നാടുകാണി ചുരത്തിൽ ലോറി നിയന്ത്രണം വിട്ട് മറിഞ്ഞു

നി​ല​മ്പൂ​ർ: 2019 ലെ ​പ്ര​ള​യ​ത്തി​ൽ നാ​ടു​കാ​ണി ചു​രം പാ​ത ത​ക​ർ​ന്ന ഭാ​ഗ​ത്ത് ത​ടി​യു​മാ​യി പോ​വു​ക​യാ​യി​രു​ന്ന ലോ​റി നി​യ​ന്ത്ര​ണം വി​ട്ട് മ​റി​ഞ്ഞു. ചൊ​വ്വാഴ്ച രാ​വി​ലെ​യാ​ണ് നി​ല​മ്പൂ​രി​ൽ നി​ന്ന് ത​മി​ഴ്നാ​ട്ടി​ലേ​ക്ക് പോ​വു​ക​യാ​യി​രു​ന്ന ലോ​റി ജാ​റ​ത്തി​ന് സ​മീ​പം മ​റി​ഞ്ഞ​ത്. ജീ​വ​ന​ക്കാ​ർ ചെ​റി​യ പ​രി​ക്കു​ക​ളോ​ടെ ര​ക്ഷ​പ്പെ​ട്ടു. 20 ദി​വ​സ​ത്തി​നു​ള്ളി​ൽ ഈ ​ഭാ​ഗ​ത്ത് മൂ​ന്നാ​മ​ത്തെ ലോ​റി​യാ​ണ് കു​ഴി​യി​ൽ വീ​ണ് മ​റി​യു​ന്ന​ത്.

ബൈ​ക്കു​ക​ൾ നി​യ​ന്ത്ര​ണം വി​ട്ട് മ​റി​ഞ്ഞും അ​പ​ക​ട​ങ്ങ​ളു​ണ്ടാ​വു​ന്നു​ണ്ട്. റോ​ഡി​ന് മ​ധ്യ​ത്തി​ലെ വ​ലി​യ കു​ഴി​യാ​ണ് അ​പ​ക​ട​ങ്ങ​ൾ​ക്ക് കാ​ര​ണ​മാ​വു​ന്ന​ത്. റോ​ഡ് പാ​ടെ ത​ക​ർ​ന്ന് നാ​ല് വ​ർ​ഷം ക​ഴി​ഞ്ഞി​ട്ടും ന​ന്നാ​ക്കാ​ൻ ന​ട​പ​ടി​യി​ല്ല. ഇ​വി​ടെ 58 മീ​റ്റ​ർ നീ​ള​ത്തി​ലാ​ണ് റോ​ഡ് താ​ഴ്ന്ന് ത​ക​ർ​ന്ന​ത്.

കേ​ന്ദ്ര വി​ദ​ഗ്ധ സം​ഘം സ്ഥ​ലം പ​രി​ശോ​ധി​ച്ച് സം​സ്ഥാ​ന സ​ർ​ക്കാ​രി​ന് വ​ർ​ഷ​ങ്ങ​ൾ​ക്ക് മു​മ്പ് റി​പ്പോ​ർ​ട്ട് സ​മ​ർ​പ്പി​ച്ചി​രു​ന്നു. 30 ല​ക്ഷം രൂ​പ​യാ​ണ് പ​ഠ​ന​ത്തി​ന് മാ​ത്ര​മാ​യി അ​നു​വ​ദി​ച്ച​ത്. പൊ​തു​മ​രാ​മ​ത്ത് റോ​ഡ് വി​ഭാ​ഗ​വും ത​ക​ർ​ന്ന ഭാ​ഗം ന​ന്നാ​ക്കാ​ൻ മൂ​ന്ന് കോ​ടി​യു​ടെ പ്രൊ​പ്പോ​സ​ൽ സ​മ​ർ​പ്പി​ച്ചി​രു​ന്നെ​ങ്കി​ലും ഫ​ണ്ടി​ല്ലെ​ന്ന കാ​ര​ണം പ​റ​ഞ്ഞ് ത​ള്ളി.

നാ​ടു​കാ​ണി -പ​ര​പ്പ​ന​ങ്ങാ​ടി പാ​ത​യു​ടെ ര​ണ്ടാം​ഘ​ട്ട റീ​ച്ചി​ൽ ഉ​ൾ​പ്പെ​ടു​ത്തി ഫ​ണ്ട​നു​വ​ദി​ക്കാ​മെ​ന്ന് സ​ർ​ക്കാ​ർ വാ​ഗ്ദാ​നം ന​ൽ​കി. ഇ​തു​പ്ര​കാ​രം അ​തി​ർ​ത്തി മു​ത​ൽ മ​ഞ്ചേ​രി ജ​സീ​ല ജ​ങ്ഷ​ൻ വ​രെ​യു​ള്ള ര​ണ്ടാം​ഘ​ട്ട നാ​ടു​കാ​ണി-​പ​ര​പ്പ​ന​ങ്ങാ​ടി പാ​ത ന​വീ​ക​ര​ണ​ത്തി​ന് 190 ഓ​ളം കോ​ടി​യു​ടെ പ്രൊ​പ്പോ​സ​ൽ പൊ​തു​മ​രാ​മ​ത്ത് വ​കു​പ്പ് സ​മ​ർ​പ്പി​ച്ചെ​ങ്കി​ലും വ​കു​പ്പ് മ​ന്ത്രി​യു​ടെ അ​ധ‍്യ​ക്ഷ​ത​യി​ൽ ചേ​ർ​ന്ന ഉ​ന്ന​ത​ത​ല യോ​ഗം ഫ​ണ്ടി​ന്‍റെ ല​ഭ‍്യ​ത​ക്കു​റ​വ് ചൂ​ണ്ടി​ക്കാ​ണി​ച്ച് ഈ ​പ്രൊ​പ്പോ​സ​ലും ത​ള്ളി.

അ​തി​ർ​ത്തി​ക്ക് ഒ​ന്ന​ര കി​ലോ​മീ​റ്റ​ർ ഇ​പ്പു​റ​ത്ത് ജാ​റ​ത്തി​ന് സ​മീ​പം ത​ക​ർ​ന്ന റോ​ഡ് ഭാ​ഗം വ​ലി​യ ക​രി​ങ്ക​ല്ല് പ​തി​ച്ചാ​ണ് താ​ൽ​ക്കാ​ലി​ക​മാ​യി ന​ന്നാ​ക്കി​യ​ത്. വ​ർ​ഷ​ങ്ങ​ൾ ക​ഴി​ഞ്ഞ​തോ​ടെ ക്വാ​റി വേ​സ്റ്റ് നീ​ങ്ങി ക​രി​ങ്ക​ല്ല് പൊ​ന്തി ചെ​റി​യ വാ​ഹ​ന​ങ്ങ​ൾ​ക്ക് പോ​കാ​ൻ ക​ഴി​യാ​ത്ത സ്ഥി​തി​യാ​ണ്. ത​ക​ർ​ന്ന ഭാ​ഗ​ത്തൂ​ടെ പോ​കാ​ൻ സ​മ​യ​മെ​ടു​ക്കു​ന്ന​തി​നാ​ൽ ഗ​താ​ഗ​ത ത​ട​സ്സ​വു​മു​ണ്ടാ​കു​ന്നു.