ബംഗളൂരു എഫ്.സി അക്കാദമിയിലേക്ക് വിദ്യാര്ഥികളെ തെരഞ്ഞെടുത്തു
text_fieldsഅണ്ടര് 13 വിഭാഗത്തില് ആറ് കുട്ടികളും അണ്ടര് 15 വിഭാഗത്തില് അഞ്ചുകുട്ടികളുമാണ് ബംഗളുരുവിൽ നടക്കുന്ന ഫൈനല് റൗണ്ട് സെലക്ഷന് ട്രയല്സിലേക്ക് യോഗ്യത നേടിയത്
എടവണ്ണ: ബംഗളൂരു എഫ്.സിയുടെ അക്കാദമി ടീമിലേക്ക് താരങ്ങളെ തെരഞ്ഞെടുക്കാനുള്ള സെലക്ഷന് ട്രയല്സ് എടവണ്ണ സീതിഹാജി സ്റ്റേഡിയത്തില് വേക്കപ്പ് ഫുട്ബാള് അക്കാദമിയുടെ നേതൃത്വത്തില് സംഘടിപ്പിച്ചു. കേരളത്തിന്റെ വിവിധ ഭാഗത്തില്നിന്നും പങ്കെടുത്ത കുട്ടികളില്നിന്നും അണ്ടര് 13 വിഭാഗത്തില് ആറ് കുട്ടികളും അണ്ടര് 15 വിഭാഗത്തില് അഞ്ചുകുട്ടികള്ക്കുമാണ് ബംഗളുരുവിൽ നടക്കുന്ന ഫൈനല് റൗണ്ട് സെലക്ഷന് ട്രയല്സിലേക്ക് യോഗ്യയത നേടിയത്.
അണ്ടര് 13 വിഭാഗത്തില്നിന്നും കോഴിക്കോട് സ്വദേശി ആരോണ് ഹുസൈന്, മിര്സ എന്നിവരും കല്ലായി സ്വദേശി അബ്ദുറഹ്മാന്, ആലപ്പുഴ സ്വദേശി ജൈറൂസ്, വേക്കപ്പ് ഫുട്ബാള് അക്കാദമി താരങ്ങളായ എടവണ്ണ സ്വദേശി ആമീന്, ഹാദി സയിന് എന്നിവര്ക്കാണ് സെലക്ഷന് ലഭിച്ചത്.
അണ്ടര് 15 വിഭാഗത്തില് കോഴിക്കോട് സ്വദേശികളായ ജഷീദ് ഇര്ഷാദ്, മുഹമ്മദ് അലി എന്നിവരും തൃശൂര് സ്വദേശികളായ അനുഷ്, അഖിനിന്ത് എന്നിവരും മലപ്പുറം സ്വദേശിയായ അഫിന് യാസിറിനുമാണ് ഫൈനല് ട്രയല്സിലേക്ക് സെലക്ഷന് ലഭിച്ചത്.
ഡച്ച് ഹെഡ് കോച്ച് ജാന് വാന് ലൂണിന്റെ നേതൃത്വത്തില് ആയിരുന്നു സെലക്ഷന് ട്രയല്സ് നടന്നിരുന്നത്. കുറെ നല്ല താരങ്ങളെ കാണാന് സാധിച്ചുവെന്നും സെലക്ഷന് ലഭിക്കാത്തവര് കൂടുതല് പ്രാക്ടീസ് ചെയ്ത് ഇനിയും മുന്നോട്ട് വരണമെന്നും അദ്ദേഹം പറഞ്ഞു.
ബംഗളുരു എഫ്.സിയുടെ ട്രയല്സ് ഇത് മൂന്നാം തവണയാണ് വേക്കപ്പ് അക്കാദമിയുടെ നേതൃത്വത്തിൽ സംഘടിപ്പിക്കുന്നത്. ഭാവിയില് ഇതുപോലെ മികച്ച താരങ്ങളെ കണ്ടെത്താനും നാട്ടിലെ വളർന്നുവരുന്ന താരങ്ങൾക്ക് ഇതുപോലെയുള്ള ട്രയല്സ് സംഘടിപ്പിച്ച് കൂടുതല് അവസരങ്ങള് നല്കുമെന്നും വേക്കപ്പ് ഫുട്ബാള് അക്കാദമി മാനേജിങ് ഡയറക്ടര് നാസര് കപൂര് പറഞ്ഞു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.

