സം​സ്ഥാ​ന സ്കൂ​ൾ കാ​യി​ക​മേ​ള; കൗ​മാ​ര കി​രീ​ടം പി​ടി​ക്കാ​ൻ മ​ല​പ്പു​റം സ്ക്വാ​ഡ്

മലപ്പുറം: കേരളത്തിന്റെ കായിക കൗമാര ചാമ്പ്യൻപട്ടം നിലനിർത്താൻ മലപ്പുറം സ്ക്വാഡ് റെഡി. പാലക്കാട് ചാത്തന്നൂരിൽ നടന്ന അത്‍ലറ്റിക്സിലെ പൊൻതാരങ്ങളും ഗെയിംസ് ടീമും തലസ്ഥാന നഗരിയിലേക്ക് ഇന്നുമുതൽ ഒഴുകിയെത്തും. അത്‌ലറ്റിക്സിലെ കിരീടം നിലനിർത്തുകയെന്ന ലക്ഷ്യവുമായാണ് മലപ്പുറം ടീം സംസ്ഥാന സ്കൂൾ കായികമേളക്കെത്തുന്നത്.

ഗെയിംസ്, നീന്തൽ, അത്‍ലറ്റിക്സ് എന്നീ വിഭാഗങ്ങളിലെ മത്സരങ്ങൾക്കായി രണ്ടായിരത്തോളം താരങ്ങളാണ് തിരുവനന്തപുരത്തേക്ക് എത്തുന്നത്. അത്‍ലറ്റിക്സിൽ 300 താരങ്ങളും നീന്തലിൽ 200 പേരും ഗെയിംസിൽ 1400 പേരും ഇൻക്ലൂസീവ് ഗെയിംസിൽ 200 താരങ്ങളും പങ്കെടുക്കും. ഈ വർഷം നേരത്തെ പൂർത്തിയായ സീനിയർ ആൺകുട്ടികളുടെ ഫുട്ബാളിൽ മലപ്പുറം സ്വർണം നേടിയിട്ടുണ്ട്. സീനിയർ ആൺകുട്ടികളുടെ ബാസ്ക്കറ്റ്ബാൾ, സോഫ്റ്റ് ബാൾ എന്നിവയിൽ വെള്ളിയുമുണ്ട്. സബ്ജൂനിയർ, ജൂനിയർ ചെസിലും സ്വർണം നേടി.

ഫുട്ബാളിലെ മറ്റു വിഭാഗങ്ങളിലും ഖൊ ഖൊ എന്നിവയിലും ജില്ലക്ക് മെഡൽ പ്രതീക്ഷയുണ്ട്. അത്‍ലറ്റിക്സിൽ കടകശ്ശേരി ഐഡിയൽ ഇ.എച്ച്.എസ്.എസ്, തിരുനാവായ നവാമുകുന്ദ എച്ച്.എസ്.എസ്, ആലത്തിയൂർ കെ.എച്ച്.എം .എച്ച്.എസ്.എസ് എന്നീ സ്കൂളുകളാണ് ജില്ലയുടെ പ്രതീക്ഷ. കഴിഞ്ഞതവണ സ്കൂൾ ചാമ്പ്യൻഷിപ്പിൽ ആദ്യ രണ്ട് സ്ഥാനങ്ങൾ നേടിയത് ഐഡിയലും നവാമുകുന്ദയുമാണ്.

സ്പീ​ഡ് ട്രാ​ക്കി​ൽ ന​ാവാ​മു​കു​ന്ദ കു​തി​ക്കും

അ​തി​വേ​ഗ ഓ​ട്ട​ത്തി​ൽ ന​ാവാ​മ​ുകു​ന്ദ​യി​ലാ​ണ് ജി​ല്ല​യു​ടെ പ്ര​തീ​ക്ഷ. ദേ​ശീ​യ​നി​ല​വാ​ര​ത്തി​ൽ മ​ത്സ​രി​ക്കു​ന്ന ഒ​രു​പി​ടി താ​ര​ങ്ങ​ളാ​ണ് ന​ാവാ​മു​കു​ന്ദ​യു​ടെ ക​രു​ത്ത്. സീ​നി​യ​ർ വി​ഭാ​ഗം പെ​ൺ​കു​ട്ടി​ക​ളി​ൽ 100, 200, 100 മീ​റ്റ​ർ ഹ​ർ​ഡി​ൽ​സ് എ​ന്നി​വ​യി​ൽ സ്വ​ർ​ണം നേ​ടി​യ ആ​ദി​ത്യ അ​ജി സം​സ്ഥാ​ന മീ​റ്റി​ലും മി​ക​വ് തു​ട​രു​മെ​ന്നു​റ​പ്പാ​ണ്. ഒ​രാ​ഴ്ച മു​മ്പ് ഭു​വ​നേ​ശ്വ​റി​ൽ ന​ട​ന്ന ദേ​ശീ​യ മീ​റ്റി​ൽ ഹ​ർ​ഡി​ൽ​സി​ൽ ആ​ദി​ത്യ അ​ജി വെ​ള്ളി നേ​ടി​യി​രു​ന്നു.

അ​തി​ന് പി​ന്നാ​ലെ​യാ​ണ് ജി​ല്ല സ്കൂ​ൾ കാ​യി​ക​മേ​ള​യി​ൽ മൂ​ന്ന് സ്വ​ർ​ണം നേ​ടി താ​ര​മാ​യ​ത്. സീ​നി​യ​ർ വി​ഭാ​ഗം ആ​ൺ​കു​ട്ടി​ക​ളി​ൽ 100 മീ​റ്റ​റി​ലും 200 മീ​റ്റ​റി​ലും 110 മീ​റ്റ​ർ ഹ​ർ​ഡി​ൽ​സി​ലും ന​ാവാ​മു​കു​ന്ദ​യു​ടെ ഫ​സ​ലു​ൽ ഹ​ഖാ​ണ് സ്വ​ർ​ണ​ജേ​താ​വ്. സീ​നി​യ​ർ ആ​ൺ​കു​ട്ടി​ക​ളു​ടെ വ്യ​ക്തി​ക​ത ചാ​മ്പ്യ​നും ഫ​സ​ലു​ൽ ഹ​ഖാ​ണ്. ജൂ​നി​യ​ർ പെ​ൺ​കു​ട്ടി​ക​ളി​ൽ കെ.​പി. ശ്രീ​ന​ന്ദ 100 മീ​റ്റ​ർ ഹ​ർ​ഡി​ൽ​സി​ലും 200 മീ​റ്റി​റി​ലും സ്വ​ർ​ണം നേ​ടി ത​ല​സ്ഥാ​ന​​ത്തേ​ക്ക് വ​രു​ന്നു​ണ്ട്. സ​ബ്ജൂ​നി​യ​ർ ആ​ൺ​കു​ട്ടി​ക​ളി​ൽ 100, 200, 400 മീ​റ്റ​റു​ക​ളി​ൽ സ്വ​ർ​ണം നേ​ടി​യ നീ​ര​ജും ന​ാവാ​മു​കു​ന്ദ​ക്കൊ​പ്പം മ​ല​പ്പു​റ​ത്തി​ന്റെ പ്ര​തീ​ക്ഷ​ക​ൾ​ക്ക് ക​രു​ത്തു പ​ക​രും.

ഞ​മ്മ​ള് പ​വ​റാ​ണ്...

അ​ത്‍ല​റ്റി​ക്സി​ൽ നി​ല​വി​ലെ ചാ​മ്പ്യ​ൻ​മാ​രാ​യ മ​ല​പ്പു​റം ഇ​ക്കു​റി​യും മി​ക​ച്ച പ്ര​ക​ട​നം പു​റ​ത്തെ​ടു​ക്കാ​നാ​വു​മെ​ന്ന പ്ര​തീ​ക്ഷ​യി​ലാ​ണ്. ക​രു​ത്ത​രാ​യ പാ​ല​ക്കാ​ട് വെ​ല്ലു​വി​ളി ഉ​യ​ർ​ത്തു​​മെ​ങ്കി​ലും പ​വ​ർ​ഫു​ള്ളാ​യ ഐ​ഡി​യ​ലും ന​ാവാ​മു​കു​ന്ദ​യും ആ​ല​ത്തി​യൂ​രും മൂ​ർ​ക്ക​നാ​ടും മ​ല​പ്പു​റ​ത്തി​ന്റെ അ​ഭി​മാ​നം കാ​ക്കാ​ൻ റെ​ഡി​യാ​ണ്.

ഗ്ലാ​മ​ർ ഇ​ന​ങ്ങ​ളി​ൽ ശ​ക്ത​മാ​യ മു​ന്നേ​റ്റം ന​ട​ത്താ​നു​ള്ള താ​ര​നി​ര മ​ല​പ്പു​റ​ത്തി​നൊ​പ്പ​മു​ണ്ട്. ഐ​ഡി​യ​ൽ ക​ട​ക​ശ്ശേ​രി​ക്കൊ​പ്പം ഇ​ത്ത​വ​ണ 50ഓ​ളം താ​ര​ങ്ങ​ളാ​ണ് സം​സ്ഥാ​ന മീ​റ്റി​ൽ പ​​ങ്കെ​ടു​ക്കു​ന്ന​ത്. ന​വാ​മു​കു​ന്ദ​യി​ൽ​നി​ന്ന് 25 പേ​രും ആ​ല​ത്തി​യൂ​രി​ൽ​നി​ന്ന് 16 താ​ര​ങ്ങ​ളും ജി​ല്ല​ക്ക് ക​രു​ത്തേ​വാ​ൻ യാ​ത്ര​തി​രി​ക്കും. ചൊ​വ്വ, ബു​ധ​ൻ ദി​വ​സ​ങ്ങ​ളി​ലാ​യി താ​ര​ങ്ങ​ൾ തി​രു​വ​ന​ന്ത​പു​ര​ത്ത് എ​ത്തും. ത്രോ ​ഇ​ന​ങ്ങ​ളി​ലും ദീ​ർ​ഘ ദൂ​ര ഓ​ട്ട​ങ്ങ​ളി​ലും ആ​ല​ത്തി​യൂ​രി​ലാ​ണ് പ്ര​തീ​ക്ഷ.