തി​രു​നാ​വാ​യ​യി​ൽ തെ​രു​വു​നാ​യ് ആക്ര​മണം; ജ​നം പ​രി​ഭ്രാ​ന്തി​യി​ൽ

തി​രു​നാ​വാ​യ: ഗ്രാ​മ​പ​ഞ്ചാ​യ​ത്തി​ലെ വി​വി​ധ ഭാ​ഗ​ങ്ങ​ളി​ലും സ​മീ​പ പ​ഞ്ചാ​യ​ത്തു​ക​ളി​ലും തെ​രു​വു​നാ​യ്ക്ക​ളു​ടെ അ​ക്ര​മം വ​ർ​ധി​ച്ചു​വ​രു​ന്ന​ത് ജ​ന​ത്തെ പ​രി​ഭ്രാ​ന്തി​യി​ലാ​ക്കി.

വ​ള​ർ​ത്തു​മൃ​ഗ​ങ്ങ​ളെ​യും പ​ക്ഷി​ക​ളെ​യും പ​തി​വാ​യി അ​ക്ര​മി​ച്ചി​രു​ന്ന നാ​യ്ക്ക​ൾ ഇ​പ്പോ​ൾ കു​ട്ടി​ക​ളു​ടെ​യും മു​തി​ർ​ന്ന​വ​രു​ടെ​യും നേ​രെ തി​രി​ഞ്ഞ​തി​നാ​ൽ അ​ത്യാ​വ​ശ്യ​ത്തി​നു പോ​ലും ത​നി​ച്ച് പു​റ​ത്തി​റ​ങ്ങാ​ൻ ക​ഴി​യാ​ത്ത സ്ഥി​തി​യാ​ണ്.

സൗ​ത്ത് പ​ല്ലാ​റി​ലും പ​ട്ട​ർ​ന​ട​ക്കാ​വി​ലും നാ​ല് വ​യ​സ്സുള്ള ര​ണ്ട് കു​ട്ടി​ക​ളെ​യാ​ണ് മു​ഖ​ത്തും മ​റ്റും ക​ടി​ച്ച് വി​കൃ​ത​മാ​ക്കി​യ​ത്. പ​ട്ട​ർ​ന​ട​ക്കാ​വി​ൽ പ്ര​ഭാ​ത സ​വാ​രി ന​ട​ത്തു​ന്ന ആ​ളാ​ണ് നാ​യു​ടെ ആ​ക്ര​മ​ണ​ത്തി​ന് വി​ധേ​യ​നാ​യ​ത്. തൊ​ട്ട​ടു​ത്ത ത​ല​ക്കാ​ട് പ​ഞ്ചാ​യ​ത്തി​ലെ തെ​ക്ക​ൻ കു​റ്റൂ​രി​ലും ര​ണ്ട് കു​ട്ടി​ക​ൾ​ക്കും ക​ഴി​ഞ്ഞ ദി​വ​സം നാ​യ്ക്ക​ളു​ടെ അ​ക്ര​മ​ത്തി​ൽ സാ​ര​മാ​യി പ​രി​ക്കേ​റ്റി​രു​ന്നു.

രാ​പ​ക​ൽ ഭേ​ദ​മി​ല്ലാ​തെ എ​വി​ടെ തി​രി​ഞ്ഞാ​ലും പാ​ത​യോ​ര​ങ്ങ​ളെ​ല്ലാം നാ​യ്ക്ക​ൾ കൈ​യ​ട​ക്കി​യ സ്ഥി​തി​യാ​ണ്. ഇ​തു മൂ​ലം സ്കൂ​ളി​ലേ​ക്കും മ​ദ്റ​സ​യി​ലേ​ക്കും പോ​വു​ക​യും വ​രി​ക​യും ചെ​യ്യു​ന്ന കു​ട്ടി​ക​ളെ അ​നു​ഗ​മി​ക്കേ​ണ്ട ഗ​തി​കേ​ടി​ലാ​ണ് ര​ക്ഷി​താ​ക്ക​ൾ. പു​ല​ർ​ച്ച ആ​രാ​ധ​നാ​ല​യ​ങ്ങ​ളി​ൽ പോ​കു​ന്ന​വ​ർ വ​ലി​യ വ​ടി​ക​ൾ കൈ​യി​ൽ ക​രു​തും.

ബൈ​ക്ക് യാ​ത്രി​ക​ർ​ക്കും മ​റ്റു​മു​ള്ള ശ​ല്യ​വും ചി​ല്ല​റ​യ​ല്ല. അ​ധി​കൃ​ത​രോ​ട് പ​റ​ഞ്ഞി​ട്ട് ഒ​രു പ്ര​തി​ക​ര​ണ​വു​മി​ല്ല. ഈ ​സാ​ഹ​ച​ര്യ​ത്തി​ൽ ഉ​പ​ദ്ര​വ​കാ​രി​ക​ളാ​യ തെ​രു​വു​നാ​യ്ക്ക​ളെ പി​ടി​കൂ​ടി ത​ദ്ദേ​ശ സ്ഥാ​പ​ന​ങ്ങ​ൾ പ്ര​ത്യേ​ക കൂ​ട്ടി​ലി​ട്ട് സം​ര​ക്ഷി​ക്ക​ണ​മെ​ന്ന് സ​ർ​ക്കാ​ർ നി​ർ​ദേ​ശി​ച്ചി​രു​ന്നു. അ​തു ന​ട​പ്പാ​ക്കാ​ത്ത പ​ഞ്ചാ​യ​ത്തു​ക​ൾ ക​ണ്ടെ​ത്തി സ​ത്വ​ര ന​ട​പ​ടി​ക​ൾ സ്വീ​ക​രി​ക്ക​ണ​മെ​ന്നാ​ണ് ജ​ന​കീ​യ ആ​വ​ശ്യം.