Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightMalappuramchevron_rightThanurchevron_rightഅപൂർവ രോ​ഗം ബാധിച്ച...

അപൂർവ രോ​ഗം ബാധിച്ച കുഞ്ഞിന്​ ആരോഗ്യ മന്ത്രിയുടെ സഹായഹസ്തം

text_fields
bookmark_border
അപൂർവ രോ​ഗം ബാധിച്ച കുഞ്ഞിന്​ ആരോഗ്യ മന്ത്രിയുടെ സഹായഹസ്തം
cancel

താനൂർ: ഈ തിരുവോണനാൾ നീരവിനും കുടുംബത്തിനും പ്രതീക്ഷയുടെ പുലരികൂടിയാണ്. താനൂർ കുണ്ടുങ്ങൽ പട്ടയത്ത് നിധീഷ്-രേഷ്മ ദമ്പതികളുടെ അഞ്ചുമാസം പ്രായമായ മകൻ നീരവ്​, തിരുവോണനാളിലാണ് അപൂർവ രോ​ഗത്തിന് വിദ​ഗ്ധ ചികിത്സ തേടി ചെന്നൈ അപ്പോളോ ആശുപത്രിയിലേക്ക് തിരിക്കുക.

വി. അബ്​ദുറഹ്മാൻ എം.എൽ.എയുടെ ശ്രമഫലമായി സംസ്ഥാന സാമൂഹിക സുരക്ഷ പദ്ധതിയായ വി കെയറിൽനിന്ന്​​ ലഭിച്ച സഹായധനമാണ് സാമ്പത്തികമായി പിന്നാക്കം നിൽക്കുന്ന കുടുംബത്തിന് ആശ്വാസമായത്. ജന്മന പ്രതിരോധശേഷി ഇല്ലാത്ത, സിവിയർ കംബൈൻഡ് ഇമ്യൂണോ ‍ഡെഫിഷ്യൻസി എന്ന അപൂർവ ജനിതക രോ​ഗമാണ് നീരവിന്. പ്രതിരോധശേഷി ഇല്ലാത്തതിനാൽ വിവിധ രോ​ഗങ്ങൾ ബാധിച്ചിരുന്നു.

പല ചികിത്സകൾ നൽകിയെങ്കിലും ഫലപ്രദമായില്ല. ഒടുവിൽ കോഴിക്കോട് മെഡിക്കൽ കോളജ്​ ആശുപത്രിയിലെ ഡോ. ഗീതാരാജിനെ കാണാൻ വി. അബ്​ദുറഹ്മാൻ എം.എൽ.എയുടെ നിർദേശപ്രകാരം കുടുംബം തീരുമാനിക്കുകയായിരുന്നു. ഡോക്​ടറാണ് അപൂർവ രോ​ഗമാണെന്ന് കണ്ടെത്തിയത്. ഏറെ ചെലവ്​ വരുന്ന ചികിത്സയായതിനാലാണ്​ ആരോ​ഗ്യമന്ത്രി കെ.കെ. ശൈലജുമായി ബന്ധപ്പെട്ട് വി കെയർ പദ്ധതി പ്രകാരം സഹായം അഭ്യർഥിച്ചത്.

മന്ത്രി തന്നെ മുന്നിട്ടിറങ്ങി സഹായധനമായി 15 ലക്ഷം രൂപ അനുവദിക്കുകയായിരുന്നെന്ന് വി. അബ്​ദുറഹ്മാൻ എം.എൽ.എ പറഞ്ഞു. നിധീഷ്-രേഷ്മ ദമ്പതികളുടെ ആദ്യ കുട്ടി അപൂർവ രോ​ഗം ബാധിച്ച് മരിച്ചിരുന്നു. അന്ന് രോ​ഗമേതെന്ന് കണ്ടെത്താൻ കഴിഞ്ഞിരുന്നില്ല. പെയിൻറിങ് തൊഴിലാളിയായ നിധീഷി​െൻറ വരുമാനം മാത്രമാണ് കുടുംബത്തി​െൻറ ആശ്രയം. മജ്ജ മാറ്റിവെക്കൽ ചികിത്സയാണ് നീരവിന് നടത്തുക.

Show Full Article
TAGS:KK Shailaja Teacher 
Next Story