തേ​ഞ്ഞി​പ്പ​ല​ത്തെ പ​ട്ടാ​പ്പ​ക​ല്‍ ക​വ​ര്‍ച്ച: സ്ഥി​രം മോ​ഷ്ടാ​വ് പി​ടി​യി​ൽ

തേ​ഞ്ഞി​പ്പ​ലം: പ​ട്ടാ​പ്പ​ക​ൽ വീ​ട്ടി​ൽ​നി​ന്ന് സ്വ​ർ​ണ​വും പ​ണ​വും ക​വ​ർ​ന്ന കേ​സി​ൽ സ്ഥി​രം മോ​ഷ്ടാ​വ് പി​ടി​യി​ല്‍. കോ​ഴി​ക്കോ​ട് ചെ​റു​വ​ണ്ണൂ​ര്‍ കൊ​ള​ത്ത​റ സ്വ​ദേ​ശി മ​ന​ക്കോ​ട്ട് വീ​ട്ടി​ല്‍ ജി​ത്തു​വാ​ണ് (28) വ്യാ​ഴാ​ഴ്ച പു​ല​ർ​ച്ച ഫ​റോ​ക്കി​ൽ​നി​ന്ന് പി​ടി​യി​ലാ​യ​ത്. ഇ​യാ​ളി​ല്‍നി​ന്ന് അ​ഞ്ച് പ​വ​ന്റെ സ്വ​ര്‍ണാ​ഭ​ര​ണ​ങ്ങ​ള്‍ ക​ണ്ടെ​ടു​ത്തു. ബു​ധ​നാ​ഴ്ച പ​ക​ൽ തേ​ഞ്ഞി​പ്പ​ലം പാ​ണ​മ്പ്ര​യി​ലെ വാ​ക്ക​യി​ല്‍ മ​നോ​ജി​ന്റെ വീ​ടി​ന്റെ പി​ന്‍വാ​തി​ല്‍ ത​ക​ര്‍ത്ത് അ​ഞ്ച് പ​വ​ന്റെ സ്വ​ര്‍ണാ​ഭ​ര​ണ​ങ്ങ​ളും 20,000 രൂ​പ​യും മോ​ഷ്ടി​ച്ച കേ​സി​ലാ​ണ് സ്ഥി​രം മോ​ഷ്ടാ​വാ​യ ജി​ത്തു വ്യാ​ഴാ​ഴ്ച പു​ല​ര്‍ച്ച ഫ​റോ​ക്കി​ല്‍നി​ന്ന് പി​ടി​യി​ലാ​യ​ത്. ​നി​രീ​ക്ഷ​ണ കാ​മ​റ ദൃ​ശ്യ​ങ്ങ​ളു​ടെ​യ​ട​ക്കം സ​ഹാ​യ​ത്തോ​ടെ​യാ​ണ് പ്ര​തി​യെ പി​ടി​കൂ​ടി​യ​ത്.

തേ​ഞ്ഞി​പ്പ​ലം ഇ​ല്ല​ത്ത് സ്കൂ​ളി​ന് സ​മീ​പ​ത്തെ വാ​ട​ക വീ​ട്ടി​ല്‍നി​ന്ന് 19 പ​വ​ന്റെ സ്വ​ര്‍ണാ​ഭ​ര​ണ​ങ്ങ​ളും കാ​ലി​ക്ക​റ്റ് സ​ര്‍വ​ക​ലാ​ശാ​ല ക്വാ​ര്‍ട്ടേ​ഴ്‌​സി​ല്‍നി​ന്ന് മൂ​ന്ന​ര പ​വ​ന്റെ സ്വ​ര്‍ണ​വും 2000 രൂ​പ​യും ചേ​ലേ​മ്പ്ര​യി​ലെ വീ​ട്ടി​ല്‍ നി​ന്ന് 14 പ​വ​നും ഒ​ന്ന​ര ല​ക്ഷം രൂ​പ​യും ക​വ​ര്‍ന്ന​ത് ഇ​യാ​ള്‍ ത​ന്നെ​യാ​ണെ​ന്നാ​ണ് പൊ​ലീ​സ് ന​ല്‍കു​ന്ന വി​വ​രം. തൊ​ണ്ടി​മു​ത​ലു​ക​ള്‍ കോ​ഴി​ക്കോ​ട്, മ​ല​പ്പു​റം ജി​ല്ല​ക​ളി​ലെ ജ്വ​ല്ല​റി​ക​ളി​ല്‍ വി​ല്‍പ​ന ന​ട​ത്തി​യെ​ന്നാ​ണ് പ്ര​തി​യു​ടെ മൊ​ഴി. വെ​ള്ളി​യാ​ഴ്ച പ്ര​തി​യു​മാ​യു​ള്ള തെ​ളി​വെ​ടു​പ്പി​ല്‍ കൂ​ടു​ത​ല്‍ വി​ശ​ദാം​ശ​ങ്ങ​ള്‍ ല​ഭി​ക്കു​മെ​ന്ന പ്ര​തീ​ക്ഷ​യി​ലാ​ണ് പൊ​ലീ​സ്.

ഇ​യാ​ള്‍ക്ക് പ​ള്ളി​ക്ക​ല്‍ പ​ഞ്ചാ​യ​ത്ത് പ​രി​ധി​യി​ലെ മോ​ഷ​ണ കേ​സു​ക​ളി​ല്‍ പ​ങ്കു​ണ്ടോ​യെ​ന്നും പൊ​ലീ​സ് അ​ന്വേ​ഷി​ച്ചു​വ​രു​ക​യാ​ണ്. ബൈ​ക്കി​ല്‍ ഒ​റ്റ​ക്ക് സ​ഞ്ച​രി​ച്ച് ആ​ളി​ല്ലാ​ത്ത വീ​ടു​ക​ള്‍ ക​ണ്ടെ​ത്തി പി​ന്‍വാ​തി​ല്‍ ത​ക​ര്‍ത്ത് ക​വ​ര്‍ച്ച ന​ട​ത്തു​ന്ന രീ​തി​യാ​ണ് ജി​ത്തു​വി​ന്റേ​ത്. വാ​ഴ​ക്കാ​ട്, പ​ര​പ്പ​ന​ങ്ങാ​ടി സ്റ്റേ​ഷ​നു​ക​ളി​ൽ ഇ​യാ​ൾ​ക്കെ​തി​രെ നി​ല​വി​ൽ മോ​ഷ​ണ കേ​സു​ക​ളു​ണ്ട്. പ​ത്തോ​ളം കേ​സു​ക​ളി​ൽ പ്ര​തി​യാ​ണ്. മോ​ഷ​ണ പ​ര​മ്പ​ര​യെ തു​ട​ർ​ന്ന് ജ​യി​ലി​ല്‍ നി​ന്ന് ശി​ക്ഷ ക​ഴി​ഞ്ഞി​റ​ങ്ങി​യ മോ​ഷ്ടാ​ക്ക​ളെ​യും പ​രോ​ളി​ന് ഇ​റ​ങ്ങി​യ കു​റ്റ​വാ​ളി​ക​ളെ​യും ജി​ല്ല പൊ​ലീ​സ് മേ​ധാ​വി​ക്ക് കീ​ഴി​ലു​ള്ള അ​ന്വേ​ഷ​ണ സം​ഘം ചോ​ദ്യം ചെ​യ്തി​രു​ന്നു. 50ല​ധി​കം നി​രീ​ക്ഷ​ണ കാ​മ​റ ദൃ​ശ്യ​ങ്ങ​ളും പ​രി​ശോ​ധി​ച്ചു. ക​ന​ത്ത ജാ​ഗ്ര​ത​യി​ല്‍ അ​ന്വേ​ഷ​ണ സം​ഘം വ​ല​വി​രി​ച്ചി​രി​ക്കെ​യാ​ണ് പാ​ണ​മ്പ്ര​യി​ല്‍ ബു​ധ​നാ​ഴ്ച പ​ട്ടാ​പ്പ​ക​ല്‍ ക​വ​ര്‍ച്ച ആ​വ​ര്‍ത്തി​ച്ച​ത്.

പ്ര​തി​യു​മാ​യി ഇ​ന്ന് തെ​ളി​വെ​ടു​പ്പ് ജി​ല്ല പൊ​ലീ​സ് മേ​ധാ​വി​യെ​ത്തും

തേ​ഞ്ഞി​പ്പ​ലം: പ​ട്ടാ​പ്പ​ക​ലി​ലെ അ​തി​വി​ദ​ഗ്ധ ക​വ​ര്‍ച്ച ക​ന​ത്ത വെ​ല്ലു​വി​ളി​യാ​യ തേ​ഞ്ഞി​പ്പ​ലം പൊ​ലീ​സി​ന് മോ​ഷ​ണ കേ​സി​ല്‍ ഒ​രാ​ള്‍ പി​ടി​യി​ലാ​യ​തോ​ടെ ആ​ശ്വാ​സം. പ​ട്ടാ​പ്പ​ക​ല്‍ ക​വ​ര്‍ച്ച ആ​വ​ര്‍ത്തി​ച്ചി​ട്ടും കേ​സി​ല്‍ തു​മ്പി​ല്ലാ​തെ രാ​വും പ​ക​ലും അ​ല​ഞ്ഞ അ​ന്വേ​ഷ​ണ സം​ഘ​ത്തി​ന്റെ അ​തി​സൂ​ക്ഷ്മ നി​രീ​ക്ഷ​ണ​മാ​ണ് നേ​ട്ട​മാ​യ​ത്.

ജി​ല്ല പൊ​ലീ​സ് മേ​ധാ​വി സു​ജി​ത്ത് ദാ​സി​ന് കീ​ഴി​ലു​ള്ള ഡാ​ന്‍സാ​ഫ് സ്ക്വാ​ഡി​നെ കൊ​ണ്ടോ​ട്ടി എ.​എ​സ്.​പി വി​ജ​യ് ഭാ​ര​ത് റെ​ഡ്ഡി​യു​ടെ മേ​ല്‍നോ​ട്ട​ത്തി​ല്‍ തേ​ഞ്ഞി​പ്പ​ലം പൊ​ലീ​സി​നൊ​പ്പം അ​ന്വേ​ഷ​ണ സം​ഘ​ത്തി​ല്‍ ഉ​ള്‍പ്പെ​ടു​ത്തി​യ​താ​ണ് വ​ഴി​ത്തി​രി​വാ​യ​ത്. മു​മ്പ് ക​വ​ര്‍ച്ച ന​ട​ന്ന വീ​ടു​ക​ളു​ടെ​യും ക്വാ​ര്‍ട്ടേ​ഴ്‌​സു​ക​ളു​ടെ​യും സ​മീ​പ പ്ര​ദേ​ശ​ങ്ങ​ളി​ലെ​യും പ്ര​ധാ​ന നി​ര​ത്തു​ക​ളി​ലെ​യും നി​രീ​ക്ഷ​ണ കാ​മ​റ​ക​ള്‍ കൃ​ത്യ​മാ​യി അ​ന്വേ​ഷ​ണ സം​ഘം പ​രി​ശോ​ധി​ച്ചു​വ​രു​ക​യാ​യി​രു​ന്നു.

നി​രീ​ക്ഷ​ണ കാ​മ​റ​ക​ളി​ല്‍ നി​ന്ന് ല​ഭി​ച്ച സൂ​ച​ന​ക​ളും ക​വ​ര്‍ച്ച കേ​സു​ക​ളി​ലെ കു​റ്റ​വാ​ളി​ക​ളു​ടെ സ്വ​ഭാ​വ​രീ​തി​ക​ളും കൃ​ത്യ​മാ​യി പ​ഠി​ച്ചു​ള്ള മു​ന്നേ​റ്റ​മാ​ണ് ക​വ​ര്‍ച്ച കേ​സി​ല്‍ കാ​ഴി​ക്കോ​ട് ചെ​റു​വ​ണ്ണൂ​ര്‍ കൊ​ള​ത്ത​റ സ്വ​ദേ​ശി മ​ന​ക്കോ​ട്ട് വീ​ട്ടി​ല്‍ ജി​ത്തു​വി​നെ കു​ടു​ക്കി​യ​ത്. പി​ടി​യി​ലാ​യ ജി​ത്തു​വി​നെ പൊ​ലീ​സ് വെ​ള്ളി​യാ​ഴ്ച തെ​ളി​വെ​ടു​പ്പി​നെ​ത്തി​ക്കും. പൊ​ലീ​സി​ന് ഏ​റെ വെ​ല്ലു​വി​ളി സൃ​ഷ്ടി​ച്ച കേ​സാ​യ​തി​നാ​ല്‍ ജി​ല്ല പൊ​ലീ​സ് മേ​ധാ​വി സു​ജി​ത്ത് ദാ​സ് വെ​ള്ളി​യാ​ഴ്ച തേ​ഞ്ഞി​പ്പ​ലം പൊ​ലീ​സ് സ്റ്റേ​ഷ​നി​ലെ​ത്തി തു​ട​ര്‍ന​ട​പ​ടി​ക​ള്‍ക്ക് നേ​തൃ​ത്വം ന​ല്‍കും.