ഡി.ടി.പി.സിയുടെ തീർഥാടകത്തോണി കരയിൽ വിശ്രമത്തിലാണ്​

തി​രു​നാ​വാ​യ: തീ​ർ​ഥാ​ട​ക​രെ ല​ഭി​ക്കാ​ത്ത​തി​നാ​ൽ നി​ള​യി​ൽ ഡി.​ടി.​പി.​സി ഏ​ർ​പ്പെ​ടു​ത്തി​യ തീ​ർ​ഥാ​ട​ക​ത്തോ​ണി അ​ഞ്ചു​മാ​സ​ത്തി​ല​ധി​ക​മാ​യി ക​ര​യി​ൽ​ത്ത​ന്നെ. കോ​വി​ഡ് മൂ​ലം നാ​വാ​മു​കു​ന്ദ ക്ഷേ​ത്ര​ത്തി​ൽ ഭ​ക്ത​ജ​ന​ങ്ങ​ൾ​ക്ക് ദ​ർ​ശ​നം വി​ല​ക്കി​യ​തോ​ടെ​യാ​ണ് ക​ഴി​ഞ്ഞ മാ​ർ​ച്ച് പാ​തി​യോ​ടെ തോ​ണി ക​ര​യി​ൽ ക​യ​റി​യ​ത്.

നാ​വാ​മു​കു​ന്ദ ക്ഷേ​ത്ര​ത്തി​ലെ​ത്തു​ന്ന വി​ശ്വാ​സി​ക​ൾ മു​മ്പ് നി​ള​യു​ടെ തെ​ക്കെ​ക്ക​ര​യി​ലു​ള്ള ബ്ര​ഹ്മ-​ശി​വ​ക്ഷേ​ത്ര​ങ്ങ​ൾ നോ​ക്കി തൊ​ഴാ​റാ​യി​രു​ന്നു പ​തി​വ്.

ഈ ​പ​തി​വ് മാ​റ്റി അ​വി​ടെ നേ​രി​ട്ടെ​ത്തി ദ​ർ​ശ​ന​വും വ​ഴി​പാ​ടു​ക​ളും ന​ട​ത്തു​ന്ന​തി​നു​ള്ള സൗ​ക​ര്യാ​ർ​ഥ​മാ​ണ് അ​ഞ്ചു വ​ർ​ഷം മു​മ്പ് ഡി.​ടി.​പി.​സി നി​ള​യി​ൽ തീ​ർ​ഥാ​ട​ക​ത്തോ​ണി ഏ​ർ​പ്പെ​ടു​ത്തി​യ​ത്. ഇ​ത് വി​ശ്വാ​സി​ക​ൾ​ക്ക് വ​ള​രെ അ​നു​ഗ്ര​ഹ​മാ​യ​തോ​ടെ നി​ര​വ​ധി​പേ​ർ ദി​നം​പ്ര​തി ഈ ​സൗ​ക​ര്യം പ്ര​യോ​ജ​ന​പ്പെ​ടു​ത്തി.

തി​രു​നാ​വാ​യ മേ​ഖ​ല​യി​ലു​ണ്ടാ​യ പ്ര​ള​യ​ത്തി​ൽ വീ​ടു​ക​ൾ വെ​ള്ള​ത്തി​ലാ​യ​പ്പോ​ൾ കു​ടും​ബ​ങ്ങ​ളെ ര​ക്ഷി​ച്ച് ദു​രി​താ​ശ്വാ​സ ക്യാ​മ്പു​ക​ളി​ലെ​ത്തി​ക്കാ​ൻ മു​ഖ്യ​പ​ങ്കു​വ​ഹി​ച്ച​തും മു​ങ്ങ​ൽ വി​ദ​ഗ്ധ​ൻ പാ​റ​ല​ക​ത്ത് യാ​ഹു​ട്ടി ന​യി​ക്കു​ന്ന ഈ ​തീ​ർ​ഥാ​ട​ക തോ​ണി​യാ​ണ്.

വേ​ന​ൽ​ക്കാ​ല​ത്ത് മാ​മാ​ങ്ക സ്മാ​ര​ക​ങ്ങ​ൾ കാ​ണാ​നെ​ത്തു​ന്ന വി​ദ്യാ​ർ​ഥി​ക​ളും അ​ധ്യാ​പ​ക​രും നി​ള​യി​ൽ ഉ​ല്ലാ​സ​യാ​ത്ര​ക്കും ഈ ​തോ​ണി ഉ​പ​യോ​ഗി​ക്കാ​റു​ണ്ട്. മ​ല​വെ​ള്ള​ത്തി​ൽ പു​ഴ മ​ധ്യ​ത്തി​ലെ തു​രു​ത്തു​ക​ളി​ൽ കു​ടു​ങ്ങു​ന്ന നാ​ൽ​ക്കാ​ലി​ക​ളെ ര​ക്ഷി​ക്കാ​നും തീ​ർ​ഥാ​ട​ക​ത്തോ​ണി വി​ളി​ക്കാ​റു​ണ്ട്.