റേ​ഷ​ന്‍ ക​ട​യി​ല്‍ വിതരണം ചെയ്തത് പു​ഴു​ക്ക​ള്‍ നി​റ​ഞ്ഞ പ​ഴ​കി​യ അ​രി

തേ​ഞ്ഞി​പ്പ​ലം: പ​ള്ളി​ക്ക​ൽ ബ​സാ​റി​ലെ റേ​ഷ​ൻ ക​ട​യി​ൽ​നി​ന്ന് വി​ത​ര​ണം ചെ​യ്ത​ത് പു​ഴു​ക്ക​ള്‍ നി​റ​ഞ്ഞ പ​ഴ​കി​യ അ​രി. പ​ള്ളി​ക്ക​ല്‍ ഹെ​ല്‍ത്ത് ഇ​ന്‍സ്‌​പെ​ക്ട​ര്‍ ടി.​ബി. ഷീ​ബ റേ​ഷ​ന്‍ ക​ട​യി​ലെ​ത്തി ന​ട​ത്തി​യ പ​രി​ശോ​ധ​ന​യി​ല്‍ പ​ഴ​കി​യ​തും കീ​ട​ങ്ങ​ള്‍ ഉ​ള്ള​തു​മാ​യ അ​രി ക​ണ്ടെ​ത്തി.

ഭ​ക്ഷ്യ​യോ​ഗ്യ​മ​ല്ലാ​ത്ത അ​രി വി​ല്‍ക്ക​രു​തെ​ന്ന് ക​ട​യു​ട​മ​ക്ക് നി​ര്‍ദേ​ശം ന​ല്‍കി​യി​ട്ടു​ണ്ടെ​ന്നും തു​ട​ര്‍ ന​ട​പ​ടി​ക്കാ​യി ജി​ല്ല ഫു​ഡ് സേ​ഫ്റ്റി വി​ഭാ​ഗം, റേ​ഷ​നി​ങ് ഓ​ഫി​സ​ര്‍, താ​ലൂ​ക്ക് സ​പ്ലൈ ഓ​ഫി​സ​ര്‍ എ​ന്നി​വ​ര്‍ക്ക് റി​പ്പോ​ര്‍ട്ട് സ​മ​ര്‍പ്പി​ച്ച​താ​യും അ​ധി​കൃ​ത​ർ വ്യ​ക്ത​മാ​ക്കി. പ​ള്ളി​ക്ക​ൽ ബ​സാ​റി​ലെ റേ​ഷ​ന്‍ക​ട​യി​ല്‍നി​ന്ന് പ​ഴ​കി​യ​തും പു​ഴു​വ​രി​ക്കു​ന്ന​തു​മാ​യ അ​രി വി​ത​ര​ണം ചെ​യ്യു​ന്ന​താ​യു​ള്ള പ​രാ​തി​യെ തു​ട​ർ​ന്നാ​യി​രു​ന്നു പ​രി​ശോ​ധ​ന.

പ​ഴ​കി​യ​തും പു​ഴു​വ​രി​ച്ച​തു​മാ​യ അ​രി വാ​ങ്ങാ​ൻ ഗു​ണ​ഭോ​ക്താ​വ് ത​യാ​റാ​യി​രു​ന്നി​ല്ല. അ​തേ​സ​മ​യം, ബി​ല്‍ അ​ടി​ച്ച​തി​നാ​ല്‍ തി​രി​ച്ചെ​ടു​ക്കാ​നാ​കി​ല്ലെ​ന്ന് ക​ട​യു​ട​മ പ​റ​ഞ്ഞ​തി​നെ തു​ട​ര്‍ന്ന് ഗു​ണ​ഭോ​ക്താ​വ് വി​വ​രം നാ​ട്ടു​കാ​രെ അ​റി​യി​ക്കു​ക​യാ​യി​രു​ന്നു.

അ​രി വി​റ്റ​ഴി​ച്ചാ​ലും ഇ​ല്ലെ​ങ്കി​ലും നി​ശ്ചി​ത മാ​സ​ത്തേ​ക്കു​ള്ള അ​രി റേ​ഷ​ന്‍ ക​ട​ക്കാ​ര്‍ വാ​ങ്ങി സ്‌​റ്റോ​ക്ക് ചെ​യ്യ​ണ​മെ​ന്ന​തി​നാ​ലാ​ണ് റേ​ഷ​ന്‍ ക​ട​ക​ളി​ല്‍ ഇ​ത്ത​ര​ത്തി​ല്‍ മാ​സ​ങ്ങ​ളോ​ളം കെ​ട്ടി​ക്കി​ട​ന്ന് അ​രി പു​ഴു​വ​രി​ക്കാ​ന്‍ ഇ​ട​യാ​കു​ന്ന​തെ​ന്നാ​ണ് വി​വ​രം.