മലപ്പുറം ജില്ലയിൽ 8,614 അതിദരിദ്ര കുടുംബങ്ങൾ

മ​ല​പ്പു​റം: അ​തി​ദ​രി​ദ്ര​രെ ക​ണ്ടെ​ത്തു​ന്ന​തി​നു​ള്ള പ്ര​ക്രി​യ​യു​ടെ ഭാ​ഗ​മാ​യി ന​ട​ത്തി​യ പ്ര​വ​ര്‍ത്ത​ന​ങ്ങ​ള്‍ ജി​ല്ല​യി​ല്‍ പൂ​ര്‍ത്തീ​ക​രി​ച്ചു. 8614 കു​ടും​ബ​ങ്ങ​ളെ​യാ​ണ് അ​തി​ദ​രി​ദ്ര​രാ​യി ക​ണ്ടെ​ത്തി​യി​ട്ടു​ള്ള​ത്. ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ളു​ടെ നേ​തൃ​ത്വ​ത്തി​ലാ​ണ് പ്ര​ക്രി​യ പൂ​ര്‍ത്തീ​ക​രി​ച്ച​ത്.

പ്രാ​ഥ​മി​ക ഘ​ട്ട​ത്തി​ല്‍ ത​ദ്ദേ​ശ സ്ഥാ​പ​ന​ങ്ങ​ളു​ടെ വാ​ര്‍ഡു​ത​ല​ത്തി​ലു​ള്ള ജ​ന​കീ​യ സ​മി​തി​ക​ള്‍ കൂ​ടി 15,959 കു​ടും​ബ​ങ്ങ​ളെ​യാ​ണ് പ​ട്ടി​ക​പ്പെ​ടു​ത്തി​യി​രു​ന്ന​ത്. ഉ​ദ്യോ​ഗ​സ്ഥ​രും സ​ന്ന​ദ്ധ പ്ര​വ​ര്‍ത്ത​ക​രും അ​ട​ങ്ങി​യ സം​ഘം വി​ടു​ക​ളി​ലെ​ത്തി പ​രി​ശോ​ധി​ച്ചാ​ണ് കു​ടും​ബ​ങ്ങ​ളു​ടെ വി​വ​ര ശേ​ഖ​ര​ണം ന​ട​ത്തി​യ​ത്. ജി.​പി.​എ​സ് സം​വി​ധാ​ന​മു​ള്ള മൊ​ബൈ​ല്‍ ആ​പ് ഉ​പ​യോ​ഗി​ച്ച് വീ​ടു​ക​ളു​ടെ സ്ഥാ​നം ജി​യോ​ടാ​ഗ് ചെ​യ്യു​ക​യു​മു​ണ്ടാ​യി. കു​ടും​ബ​ങ്ങ​ളു​ടെ എ​ണ്ണം കൂ​ടു​ത​ലാ​യി ക​ണ്ടെ​ത്തി​യ ത​ദ്ദേ​ശ സ്ഥാ​പ​ന​ങ്ങ​ളി​ല്‍ ഉ​പ​സ​മി​തി​ക​ള്‍ ചേ​ര്‍ന്ന് പ​ട്ടി​ക പു​നഃ​പ​രി​ശോ​ധി​ച്ച ശേ​ഷ​മാ​ണ് അ​ന്തി​മ​മാ​ക്കി​യ​ത്.

ജി​ല്ല പ​ഞ്ചാ​യ​ത്ത് പ്ര​സി​ഡ​ന്‍റി​‍െൻറ​യും ജി​ല്ല ക​ല​ക്ട​റു​ടെ​യും നേ​തൃ​ത്വ​ത്തി​ല്‍ പ​ഞ്ചാ​യ​ത്ത് ഡെ​പ്യൂ​ട്ടി ഡ​യ​റ​ക്ട​ര്‍, റീ​ജ​ന​ല്‍ ജോ​യ​ന്‍റ്​ ഡ​യ​റ​ക്ട​ര്‍ (ന​ഗ​ര​കാ​ര്യം), ജി​ല്ല പ്ലാ​നി​ങ് ഓ​ഫി​സ​ര്‍, ഡെ​പ്യൂ​ട്ടി ഡ​യ​റ​ക്ട​ര്‍, സാ​മ്പ​ത്തി​ക സ്ഥി​തി വി​വ​ര ക​ണ​ക്ക് വ​കു​പ്പ്, ജി​ല്ല മി​ഷ​ന്‍ കോ​ഓ​ഡി​നേ​റ്റ​ര്‍, കു​ടും​ബ​ശ്രീ, ഐ.​കെ.​എം ജി​ല്ല ഓ​ഫി​സ​ര്‍, കി​ല ജി​ല്ല ഫെ​സി​ലി​റ്റേ​റ്റ​ര്‍ എ​ന്നി​വ​ര​ട​ങ്ങു​ന്ന ജി​ല്ല​ത​ല സ​മി​തി​യാ​ണ് പ്ര​വ​ര്‍ത്ത​ന​ങ്ങ​ള്‍ ഏ​കോ​പി​പ്പി​ച്ച​ത്. ക​ര​ട് ലി​സ്റ്റ് ഗ്രാ​മ, വാ​ര്‍ഡ് സ​ഭ​യും ഭ​ര​ണ സ​മി​തി​ക​ളും അം​ഗീ​ക​രി​ച്ച​തോ​ടെ അ​തി ദ​രി​ദ്ര​കു​ടും​ബ​ങ്ങ​ളു​ടെ അ​ന്തി​മ പ​ട്ടി​ക​യാ​യി. പ​ട്ടി​ക​യി​ല്‍ ഉ​ള്‍പ്പെ​ട്ട കു​ടും​ബ​ങ്ങ​ളെ പു​ന​ര​ധി​വ​സി​പ്പി​ക്കു​ന്ന​തി​നു​ള്ള മൈ​ക്രോ​പ്ലാ​നു​ക​ള്‍ 14ാം പ​ഞ്ച​വ​ത്സ​ര പ​ദ്ധ​തി​യു​ടെ ഭാ​ഗ​മാ​യി ത​യാ​റാ​ക്കി ന​ട​പ്പാ​ക്കു​മെ​ന്ന് ജി​ല്ല നോ​ഡ​ല്‍ ഓ​ഫി​സ​ര്‍ ദാ​രി​ദ്ര്യ ല​ഘു​ക​ര​ണ വി​ഭാ​ഗം ​പ്രോ​ജ​ക്ട് ഡ​യ​റ​ക്ട​ര്‍ പ്രീ​തി മേ​നോ​ന്‍ അ​റി​യി​ച്ചു.