tct prd *വടക്കാഞ്ചേരി ഗവ. ബോയ്സ് സ്കൂൾ ഹയർ സെക്കന്ററി ബ്ലോക്കിന് രണ്ട് കോടി

വടക്കാഞ്ചേരി ഗവ. ബോയ്സ് സ്കൂൾ ഹയർ സെക്കൻഡറി ബ്ലോക്കിന് രണ്ട് കോടി വടക്കാഞ്ചേരി: ഗവ. ബോയ്സ് സ്കൂൾ ഹയർ സെക്കൻഡറി ബ്ലോക്കിനായി രണ്ടു കോടി രൂപ അനുവദിച്ചു. തുക അനുവദിക്കണമെന്നാവശ്യപ്പെട്ട്​ സേ​വ്യർ ചിറ്റിലപ്പിള്ളി എം.എൽ.എ വിദ്യാഭ്യാസ മന്ത്രിക്ക്​ കത്ത് നൽകിയിരുന്നു. വടക്കാഞ്ചേരിയിലേയും സമീപ പഞ്ചായത്തുകളിലെയും നിരവധി വിദ്യാർഥികൾ പഠിക്കുന്ന വടക്കാഞ്ചേരി ബോയ്സ് സ്കൂളിൽ അഞ്ച് കോടി രൂപയുടെ നിർമാണ പ്രവൃത്തികൾ യു.പി ബ്ലോക്ക്, വി.എച്ച്.എസ്.ഇ ബ്ലോക്ക് എന്നിവയിൽ നടന്നുവരുന്നുണ്ട്​. ഇതിനു പുറമേയാണ് ഹയർ സെക്കൻഡറി ബ്ലോക്കിന് രണ്ട് കോടി രൂപ ഇപ്പോൾ അനുവദിച്ചത്.