ന​ഗ​ര​സ​ഭ​യി​ലെ തെ​രു​വ് വി​ള​ക്കു​ക​ൾ സ്ഥാ​പി​ക്ക​ൽ ടെ​ൻ​ഡ​ർ വൈ​കു​ന്നു

മ​ല​പ്പു​റം: ന​ഗ​ര​സ​ഭ​യി​ലെ തെ​രു​വ് വി​ള​ക്കു​ക​ൾ സ്ഥാ​പി​ക്കാ​നു​ള്ള ടെ​ൻ​ഡ​ർ ന​ട​പ​ടി​ക​ൾ വൈ​കു​ന്നു. 65 ല​ക്ഷം രൂ​പ​യാ​ണ് പ​ദ്ധ​തി​ക്കാ​യി മാ​റ്റി​വെ​ച്ചി​രി​ക്കു​ന്ന​ത്. ജ​നു​വ​രി അ​വ​സാ​ന​ത്തോ​ടെ ന​ട​പ​ടി​ക​ൾ പൂ​ർ​ത്തീ​ക​രി​ക്കാ​നാ​യി​രു​ന്നു ശ്ര​മം. എ​ന്നാ​ൽ, എ​ൻ​ജി​നീ​യ​റി​ങ് വി​ഭാ​ഗ​ത്തി​ലെ സാ​ങ്കേ​തി​ക ത​ട​സ്സ​ങ്ങ​ൾ കാ​ര​ണം ടെ​ൻ​ഡ​ർ നീ​ളു​ക​യാ​യി​രു​ന്നു. പു​തി​യ തെ​രു​വ് വി​ള​ക്കു​ക​ൾ​ക്കാ​യി 35 ല​ക്ഷം, കേ​ടു​വ​ന്ന വി​ള​ക്കു​ക​ൾ മാ​റ്റി​സ്ഥാ​പി​ക്കാ​ൻ 15 ല​ക്ഷം, മി​നി മാ​സ്റ്റ് വി​ള​ക്കു​ക​ൾ​ക്ക് 15 ല​ക്ഷം അ​ട​ക്കം 65 ല​ക്ഷം രൂ​പ​യു​ടെ പ​ദ്ധ​തി​യാ​ണ്. റ​മ​ദാ​ൻ വ​രു​ന്ന​തി​ന് മു​മ്പ് വാ​ർ​ഡു​ക​ളി​ൽ മു​ഴു​വ​ൻ ഇ​ട​ങ്ങ​ളി​ലും വി​ള​ക്കു​ക​ൾ സ്ഥാ​പി​ക്കാ​നാ​യി​രു​ന്നു അ​ധി​കൃ​ത​ർ ല​ക്ഷ്യ​മി​ട്ടി​രു​ന്ന​ത്.

രാ​ത്രി​കാ​ല​ങ്ങ​ളി​ൽ വാ​ർ​ഡ് ത​ല​ങ്ങ​ളി​ൽ പ​ല​യി​ട​ത്തും ഇ​രു​ട്ടി​ലാ​ണ്. ഇ​തി​നി​ടെ തെ​രു​വ് നാ​യ് ശ​ല്യം കൂ​ടി വ​ർ​ധി​ച്ച​തോ​ടെ രാ​ത്രി​യാ​ത്ര ദു​ഷ്ക​ര​മാ​യി​ട്ടു​ണ്ട്. കേ​ടു​വ​ന്ന വി​ള​ക്കു​ക​ൾ പു​നഃ​സ്ഥാ​പി​ക്കാ​ത്ത​ത് വാ​ർ​ഡ് ത​ല​ങ്ങ​ളി​ൽ​നി​ന്ന് വ​ലി​യ പ്ര​തി​ഷേ​ധ​ത്തി​ന് കാ​ര​ണ​മാ​യി​ട്ടു​ണ്ട്. ന​ഗ​ര​ത്തി​ലെ വ്യാ​പാ​ര സ്ഥാ​പ​ന​ങ്ങ​ളി​ല്‍ നി​ന്നു​ള്ള വെ​ളി​ച്ച​മാ​ണ് രാ​ത്രി​യാ​ത്ര​ക്കാ​ർ​ക്ക് താ​ൽ​ക്കാ​ലി​ക​മാ​യെ​ങ്കി​ലും ആ​ശ്വാ​സം. സ്ഥാ​പ​ന​ങ്ങ​ൾ രാ​ത്രി 10 മ​ണി​യോ​ടെ അ​ട​ച്ചാ​ൽ സ്ഥി​തി ഗു​രു​ത​ര​മാ​ണ്.

കു​ന്നു​മ്മ​ല്‍-​മൂ​ന്നാം​പ​ടി, മൂ​ന്നാം​പ​ടി- മു​ണ്ടു​പ​റ​മ്പ്, കാ​വു​ങ്ങ​ല്‍-​മ​ച്ചി​ങ്ങ​ല്‍ ബൈ​പ്പാ​സ്, കു​ന്നു​മ്മ​ല്‍-​കോ​ട്ട​പ്പ​ടി ന​ഗ​ര​സ​ഭ ബ​സ് സ്റ്റാ​ന്‍ഡ് റൂ​ട്ട്, എം.​എ​സ്.​പി-​കൂ​ട്ടി​ല​ങ്ങാ​ടി, കോ​ട്ട​പ്പ​ടി-​നൂ​റാ​ടി എ​ന്നി​വി​ട​ങ്ങ​ളി​ല്‍ രാ​ത്രി ഒ​മ്പ​ത് മ​ണി ക​ഴി​ഞ്ഞാ​ല്‍ റോ​ഡ് ഇ​രു​ട്ടി​ല്‍ മു​ങ്ങി​യ നി​ല​യി​ലാ​ണ്. 2024 ഡി​സം​ബ​റി​ൽ 2022ൽ ​സ്ഥാ​പി​ച്ച 7000 തെ​രു​വ് വി​ള​ക്കു​ക​ളി​ൽ കേ​ടു​വ​ന്ന ജ​നു​വ​രി 20ന​കം മാ​റ്റി സ്ഥാ​പി​ക്കാ​ൻ ക​രാ​റു​കാ​ർ​ക്ക് കൗ​ൺ​സി​ൽ യോ​ഗം നി​ർ​ദേ​ശം ന​ൽ​കി​യി​രു​ന്നു. ഇ​വ​യും പൂ​ർ​ണ​മാ​യി മാ​റ്റി സ്ഥാ​പി​ക്ക​ൽ പൂ​ർ​ത്തി​യാ​യി​ട്ടി​ല്ല. ഇ​തും പ്ര​തി​ഷേ​ധ​ത്തി​ന് വ​ഴി​യൊ​രു​ക്കി​യി​ട്ടു​ണ്ട്