പു​ത്ത​ൻ​കു​ളം നി​വാ​സി​ക​ളു​ടെ ദു​രി​തം എ​ന്ന് തീ​രും?

തി​രൂ​ര​ങ്ങാ​ടി: ഇ​ട​ത​ട​വി​ല്ലാ​തെ വാ​ഹ​ന​ങ്ങ​ൾ ചീ​റി​പ്പാ​ഞ്ഞു പോ​കു​ന്ന ദേ​ശീ​യ​പാ​ത​യി​ൽ​നി​ന്ന് മ​ഴ​വെ​ള്ളം കു​ത്തി​യൊ​ഴു​കി ഒ​രു നാ​ടാ​കെ ക​ടു​ത്ത പ്ര​യാ​സം നേ​രി​ടു​ന്നു. തെ​ന്ന​ല പ​ഞ്ചാ​യ​ത്തി​ലെ പു​ത്ത​ൻ​കു​ളം പ്ര​ദേ​ശ​വാ​സി​ക​ളാ​ണ് ദേ​ശീ​യ​പാ​ത​യി​ലെ വെ​ള്ളം ഇ​റ​ങ്ങി പ​രി​സ​ര​മാ​കെ പ​ര​ന്ന് ക​ടു​ത്ത ഗ​താ​ഗ​ത പ്ര​ശ്നം നേ​രി​ടു​ന്ന​ത്. കാ​ല​വ​ർ​ഷം ക​ടു​ക്കു​ന്ന​തോ​ടെ ഇ​വി​ട​ങ്ങ​ളി​ലേ​ക്കു​ള്ള യാ​ത്ര അ​തീ​വ ദു​സ്സ​ഹ​മാ​കും.

പു​ത്ത​ൻ​കു​ളം നി​വാ​സി​ക​ൾ പ്ര​ശ്ന​പ​രി​ഹാ​ര​ത്തി​നാ​യി മു​ട്ടാ​ത്ത വാ​തി​ലു​ക​ളി​ല്ല. വി​വി​ധ വ​കു​പ്പ് ഉ​ദ്യോ​ഗ​സ്ഥ​ർ, ദേ​ശീ​യ​പാ​ത അ​ധി​കൃ​ത​ർ എ​ന്നി​വ​ർ​ക്കെ​ല്ലാം പ​രാ​തി ന​ൽ​കി​യെ​ങ്കി​ലും യാ​തൊ​രു പ​രി​ഹാ​ര​വും ഉ​ണ്ടാ​യി​ട്ടി​ല്ലെ​ന്ന് നാ​ട്ടു​കാ​ർ കു​റ്റ​പ്പെ​ടു​ത്തി. ക​ഴി​ഞ്ഞ ര​ണ്ടു ദി​വ​സ​ങ്ങ​ളാ​യി പെ​യ്ത ക​ന​ത്ത മ​ഴ​യി​ൽ ദേ​ശീ​യ​പാ​ത​യി​ലെ വെ​ള്ളം ഒ​ലി​ച്ചി​റ​ങ്ങി പു​ത്ത​ൻ​കു​ളം പ്ര​ദേ​ശ​ത്താ​കെ പ​ര​ന്നൊ​ഴു​കി ഇ​വി​ട​ങ്ങ​ളി​ലേ​ക്കു​ള്ള യാ​ത്ര പൂ​ർ​ണ​മാ​യും ത​ട​സ്സ​പ്പെ​ട്ടി​രു​ന്നു.

പ്ര​ദേ​ശ​ത്തെ അം​ഗ​ൻ​വാ​ടി, മ​ദ്റ​സ, ഗ​വ. ഹോ​മി​യോ ഡി​സ്പെ​ൻ​സ​റി തു​ട​ങ്ങി​യ​വ​യി​ലേ​ക്കെ​ല്ലാം പോ​കു​ന്ന വ​ഴി കൂ​ടി​യാ​ണി​ത്. ക​ഴി​ഞ്ഞ ദി​വ​സം പെ​യ്ത ശ​ക്ത​മാ​യ മ​ഴ​യി​ൽ ദേ​ശീ​യ​പാ​ത​യി​ലെ വെ​ള്ളം ഉ​രു​ൾ​പൊ​ട്ട​ൽ ക​ണ​ക്കെ ഒ​ലി​ച്ചി​റ​ങ്ങി​യ​തി​നാ​ൽ പു​ത്ത​ൻ​കു​ളം പ്ര​ദേ​ശ​ത്ത് നി​ര​വ​ധി വീ​ടു​ക​ളി​ലെ ചു​റ്റു​മ​തി​ൽ ത​ക​രു​ക​യും മേ​ഖ​ല​യി​ൽ ക​ന​ത്ത നാ​ശ​ന​ഷ്ടം സം​ഭ​വി​ക്കു​ക​യും ചെ​യ്തു.

കാ​ല​വ​ർ​ഷം ശ​ക്തി​പ്രാ​പി​ക്കു​ന്ന​തോ​ടെ ഇ​തു​വ​ഴി​യു​ള്ള യാ​ത്ര അ​തീ​വ ദു​സ്സ​ഹ​മാ​കു​മെ​ന്നും ത​ങ്ങ​ൾ പൂ​ർ​ണ​മാ​യി ഒ​റ്റ​പ്പെ​ടു​മെ​ന്നു​മു​ള്ള ആ​ശ​ങ്ക​യി​ലാ​ണ് പു​ത്ത​ൻ​കു​ളം പ്ര​ദേ​ശ​വാ​സി​ക​ൾ. ദേ​ശീ​യ​പാ​ത​യി​ലെ മ​ഴ​വെ​ള്ളം യ​ഥാ​വി​ധി സ​ർ​വി​സ് റോ​ഡി​ലേ​ക്ക് ഇ​റ​ക്കി വ​ഴി തി​രി​ച്ചു​വി​ട്ടെ​ങ്കി​ൽ മാ​ത്ര​മേ പ്ര​ശ്നം തീ​രു​ള്ളൂ എ​ന്ന് നാ​ട്ടു​കാ​ർ പ​റ​ഞ്ഞു. എ​ന്നാ​ൽ നാ​ട്ടു​കാ​രു​ടെ പ്ര​ശ്ന​ത്തി​ന് ചെ​വി കൊ​ടു​ക്കാ​ൻ ദേ​ശീ​യ​പാ​ത അ​ധി​കൃ​ത​ർ ഇ​തു​വ​രെ തു​നി​ഞ്ഞി​ട്ടി​ല്ല. ദേ​ശീ​യ​പാ​ത അ​ധി​കൃ​ത​രു​ടെ നി​സ്സം​ഗ​ത തു​ട​ർ​ന്നാ​ൽ ശ​ക്ത​മാ​യ ജ​ന​കീ​യ പ്ര​തി​ഷേ​ധ​വു​മാ​യി മു​ന്നോ​ട്ടു​പോ​കാ​നാ​ണ് നാ​ട്ടു​കാ​രു​ടെ തീ​രു​മാ​നം.