ലിന്റെ പേരിൽ ഓൺലൈൻ തട്ടിപ്പ്

തി​രൂ​ർ: വൈ​ദ്യു​തി ബി​ല്ല് അ​ട​ച്ചി​ല്ലെ​ന്ന് പ​റ​ഞ്ഞ് മൊ​ബൈ​ൽ സ​ന്ദേ​ശം വ​ഴി ഓ​ൺ​ലൈ​നി​ലൂ​ടെ പ​ണം ക​വ​ർ​ന്ന​താ​യി യു​വാ​വി​ന്റെ പ​രാ​തി. തി​രു​നാ​വാ​യ കാ​ര​ത്തൂ​ർ സ്വ​ദേ​ശി​യു​ടെ ബാ​ങ്ക് അ​ക്കൗ​ണ്ടി​ൽ​നി​ന്ന് 19,238 രൂ​പ​യാ​ണ് ന​ഷ്ട​പ്പെ​ട്ട​ത്. കേ​ര​ള ഗ്രാ​മീ​ൺ ബാ​ങ്ക് തൃ​ശൂ​ർ ഇ​രി​ങ്ങാ​ല​ക്കു​ട ബ്രാ​ഞ്ചി​ലെ സേ​വി​ങ് ഉ​ട​മ കാ​ര​ത്തൂ​ർ കാ​ളി​യാ​ട​ൻ ഷാ​ഹി​ൻ റ​ഹ്മാ​ന്റെ പ​ണ​മാ​ണ് ക​ഴി​ഞ്ഞ ദി​വ​സം ന​ഷ്ട​മാ​യ​ത്. തി​രു​നാ​വാ​യ വൈ​ദ്യു​തി കാ​ര്യാ​ല​യ​ത്തി​ന് കീ​ഴി​ലെ ക​ൺ​സ്യൂ​മ​ർ ഉ​ട​മ കാ​ളി​യാ​ട​ൻ ആ​യി​ഷ​യു​ടെ ക​റ​ന്റ് ബി​ല്ല് അ​ട​ച്ചി​ല്ലെ​ന്ന് അ​റി​യി​ച്ച് ഫോ​ൺ സ​ന്ദേ​ശ​ത്തി​ലൂ​ടെ​യാ​ണ് ത​ട്ടി​പ്പി​ൽ വീ​ഴ്ത്തി​യ​ത്.

വീ​ട്ടു​ട​മ കാ​ളി​യാ​ട​ൻ ഹ​സീ​ന​യു​ടെ ഫോ​ണി​ലേ​ക്ക് ഞാ​യ​റാ​ഴ്ച ഉ​ച്ച​യോ​ടെ​യാ​ണ് വൈ​ദ്യു​തി ബി​ൽ കു​ടി​ശ്ശി​ക​യു​ണ്ടെ​ന്ന് പ​റ​ഞ്ഞ് ഫോ​ൺ വ​ന്ന​ത്.

അ​ക്ഷ​യ മു​ഖേ​ന പ​ണം അ​ട​ച്ച​താ​ണെ​ന്ന് ഹ​സീ​ന മ​റു​പ​ടി പ​റ​ഞ്ഞെ​ങ്കി​ലും 10 രൂ​പ ബാ​ക്കി​യു​ണ്ടെ​ന്നും ഇ​ത് ഉ​ട​നെ ബാ​ങ്ക് അ​ക്കൗ​ണ്ടി​ലേ​ക്ക് ട്രാ​ൻ​സ്ഫ​ർ ചെ​യ്യ​ണ​മെ​ന്നും ആ​വ​ശ്യ​പ്പെ​ട്ടു. തു​ട​ർ​ന്ന് പ​ണം അ​ട​ക്കാ​ൻ ബാ​ങ്ക് ഒ.​ടി.​പി ന​മ്പ​ർ ത​ര​ണ​മെ​ന്നും അ​ജ്ഞാ​ത​ൻ ആ​വ​ശ്യ​പ്പെ​ട്ടു. മ​ക​ന്റെ അ​ക്കൗ​ണ്ടി​ന്റെ ഒ.​ടി.​പി ന​മ്പ​ർ ന​ൽ​കി​യ ഉ​ട​ൻ ഒ​രു മി​നി​റ്റി​നു​ള്ളി​ൽ ര​ണ്ടു ത​വ​ണ​യാ​യി 10,395 രൂ​പ​യും 8,893 രൂ​പ​യും പി​ൻ​വ​ലി​ച്ച​താ​യി ബാ​ങ്ക് സ​ന്ദേ​ശ​വും വ​ന്നു.

ക​ബ​ളി​പ്പി​ക്ക​പ്പെ​ട്ട ഷാ​ഹി​ൻ റ​ഹ്മാ​ൻ തി​രൂ​ർ പൊ​ലീ​സി​ൽ പ​രാ​തി ന​ൽ​കി. ക​ഴി​ഞ്ഞ ഞാ​യ​റാ​ഴ്ച നി​ര​വ​ധി പേ​ർ​ക്ക് വൈ​ദ്യു​തി ബി​ല്ല് അ​ട​ച്ചി​ല്ലെ​ന്ന സ​ന്ദേ​ശം ഫോ​ണി​ൽ വ​ന്ന​താ​യും നേ​രി​ട്ട് വി​ളി​ച്ച​താ​യും അ​ധി​കൃ​ത​ർ പ​റ​ഞ്ഞു. പ​ണം ന​ഷ്ട​പ്പെ​ട്ട നി​ര​വ​ധി പേ​ർ പൊ​ലീ​സി​ൽ പ​രാ​തി ന​ൽ​കി​യി​ട്ടു​ണ്ട്.