തെ​രു​വു​വി​ള​ക്ക് അ​ഴി​മ​തി; ഫ​യ​ലു​ക​ള്‍ ശേ​ഖ​രി​ക്കാ​ൻ വി​ജി​ല​ന്‍സ് മ​ല​പ്പു​റം ന​ഗ​ര​സ​ഭ ഓ​ഫി​സി​ല്‍

സ്ഥി​രം സ​മി​തി അ​ധ്യ​ക്ഷ​നോ​ട് വി​ജി​ല​ന്‍സ് ഡി​വൈ.​എ​സ്.​പി മു​മ്പാ​കെ ഹാ​ജ​രാ​കാ​ന്‍ ആ​വ​ശ്യ​പ്പെ​ട്ടു

മ​ല​പ്പു​റം: 2017ല്‍ ​ന​ട​ന്ന തെ​രു​വു​വി​ള​ക്ക് അ​ഴി​മ​തി​യു​മാ​യി ബ​ന്ധ​പ്പെ​ട്ട് വി​ജി​ല​ന്‍സ് മ​ല​പ്പു​റം ന​ഗ​ര​സ​ഭ ഓ​ഫി​സി​ല്‍ ഫ​യ​ലു​ക​ള്‍ ശേ​ഖ​രി​ക്കാ​നെ​ത്തി. ബു​ധ​നാ​ഴ്ച​യും വെ​ള്ളി​യാ​ഴ്ച​യു​മാ​ണ് വി​ജി​ല​ന്‍സ് എ​ത്തി​യ​ത്. ബ​ന്ധ​പ്പെ​ട്ട ഫ​യ​ലു​ക​ളും മി​നി​റ്റ്സും പ​രി​ശോ​ധി​ച്ച ഉ​ദ്യോ​ഗ​സ്ഥ​ര്‍ അ​വ​യു​ടെ പ​ക​ര്‍പ്പ് എ​ടു​ത്തു. തു​ട​ര്‍ന്ന് ഇ​പ്പോ​ഴ​ത്തെ സ്ഥി​രം​സ​മി​തി അ​ധ്യ​ക്ഷ​നോ​ട് മ​ല​പ്പു​റം വി​ജി​ല​ന്‍സ് ഡി​വൈ.​എ​സ്.​പി മു​മ്പാ​കെ ഹാ​ജ​രാ​കാ​ന്‍ ആ​വ​ശ്യ​പ്പെ​ട്ടു.

2017-18 വ​ര്‍ഷ​ത്തെ വാ​ര്‍ഷി​ക പ​ദ്ധ​തി​യി​ലു​ള്‍പ്പെ​ടു​ത്തി​യാ​ണ് വി​വി​ധ വാ​ര്‍ഡു​ക​ളി​ല്‍ തെ​രു​വു​വി​ള​ക്ക് സ്ഥാ​പി​ക്കാ​നും അ​റ്റ​കു​റ്റ​പ്പ​ണി​ക്കു​മാ​യി 20 ല​ക്ഷം നീ​ക്കി​വെ​ച്ച​ത്. ഉ​ഷ ഇ​ല​ക്ട്രോ​ണി​ക്‌​സി​ന്റെ 3130 ബോ​ര്‍ഡു​ക​ള്‍ വാ​ങ്ങാ​ന്‍ വി.​വി. മു​ഹ​മ്മ​ദ് ഫൈ​സ​ലി​നാ​ണ് ന​ഗ​ര​സ​ഭ 16,07,870 രൂ​പ​ക്ക് ക​രാ​ര്‍ ന​ല്‍കി​യ​ത്. എ​ന്നാ​ല്‍, 378 രൂ​പ വി​ല​യു​ള്ള 150 ബോ​ര്‍ഡു​ക​ള്‍ മാ​ത്ര​മാ​ണ് എ​ത്തി​ച്ച​ത്. ശേ​ഷം ഗു​ണ​മേ​ന്മ കു​റ​ഞ്ഞ 2980 എ​ണ്ണം വ​രു​ത്തി. ക​രാ​റി​ല്‍ വ​ന്‍ അ​ഴി​മ​തി​യെ​ന്ന് ചൂ​ണ്ടി​ക്കാ​ട്ടി പ്ര​തി​പ​ക്ഷം രം​ഗ​ത്തെ​ത്തി​യി​രു​ന്നു. തു​ട​ര്‍ന്നാ​ണ് വി​ജി​ല​ന്‍സ് അ​ന്വേ​ഷ​ണ​ത്തി​ന് ഉ​ത്ത​ര​വി​ട്ട​ത്. ബി​ല്ലി​ലും ബോ​ര്‍ഡു​ക​ള്‍ വി​ത​ര​ണം ചെ​യ്ത സ്ഥാ​പ​ന​ത്തി​ന്റെ പേ​രി​ലും ത​ട്ടി​പ്പു​ണ്ടാ​യി. ഗു​ണ​മേ​ന്മ കു​റ​ഞ്ഞ ബോ​ര്‍ഡു​ക​ള്‍ക്കും 378 രൂ​പ​യാ​ണ് ബി​ല്ലി​ല്‍ കാ​ണി​ച്ച​ത്. ഇ​ത് ചെ​മ്മ​ങ്ക​ട​വി​ലെ സ്ഥാ​പ​ന​ത്തി​ല്‍നി​ന്ന് വാ​ങ്ങി​യ​താ​യാ​ണ് രേ​ഖ​യു​ണ്ടാ​ക്കി​യ​ത്. ഇ​ന്‍വോ​യ്‌​സി​ല്ലാ​ത്ത ബി​ല്ലി​ല്‍നി​ന്ന് 90,000 രൂ​പ​യോ​ളം നി​കു​തി ഇ​ന​ത്തി​ല്‍ ന​ഗ​ര​സ​ഭ ഈ​ടാ​ക്കു​ക​യും ചെ​യ്തു. ഇ​തു​മാ​യി ബ​ന്ധ​പ്പെ​ട്ട് ക​ഴി​ഞ്ഞ വ​ര്‍ഷം പ​രി​ശോ​ധ​ന ന​ട​ത്തി​യ വി​ജി​ല​ന്‍സ് ഗു​ണ​നി​ല​വാ​ര​മി​ല്ലാ​ത്ത ഉ​പ​ക​ര​ണ​ങ്ങ​ളും അ​നു​ബ​ന്ധ​ന​സാ​മ​ഗ്രി​ക​ളും ക​ണ്ടെ​ത്തി​യി​രു​ന്നു.