ബന്ധു മരിച്ച കേസിൽ പ്രതിയാക്കാൻ ശ്രമമെന്ന്; പൊലീസ്​ മർദനമേറ്റ താനാളൂർ സ്വദേശി ചികിത്സയിൽ

കോ​ട്ട​ക്ക​ൽ: ബ​ന്ധു​വി‍െൻറ മ​ര​ണം കൊ​ല​പാ​ത​ക​മാ​ക്കി മാ​റ്റാ​നും കു​റ്റം സ​മ്മ​തി​ക്കാ​നും പൊ​ലീ​സി‍ന്‍റെ മ​ർ​ദ​ന​ത്തി​ന്​ വി​ധേ​യ​നാ​യ യു​വാ​വ് ആ​ശു​പ​ത്രി​യി​ൽ. താ​നാ​ളൂ​ർ പ​ള്ളി​പ്പ​ടി പു​ളി​ക്യ​ത്ത് അ​ബ്​​ദു​ൽ ബാ​രി​യു​ടെ മ​ക​ൻ മി​ർ​ഷാ​ദാ​ണ്​ (30) കോ​ട്ട​ക്ക​ലി​ലെ സ്വ​കാ​ര്യ ആ​ശു​പ​ത്രി​യി​ൽ ചി​കി​ത്സ​യി​ൽ ക​ഴി​യു​ന്ന​ത്.

ആ​റു​മാ​സം മു​മ്പ് മി​ർ​ഷാ​ദി​െൻറ പി​തൃ​സ​ഹോ​ദ​രി കു​ഞ്ഞി​പ്പാ​ത്തു​മ്മ (85) മ​രി​ച്ചി​രു​ന്നു. ദു​രൂ​ഹ​ത​യാ​രോ​പി​ച്ച് ബ​ന്ധു​ക്ക​ള്‍ ന​ല്‍കി​യ പ​രാ​തി​യി​ൽ മൃ​ത​ദേ​ഹം പു​റ​ത്തെ​ടു​ത്ത്​ പോ​സ്​​റ്റ്​​മോ​ര്‍ട്ടം ചെ​യ്തി​രു​ന്നു. തോ​ളെ​ല്ലി​നും വാ​രി​യെ​ല്ലി​നും പൊ​ട്ട​ല്‍ ക​ണ്ടെ​ത്തി​യ​താ​യാ​ണ്​ റി​പ്പോ​ർ​ട്ട്. തു​ട​ര്‍ന്നാ​ണ് മി​ര്‍ഷാ​ദി​നെ താ​നൂ​ർ പൊ​ലീ​സ് ക​സ്​​റ്റ​ഡി​യി​ലെ​ടു​ത്ത​ത്. സി.​ഐ​യു​ടെ നേ​തൃ​ത്വ​ത്തി​ല്‍ ത​ന്നെ ക്രൂ​ര​മാ​യി മ​ര്‍ദി​ച്ച​താ​യി മി​ര്‍ഷാ​ദ് പ​റ​ഞ്ഞു. കാ​ൽ​വെ​ള്ള​യി​ലും അ​ര​ക്ക് താ​ഴെ​യും ലാ​ത്തി കൊ​ണ്ട​ടി​ച്ചു.

കൈ​ക​ൾ മു​ക​ളി​ലേ​ക്ക് കെ​ട്ടി​യി​ട്ടാ​യി​രു​ന്നു പീ​ഡ​നം. താ​ടി​യി​ലെ​യും നെ​ഞ്ചി​ലെ​യും രോ​മ​ങ്ങ​ൾ പ​റി​ച്ചെ​ടു​ത്ത​താ​യും ഇ​യാ​ൾ പ​റ​ഞ്ഞു. ചെ​യ്യാ​ത്ത കു​റ്റം കെ​ട്ടി​വെ​ക്കാ​നു​ള്ള ശ്ര​മ​മാ​ണ് ന​ട​ന്ന​ത്. വി​ഫ​ല​മാ​യ​പ്പോ​ഴാ​ണ്​ സ്​േ​​റ്റ​ഷ​ന്‍ ജാ​മ്യ​ത്തി​ല്‍ വി​ട്ട​യ​ച്ച​തെ​ന്നും മി​ര്‍ഷാ​ദ് പ​റ​യു​ന്നു.

വ​ല​തു​കാ​ൽ നീ​രു​വ​ന്ന​തി​നെ തു​ട​ർ​ന്ന് ബാ​ൻ​ഡേ​ജ് ഇ​ട്ടി​രി​ക്കു​ക​യാ​ണ്. പൊ​ലീ​സു​കാ​ര്‍ക്കെ​തി​രെ ന​ട​പ​ടി വേ​ണ​മെ​ന്ന് സ​ഹോ​ദ​രീ​ഭ​ര്‍ത്താ​വ് സു​ഹൈ​ർ ആ​വ​ശ്യ​പ്പെ​ട്ടു.

ജി​ല്ല പൊ​ലീ​സ് മേ​ധാ​വി, ഡി.​ജി.​പി, ആ​ഭ്യ​ന്ത​ര​മ​ന്ത്രി എ​ന്നി​വ​ര്‍ക്ക് പ​രാ​തി ന​ൽ​കും. മി​ർ​ഷാ​ദി​െൻറ മൊ​ഴി​യെ​ടു​ക്കാ​ൻ പൊ​ലീ​സ് എ​ത്തി​യി​ട്ടി​ല്ലെ​ന്നും ബ​ന്ധു​ക്ക​ൾ കു​റ്റ​പ്പെ​ടു​ത്തി. എ​ന്നാ​ൽ, പ്രാ​ഥ​മി​ക തെ​ളി​വു​ക​ൾ ല​ഭി​ച്ച​തി​െൻറ അ​ടി​സ്ഥാ​ന​ത്തി​ൽ ഇ​യാ​ളെ​യും കു​ടും​ബാം​ഗ​ങ്ങ​ളെ​യു​മു​ൾ​പ്പെ​ടെ പ​ല​രെ​യും ചോ​ദ്യം ചെ​യ്​​തി​രു​ന്ന​താ​യും അ​കാ​ര​ണ​മാ​യി ആ​രെ​യും മ​ർ​ദി​ച്ചി​ട്ടി​ല്ലെ​ന്നും​ താ​നൂ​ർ എ​സ്.​എ​ച്ച്.​ഒ ജീ​വ​ൻ ജോ​ർ​ജ്​ പ​റ​ഞ്ഞു. കു​ഞ്ഞി​പ്പാ​ത്തു​മ്മ​യു​ടെ മ​ര​ണ​വു​മാ​യി ബ​ന്ധ​പ്പെ​ട്ട്​ ഫോ​റ​ൻ​സി​ക് റി​പ്പോ​ർ​ട്ട്​ ല​ഭി​ച്ച​തി​ന​നു​സ​രി​ച്ച്​ തു​ട​ർ​ന​ട​പ​ടി ഉ​ണ്ടാ​കു​മെ​ന്നും അ​ദ്ദേ​ഹം പ​റ​ഞ്ഞു.