ഈശ്വരമംഗലം മൃഗാശുപത്രി കെട്ടിട നിർമാണം പൂർത്തിയായി

പൊ​ന്നാ​നി: പൊ​ന്നാ​നി താ​ലൂ​ക്കി​ലെ പ്ര​ധാ​ന മൃ​ഗാ​ശു​പ​ത്രി​യാ​യ ഈ​ശ്വ​ര​മം​ഗ​ലം മൃ​ഗാ​ശു​പ​ത്രി​യു​ടെ പു​തി​യ കെ​ട്ടി​ട​ത്തി​ന്റെ നി​ർ​മാ​ണം പൂ​ർ​ത്തി​യാ​യി. ശി​ലാ​സ്ഥാ​പ​നം ക​ഴി​ഞ്ഞ് ഒ​ന്ന​ര വ​ർ​ഷം​കൊ​ണ്ടാ​ണ് നി​ർ​മാ​ണം പൂ​ർ​ത്തീ​ക​രി​ച്ച​ത്. മു​ഖ്യ​മ​ന്ത്രി​യു​ടെ 100 ദി​ന ക​ർ​മ​പ​രി​പാ​ടി​യി​ൽ ഉ​ൾ​പ്പെ​ടു​ത്തി​യാ​ണ് കെ​ട്ടി​ടം നി​ർ​മി​ച്ച​ത്.

സം​സ്ഥാ​ന​ത്തെ മൃ​ഗാ​ശു​പ​ത്രി കെ​ട്ടി​ട​ങ്ങ​ളു​ടെ ന​വീ​ക​ര​ണ​ത്തി​ന് മൃ​ഗ​ചി​കി​ത്സ സേ​വ​നം പ​ദ്ധ​തി പ്ര​കാ​രം സ​ർ​ക്കാ​ർ ര​ണ്ട് വ​ർ​ഷം മു​മ്പ് ബ​ജ​റ്റി​ൽ മൂ​ന്ന് കോ​ടി രൂ​പ വ​ക​യി​രു​ത്തി​യി​രു​ന്നു. ഇ​തി​ൽ​നി​ന്നു​ള്ള 99.90 ല​ക്ഷം രൂ​പ ചെ​ല​വി​ലാ​ണ് ഈ​ശ്വ​ര​മം​ഗ​ലം മൃ​ഗാ​ശു​പ​ത്രി​ക്ക് പു​തി​യ കെ​ട്ടി​ട​സ​മു​ച്ച​യം നി​ർ​മി​ച്ച​ത്. ഏ​റെ നാ​ൾ മു​ട​ങ്ങി​ക്കി​ട​ന്ന നി​ർ​മാ​ണ പ്ര​വൃ​ത്തി​യാ​ണ് ഇ​പ്പോ​ൾ പൂ​ർ​ത്തി​യാ​യ​ത്.

വ​ലി​യ മൃ​ഗ​ങ്ങ​ൾ​ക്കും ചെ​റി​യ മൃ​ഗ​ങ്ങ​ൾ​ക്കു​മു​ള്ള ഒ.​പി ബ്ലോ​ക്ക്, വാ​ക്സി​നേ​ഷ​ൻ ബ്ലോ​ക്ക്, ഓ​പ​റേ​ഷ​ൻ തി​യ​റ്റ​ർ, ല​ബോ​റ​ട്ട​റി, ഫാ​ർ​മ​സി, എ​മ​ർ​ജ​ൻ​സി വെ​റ്റ​റി​ന​റി സ​ർ​വി​സ്, നൈ​റ്റ് വെ​റ്റ​റി​ന​റി സ​ർ​ജ​ൻ റ​ഫ​റി​ങ് ഓ​ഫി​സ്, സ്റ്റോ​ർ റൂം, ​ഓ​ഫി​സ് കോം​പ്ല​ക്സ് എ​ന്നീ സൗ​ക​ര്യ​ങ്ങ​ളോ​ടെ​യാ​ണ് കെ​ട്ടി​ടം സ​ജ്ജ​മാ​ക്കി​യ​ത്. എ​ക്സ് റേ, ​സ്കാ​നി​ങ് എ​ന്നി​വ​ക്കു​ള്ള മു​റി​യും കെ​ട്ടി​ട​ത്തി​ലു​ണ്ട്. കെ​ട്ടി​ട​ത്തി​ന്റെ മി​നു​ക്കു​പ​ണി പൂ​ർ​ത്തി​യാ​യാ​ലു​ട​ൻ ഉ​ദ്ഘാ​ട​നം ചെ​യ്യും.