യുവതിക്ക് തെരുവുനായുടെ കടിയേറ്റു

ചെങ്ങന്നൂർ: യുവതിക്ക് തെരുവുനായുടെ കടിയേറ്റു. തിരുവൻവണ്ടൂർ 12ാം വാർഡ് പള്ളത്ത് തോണ്ടപ്പടി വീട്ടിൽ കൊച്ചുമോൾക്കാണ് (45) കടിയേറ്റത്. തൊഴിലുറപ്പ് ജോലി കഴിഞ്ഞശേഷം വീട്ടിലെത്തി വസ്ത്രം കഴുകിക്കൊണ്ടു നിന്നപ്പോഴാണ് നായ് കടിച്ചത്. മുട്ടിന് താഴെയാണ് കടിയേറ്റത്.

നാലു പല്ല് കാലിൽ ഇറങ്ങിയിട്ടുണ്ട്. ബഹളം വെച്ചതിനെത്തുടർന്ന് സമീപവാസികളും ബ്ലോക്ക് അംഗം ടി. ഗോപിയും ചേർന്ന് തിരുവല്ല ഗവ. ആശുപത്രിയിൽ പ്രവേശിപ്പിച്ചു. നായ്ക്ക് പേവിഷബാധയുണ്ടോ എന്ന് നാട്ടുകാർക്ക് സംശയമുണ്ട്. നാട്ടുകാർ നായെ തിരഞ്ഞെങ്കിലും കണ്ടെത്താനായില്ല.