സ്വ​കാ​ര്യ ബ​സു​ക​ൾ സ്റ്റാ​ൻ​ഡി​ൽ ക​യ​റ​ൽ ട്രാ​ഫി​ക് റെ​ഗു​ലേ​റ്റ​റി ക​മ്മി​റ്റി തീ​രു​മാ​നം ഇ​ന്നു​മു​ത​ൽ പ്രാ​ബ​ല്യ​ത്തി​ൽ

മ​ല​പ്പു​റം: മലപ്പുറം ന​ഗ​ര​സ​ഭ പ്രൈ​വ​റ്റ് ബ​സ് സ്റ്റാ​ൻ​ഡി​ൽ നഗരത്തിലൂടെ പോകുന്ന മു​ഴു​വ​ൻ സ്വ​കാ​ര്യ ​ബ​സു​ക​ളും ക​യ​റി​യി​റ​ങ്ങു​ന്ന​തി​ന് ട്രാ​ഫി​ക് റെ​ഗു​ലേ​റ്റ​റി ക​മ്മി​റ്റി എ​ടു​ത്ത തീ​രു​മാ​നം തി​ങ്ക​ളാ​ഴ്ച മു​ത​ൽ പ്രാ​ബ​ല്യ​ത്തി​ലേ​ക്ക്. സെ​പ്റ്റം​ബ​ർ 23ന് ​ചേ​ർ​ന്ന ട്രാ​ഫി​ക് റെ​ഗു​ലേ​റ്റ​റി ക​മ്മി​റ്റി​യാ​ണ് ഇ​ക്കാ​ര്യ​ത്തി​ൽ തീ​രു​മാ​ന​മെ​ടു​ത്ത​ത്. ഇ​തി​ന്റെ ഭാ​ഗ​മാ​യി ബ​സ് സ്റ്റാ​ൻ​ഡി​ലെ പൊ​ലീ​സ് എ​യി​ഡ് പോ​സ്റ്റി​ൽ ആ​വ​ശ്യ​മാ​യ സൗ​ക​ര്യം ഏ​ർ​പ്പെ​ടു​ത്തി. ഇ​തോ​ടെ ന​ഗ​ര​ത്തി​ൽ അ​ന​ധി​കൃ​ത സ്റ്റോ​പ്പു​ക​ളി​ൽ ബ​സ് നി​ർ​ത്തു​ന്ന​ത് ഒ​ഴി​വാ​ക്കാ​നാ​യേ​ക്കും.

കൂ​ടാ​തെ യാ​ത്ര​ക്കാ​ർ​ക്കും വാ​ഹ​ന​ങ്ങ​ൾ​ക്കും ത​ട​സ്സ​മാ​കു​ന്ന രീ​തി​യി​ൽ അ​ന​ധി​കൃ​ത പാ​ർ​ക്കി​ങ്ങി​ൽ നി​ർ​ത്തി​യി​ടു​ന്ന വാ​ഹ​ന​ങ്ങ​ൾ​ക്കെ​തി​രെ ന​ട​പ​ടി സ്വീ​ക​രി​ക്കാ​നും ട്രാ​ഫി​ക് റെ​ഗു​ലേ​റ്റ​റി ക​മ്മി​റ്റി യോ​ഗം തീ​രു​മാ​നി​ച്ചി​രു​ന്നു. കോ​ട്ട​പ്പ​ടി ന​ഗ​ര​സ​ഭ സ്‌​റ്റാ​ൻ​ഡി​ൽ വൈ​കീ​ട്ട് അ​ഞ്ചി​നു​ശേ​ഷം ഭൂ​രി​ഭാ​ഗം ബ​സു​ക​ളും പ്ര​വേ​ശി​ക്കാ​ൻ മ​ടി​ക്കു​ക​യാ​ണ്.

ദീ​ർ​ഘ​ദൂ​ര ബ​സു​ക​ൾ സ്റ്റാ​ൻ​ഡി​ൽ പ്ര​വേ​ശി​ക്കാ​തെ നേ​രി​ട്ടു​പോ​കു​ക​യാ​ണ്. ബ​സു​ക​ൾ ക​യ​റാ​ത്ത​തി​നാ​ൽ ഒ​ട്ടേ​റെ യാ​ത്ര​ക്കാ​രാ​ണ് പ്ര​യാ​സ​പ്പെ​ടു​ന്ന​ത്. വൈ​കു​ന്നേ​ര​മാ​യാ​ൽ ഉ​ൾ​പ്ര​ദേ​ശ​ങ്ങ​ളി​ലേ​ക്ക് പോ​കു​ന്ന ബ​സു​ക​ളും ഇ​പ്പോ​ൾ സ്റ്റാ​ൻ​ഡി​ൽ വ​രാ​ത്ത സ്ഥി​തി​യാ​ണ്.

പ​ര​പ്പ​ന​ങ്ങാ​ടി, തി​രൂ​ർ, കോ​ഴി​ക്കോ​ട് ഭാ​ഗ​ങ്ങ​ളി​ലേ​ക്കു പോ​കു​ന്ന ബ​സു​ക​ളൊ​ന്നും സ്റ്റാ​ൻ​ഡി​ലേ​ക്ക് പ്ര​വേ​ശി​ക്കു​ന്നി​ല്ല. പ​ര​പ്പ​ന​ങ്ങാ​ടി, തി​രൂ​ർ, കോ​ഴി​ക്കോ​ട് ഭാ​ഗ​ങ്ങ​ളി​ലേ​ക്കു പോ​കു​ന്ന ബ​സു​ക​ൾ സ്‌​റ്റാ​ൻ​ഡി​നു മു​ൻ​വ​ശ​ത്ത് നി​ർ​ത്തി ആ​ളു​ക​ളെ ഇ​റ​ക്കു​ക​

യാ​ണ്.

ഇ​വ തി​രി​കെ മ​ല​പ്പു​റ​ത്തേ​ക്കു വ​രു​മ്പോ​ൾ സ്‌​റ്റാ​ൻ​ഡി​ൽ പ്ര​വേ​ശി​ക്കാ​തെ നേ​രെ പൊ​ലീ​സ് സ്‌​റ്റേ​ഷ​നു മു​ൻ​വ​ശ​ത്തു കൂ​ടെ കു​ന്നു​മ്മ​ലി​ലേ​ക്കു പോ​കു​ക​യാ​ണ് പ​തി​വ്. ബ​സു​ക​ൾ സ്റ്റ‌ാ​ൻ​ഡി​ൽ ക​യ​റ​ണ​മെ​ന്ന ഹൈ​കോ​ട​തി വി​ധി​യു​ണ്ട്. പ​ക്ഷേ വി​ധി ന​ട​പ്പാ​

യി​ട്ടി​ല്ല.