പടിക്കൽ സ്‌കൂൾ പൊളിക്കു​ന്നു; പു​തി​യ സ്ഥ​ലം ക​ണ്ടെ​ത്താ​നാ​വാ​തെ അ​ധി​കൃ​ത​ർ

തി​രൂ​ര​ങ്ങാ​ടി: ദേ​ശീ​യ​പാ​ത വി​ക​സ​ന​ത്തി​െൻറ ഭാ​ഗ​മാ​യി വെ​ളി​മു​ക്ക് ജി.​എം.​എ​ൽ.​പി സ്കൂ​ൾ പൊ​ളി​ച്ചു നീ​ക്കു​ന്നു. സ്​​കൂ​ളി​ന്​ പു​തി​യ സ്ഥ​ലം ക​ണ്ടെ​ത്തു​ന്ന​തി​നാ​യി അ​ധി​കൃ​ത​ർ നെ​ട്ടോ​ട്ട​ത്തി​ൽ. മൂ​ന്നി​യൂ​ർ പ​ടി​ക്ക​ൽ ദേ​ശീ​യ​പാ​ത​യോ​ര​ത്ത്​ 66 സെൻറ്​ ഭൂ​മി​യി​ലാ​ണ്​ സ്‌​കൂ​ൾ സ്ഥി​തി​ചെ​യ്യു​ന്ന​ത്. ഇ​തി​ൽ 60 സെൻറ്​ സ്ഥ​ല​വും ദേ​ശീ​യ​പാ​ത​ക്കാ​യി ഏ​റ്റെ​ടു​ത്തി​ട്ടു​ണ്ട്.

നാ​ല് കെ​ട്ടി​ട​ങ്ങ​ളി​ൽ ഒ​രു ഇ​രു​നി​ല കെ​ട്ടി​ടം അ​ട​ക്കം മൂ​ന്നെ​ണ്ണ​വും അ​ടു​ക്ക​ള, ശൗ​ചാ​ല​യം, കി​ണ​ർ എ​ന്നി​വ​യു​മാ​ണ് പാ​ത വി​ക​സ​ന​ത്തി​െൻറ ഭാ​ഗ​മാ​യി പൊ​ളി​ച്ച് നീ​ക്കു​ന്ന​ത്. പ​ടി​ക്ക​ൽ ടൗ​ണി​ലെ ക​ച്ച​വ​ട​ക്കാ​രും ആ​ശ്ര​യി​ക്കു​ന്ന കി​ണ​റാ​ണ് സ്കൂ​ളി​ലേ​ത്. 1908ലാ​ണ് സ്കൂ​ളി​ന്​ തു​ട​ക്കം കു​റി​ക്കു​ന്ന​ത്.100 വ​ർ​ഷ​ത്തി​ന​പ്പു​റം ഒ​രു നാ​ടി​നെ അ​റി​വി​െൻറ വെ​ളി​ച്ചം കാ​ണി​ച്ച സ്കൂ​ൾ കൂ​ടി​യാ​ണി​ത്.

പ​ടി​ക്ക​ൽ​നി​ന്ന്​ 750 മീ​റ്റ​ർ അ​ക​െ​ല ആ​റ​ങ്ങാ​ട്ട് പ​റ​മ്പി​ന​ടു​ത്തു​ള്ള പ്ര​ദേ​ശ​ത്ത് സ്​​കൂ​ളി​ന്​ സ്ഥ​ലം ക​ണ്ടു​വെ​ച്ചി​ട്ടു​ണ്ട്. ഈ ​പ്ര​ദേ​ശം കാ​ർ​ഷി​ക​നി​ല​ത്തോ​ട് ചേ​ർ​ന്ന ഭൂ​മി​യാ​യ​തി​നാ​ൽ ഇ​തി​ൽ നി​ർ​മാ​ണ​പ്ര​വ​ർ​ത്ത​ന​ങ്ങ​ൾ​ക്ക് പ്ര​യാ​സ​ങ്ങ​ൾ ഏ​റെ​യാ​ണ്. അ​തു​കൊ​ണ്ടു​ത​ന്നെ കെ​ട്ടി​ടം നി​ർ​മി​ക്കു​ന്ന​തി​ൽ കാ​ല​താ​മ​സം നേ​രി​ടും. ക്ലാ​സു​ക​ൾ തു​റ​ക്കാ​ൻ ദി​വ​സ​ങ്ങ​ൾ മാ​ത്രം ബാ​ക്കി നി​ൽ​ക്കു​ന്ന​തി​നാ​ൽ പ​ഠ​നം മു​ട​ങ്ങാ​തി​രി​ക്കാ​ൻ തൊ​ട്ട​ടു​ത്തു​ള്ള മ​ദ്​​റ​സ​യി​ലേ​ക്ക് സ്​​കൂ​ൾ മാ​റ്റാ​നാ​ണ് നി​ല​വി​ലെ തീ​രു​മാ​നം.