മ​ന്ത്രി​ക്ക് മു​ന്നി​ൽ നാ​ടിന്റെ പ്ര​ശ്ന​ങ്ങ​ൾ പ​റ​ഞ്ഞ് റാ​ബി​യ

തി​രൂ​ര​ങ്ങാ​ടി: അം​ഗ​പ​രി​മി​തി​യെ മ​റി​ക​ട​ന്ന് സാ​ക്ഷ​ര​ത പ്ര​വ​ർ​ത്ത​ന​ത്തി​ലും സാ​മൂ​ഹി​ക സേ​വ​ന രം​ഗ​ത്തും നി​റ​ഞ്ഞു നി​ന്ന​തി​ന്റെ അം​ഗീ​കാ​ര​മാ​യി പ​ത്മ​ശ്രീ ല​ഭി​ച്ച കെ.​വി. റാ​ബി​യ​യെ റ​വ​ന്യൂ മ​ന്ത്രി അ​ഡ്വ. കെ. ​രാ​ജ​ൻ പൊ​ന്നാ​ട അ​ണ​യി​ച്ചു. റി​പ്പ​ബ്ലി​ക് ദി​ന​ത്തി​ൽ തി​രൂ​ര​ങ്ങാ​ടി വെ​ള്ളി​ല​ക്കാ​ടി​ലെ വീ​ട്ടി​ല്‍ മ​ന്ത്രി എ​ത്തി സം​സ്ഥാ​ന സ​ർ​ക്കാ​റി​ന് വേ​ണ്ടി റാ​ബി​യ​യെ ആ​ദ​രി​ക്കു​ക​യാ​യി​രു​ന്നു. 'സ്വ​പ്‌​ന​ങ്ങ​ള്‍ക്കും ചി​റ​കു​ക​ളു​ണ്ട്' റാ​ബി​യ​യു​ടെ പു​സ്ത​കം അ​വ​ർ മ​ന്ത്രി​ക്ക്​ സ​മ്മാ​നി​ച്ചു.

സാ​ക്ഷ​ര​ത പ്ര​സ്ഥാ​ന​ത്തി​നും സാ​മൂ​ഹി​ക പ്ര​വ​ര്‍ത്ത​ന​ത്തി​നും അം​ഗ​പ​രി​മി​തി പ്ര​ശ്‌​ന​മ​ല്ലെ​ന്ന് തെ​ളി​യി​ച്ച വ്യ​ക്തി​ത്വ​മാ​ണ് റാ​ബി​യ​യെ​ന്നും സ​ർ​ക്കാ​റി​ന് വേ​ണ്ടി പു​ര​സ്കാ​രം സ​മ​ർ​പ്പി​ക്കാ​നാ​യ​തി​ൽ ഏ​റെ സ​ന്തോ​ഷ​മു​ണ്ടെ​ന്നും മ​ന്ത്രി പ​റ​ഞ്ഞു.

ക​ട​ലു​ണ്ടി​പ്പു​ഴ ക​ര​ക​വി​യു​ന്ന ഘ​ട്ട​ത്തി​ലും മ​ണ്ണി​ടി​ച്ചി​ലു​ണ്ടാ​കു​ന്ന സാ​ഹ​ച​ര്യ​ത്തി​ലും തി​രൂ​ര​ങ്ങാ​ടി​യി​ലെ​യും പ​രി​സ​ര പ്ര​ദേ​ശ​ങ്ങ​ളി​ലെ​യും ജ​നം അ​നു​ഭ​വി​ക്കു​ന്ന ദു​രി​തം പ​രി​ഹ​രി​ക്കാ​ൻ അ​ടി​യ​ന്ത​ര ന​ട​പ​ടി സ്വീ​ക​രി​ക്ക​ണ​മെ​ന്ന റാ​ബി​യ​യു​ടെ അ​ഭ്യ​ർ​ഥ​ന ക​ണ​ക്കി​ലെ​ടു​ത്ത് ഒ​രു മാ​സ​ത്തി​ന​കം പ​രി​ശോ​ധ​ന ന​ട​ത്തി റി​പ്പോ​ർ​ട്ട് സ​മ​ർ​പ്പി​ക്കാ​ൻ ക​ല​ക്ട​റെ ചു​മ​ത​ല​പ്പെ​ടു​ത്തി​യ​താ​യി മ​ന്ത്രി പ​റ​ഞ്ഞു. പ്ര​ശ്ന പ​രി​ഹാ​ര​ത്തി​നാ​യി ന​ട​പ​ടി സ്വീ​ക​രി​ക്കു​മെ​ന്നും മ​ന്ത്രി വ്യ​ക്ത​മാ​ക്കി.

മ​ണ്ണി​ടി​ച്ചി​ൽ ഭീ​ഷ​ണി​യു​ള്ള പു​ഴ​യോ​ര പ്ര​ദേ​ശ​ങ്ങ​ൾ ക​ല​ക്ട​റു​ടെ നേ​തൃ​ത്വ​ത്തി​ല്‍ സ​ന്ദ​ര്‍ശി​ക്കു​ക​യും ചെ​യ്തു. ക​ല​ക്ട​ര്‍ വി.​ആ​ര്‍. പ്രേം​കു​മാ​ര്‍, ഡെ​പ്യൂ​ട്ടി ക​ല​ക്ട​ര്‍ പി.​ഒ. സാ​ദി​ഖ്, തി​രൂ​ര​ങ്ങാ​ടി ന​ഗ​ര​സ​ഭ ചെ​യ​ര്‍മാ​ന്‍ കെ.​പി. മു​ഹ​മ്മ​ദ് കു​ട്ടി, വി​ക​സ​ന സ്റ്റാ​ൻ​ഡി​ങ് ക​മ്മി​റ്റി ചെ​യ​ർ​മാ​ൻ ഇ​ക്ബാ​ൽ ക​ല്ലു​ങ്ങ​ൽ, ഡെ​പ്യൂ​ട്ടി ത​ഹ​സി​ല്‍ദാ​ര്‍ സു​ധീ​ഷ്, സി.​പി.​ഐ ജി​ല്ല സെ​ക്ര​ട്ട​റി പി.​കെ. കൃ​ഷ്ണ​ദാ​സ്, നി​യാ​സ് പു​ളി​ക്ക​ല​ക​ത്ത്, ന​ഗ​ര​സ​ഭ കൗ​ൺ​സി​ല​ർ അ​രി​മ്പ്ര മു​ഹ​മ്മ​ദ​ലി, കെ. ​മൊ​യ്തീ​ൻ കോ​യ, എം.​പി. സ്വാ​ലി​ഹ് ത​ങ്ങ​ൾ തു​ട​ങ്ങി​യ​വ​ർ പ​ങ്കെ​ടു​ത്തു.