കു​ള​ത്തി​ൽ മു​ങ്ങി​ത്താ​ഴ്ന്ന കു​ട്ടി​യെ ര​ക്ഷി​ച്ച് നാ​ടി​ന്റെ അ​ഭി​മാ​ന​മാ​യി റ​യാ​നും ദാ​നി​ഷും

ചേ​ലേ​മ്പ്ര: കു​ള​ത്തി​ൽ മു​ങ്ങി​ത്താ​ഴ്ന്ന കു​ട്ടി​യെ ര​ക്ഷി​ച്ച്​ നാ​ടി​ന്റെ അ​ഭി​മാ​ന​മാ​യി മു​ഹ​മ്മ​ദ് റ​യാ​നും മു​ഹ​മ്മ​ദ് ദാ​നി​ഷും. ചേ​ലേ​മ്പ്ര ഗ്രാ​മ​പ​ഞ്ചാ​യ​ത്ത് എ​ട്ടാം വാ​ർ​ഡി​ലെ സ്പി​ന്നി​ങ് മി​ൽ ത​ച്ച​ന​മ്പ​ലം ഭാ​ഗ​ത്ത് ക​ണ്ണം​കു​ള​ത്തി​ൽ കു​ളി​ക്കാ​നി​റ​ങ്ങി അ​പ​ക​ട​ത്തി​ൽ​പെ​ട്ട കു​ട്ടി​യെ​യാ​ണ് ഇ​വ​ർ ര​ക്ഷ​പ്പെ​ടു​ത്തി​യ​ത്.

വ​ഴു​തി ച​തു​പ്പി​ൽ കാ​ല് കു​ടു​ങ്ങു​ക​യും തു​ട​ർ​ന്ന് ആ​ഴ​ങ്ങ​ളി​ലേ​ക്ക് മു​ങ്ങു​ക​യു​മാ​യി​രു​ന്നു. ഈ ​സ​മ​യം തൊ​ട്ട​പ്പു​റ​ത്ത് കു​ള​ത്തി​ൽ​ത​ന്നെ കു​ളി​ച്ചു​കൊ​ണ്ടി​രു​ന്ന 13, 15 വ​യ​സ്സു​കാ​രാ​യ മു​ഹ​മ്മ​ദ് റ​യാ​നും മു​ഹ​മ്മ​ദ് ദാ​നി​ഷും ചേ​ർ​ന്ന് പാ​യ​ലു​ക​ൾ​ക്കി​ട​യി​ൽ കു​ടു​ങ്ങി മു​ങ്ങി​ത്താ​ണു​കൊ​ണ്ടി​രു​ന്ന കു​ട്ടി​യെ സാ​ഹ​സി​ക​മാ​യി ര​ക്ഷ​പ്പെ​ടു​ത്തി ക​ര​യി​ൽ എ​ത്തി​ച്ചു. ക​ര​ക്കെ​ത്തി​ച്ച കു​ട്ടി​യു​ടെ ദേ​ഹ​ത്തു​ണ്ടാ​യി​രു​ന്ന പാ​യ​ൽ എ​ടു​ത്തു​മാ​റ്റി കു​ട്ടി​യു​ടെ വീ​ട്ടി​ൽ കൊ​ണ്ടു​പോ​യി അ​മ്മ​യു​ടെ കൈ​യി​ൽ ഏ​ൽ​പി​ച്ചാ​ണ് റ​യാ​നും ദാ​നി​ഷും മ​ട​ങ്ങി​യ​ത്.

മു​ഹ​മ്മ​ദ് ദാ​നി​ഷ് കോ​ഴി​ക്കോ​ട് രാ​മ​കൃ​ഷ്ണ മി​ഷ​ൻ ഹ​യ​ർ സെ​ക്ക​ൻ​ഡ​റി സ്കൂ​ളി​ലെ പ​ത്താം ക്ലാ​സ് വി​ദ്യാ​ർ​ഥി​യും മു​ഹ​മ്മ​ദ് റ​യാ​ൻ കാ​ലി​ക്ക​റ്റ് യൂ​നി​വേ​ഴ്സി​റ്റി ഗ​വ. മോ​ഡ​ൽ ഹ​യ​ർ​സെ​ക്ക​ൻ​ഡ​റി സ്കൂ​ളി​ലെ എ​ട്ടാം ക്ലാ​സ് വി​ദ്യാ​ർ​ഥി​യു​മാ​ണ്. കു​ട്ടി​ക​ളെ വാ​ർ​ഡ് അം​ഗം ഉ​ഷ വീ​ട്ടി​ലെ​ത്തി അ​ഭി​ന​ന്ദി​ക്കു​ക​യും ഉ​പ​ഹാ​രം കൈ​മാ​റു​ക​യും ചെ​യ്തു. അ​ഷ്റ​ഫ്, ഗോ​പി, ഷെ​ഫീ​ഖ് കാ​ക്ക​ഞ്ചേ​രി, ദാ​സ​ൻ, അ​നീ​ഫ എ​ന്നി​വ​ർ പ​ങ്കെ​ടു​ത്തു.