പയ്യനാട്ട് ഭിന്നശേഷിക്കാര്‍ക്ക് പ്രത്യേക ഇരിപ്പിടം ഒരുക്കും

മലപ്പുറം: സന്തോഷ് ട്രോഫി ഫുട്‌ബാൾ ചാമ്പ്യന്‍ഷിപ്പി‍െൻറ പ്രധാന വേദിയായ മഞ്ചേരി പയ്യനാട് സ്റ്റേഡിയത്തില്‍ ഭിന്നശേഷിക്കാര്‍ക്കായി പ്രത്യേക ഇരിപ്പിട സംവിധാനം ഒരുക്കും. കായിക മന്ത്രി വി. അബ്ദുറഹിമാന്റെ പ്രത്യേക നിര്‍ദേശപ്രകാരമാണ് സംഘാടക സമിതി തീരുമാനം.

സ്‌റ്റേഡിയത്തില്‍ പ്രവേശിക്കുന്നതിന് മുമ്പായി 9847608088 എന്ന ഫോണ്‍ നമ്പറില്‍ ബന്ധപ്പെടണം. കൂടുതല്‍ തിരക്കുള്ള ദിവസങ്ങളില്‍ കഴിവതും നേരത്തെ സ്റ്റേഡിയത്തില്‍ എത്തണം. ഗാലറി ടിക്കറ്റ് എടുത്ത ഭിന്നശേഷിക്കാരനും കൂടെ ഒരാള്‍ക്കും സ്റ്റേഡിയത്തിലെ കസേര എൻട്രിയിലൂടെ സ്റ്റേഡിയത്തിന് അകത്തേക്ക് കയറാം.