തലചായ്ക്കാന്‍ ഇടമില്ലാതെ കരിമ്പ് കോളനിയിലെ ആറ് കുടുംബങ്ങൾ

ഊ​ര്‍ങ്ങാ​ട്ടി​രി: ഊ​ര്‍ങ്ങാ​ട്ടി​രി ഗ്രാ​മ​പ​ഞ്ചാ​യ​ത്തി​ലെ ഒ​ന്നാം വാ​ർ​ഡാ​യ ക​രി​മ്പ് ആ​ദി​വാ​സി കോ​ള​നി​യി​ല്‍ ത​ല​ചാ​യ്ക്കാ​ന്‍ വീ​ടി​ല്ലാ​തെ ആ​റ് കു​ടും​ബ​ങ്ങ​ള്‍ ദു​രി​ത​ത്തി​ൽ. പ്ലാ​സ്​​റ്റി​ക് ഷീ​റ്റ് വ​ലി​ച്ച് കെ​ട്ടി​യ ഷെ​ഡി​ലാ​ണ് ഈ ​ആ​റ് കു​ടും​ബ​ങ്ങ​ള്‍ ഒ​രു സു​ര​ക്ഷ​യു​മി​ല്ലാ​തെ രാ​ത്രി കാ​ല​ങ്ങ​ളി​ൽ ഉ​ൾ​പ്പെ​ടെ അ​ന്തി​യു​റ​ങ്ങു​ന്ന​ത്. അ​ടു​ക്ക​ള​യും കി​ട​പ്പു​മു​റി​യും എ​ല്ലാം ഒ​റ്റ മു​റി​യി​ൽ ത​ന്നെ​യാ​ണ്. ഓ​മ​ന മ​ജു, ബാ​ല​കൃ​ഷ്ണ​ന്‍, പ്രി​യേ​ഷ്, ശ്രീ​ധ​ര​ന്‍, പ്രി​യാ സു​ബ്ര​മ​ണ്യ​ന്‍, ശാ​ര​ദാ ച​ന്ദ്ര​ന്‍ എ​ന്നി​വ​രു​ടെ കു​ടു​ബ​ങ്ങ​ളാ​ണ് വീ​ട് ഇ​ല്ലാ​ത്ത​തി​നെ തു​ട​ർ​ന്ന് വ​ർ​ഷ​ങ്ങ​ളാ​യി ദു​രി​ത ജീ​വി​തം ന​യി​ക്കു​ന്ന​ത്.

ഇ​ഴ​ജ​ന്തു​ക്ക​ൾ മു​ത​ൽ വ​ന്യ​ജീ​വി​ക​ൾ വ​രെ​യു​ള്ള പ്ര​ദേ​ശ​ത്ത് പ​ച്ച​മ​ണ്ണി​ല്‍ പാ​യ വി​രി​ച്ചാ​ണ് ചെ​റി​യ കു​ട്ടി​ക​ൾ ഉ​ൾ​പ്പെ​ടെ​യു​ള്ള​വ​രു​ടെ അ​ന്തി​യു​റ​ക്കം. സ​ര്‍ക്കാ​ര്‍ എ​വി​ടെ സ്ഥ​ലം വാ​ങ്ങി വീ​ടു​വെ​ച്ച് ന​ല്‍കി​യാ​ലും ഞ​ങ്ങ​ൾ പോ​കാ​ൻ ത​യാ​റാ​ണെ​ന്ന് കു​ടും​ബ​ങ്ങ​ൾ പ​റ​യു​ന്നു. 2019ലെ ​ഉ​രു​ള്‍പൊ​ട്ട​ല്‍ ഉ​ണ്ടാ​യ​തി​ന് ശേ​ഷം ഈ ​പ്ര​ദേ​ശ​ത്ത് ആ​ളു​ക​ൾ താ​മ​സി​ക്കു​ന്ന​ത് സു​ര​ക്ഷി​ത​മ​ല്ലെ​ന്നും എ​ത്ര​യും പെ​ട്ടെ​ന്ന് ഇ​വ​രെ മാ​റ്റി പാ​ര്‍പ്പി​ക്ക​ണ​മെ​ന്നും ജി​യോ​ള​ജി വ​കു​പ്പ് പ​രി​ശോ​ധ​ന​ക്ക് ശേ​ഷം അ​ധി​കൃ​ത​ർ​ക്ക് മു​ന്ന​റി​യി​പ്പ് ന​ല്‍കി​യി​യി​രു​ന്നു. എ​ന്നി​ട്ടും ഈ ​ആ​റ് കു​ടും​ബ​ങ്ങ​ളു​ടെ ന​ര​ക​ജീ​വി​തം കാ​ണാ​ൻ അ​ധി​കൃ​ത​ർ​ക്കാ​യി​ല്ല.

ഇ​വ​ർ താ​മ​സി​ക്കു​ന്ന ഈ ​സ്ഥ​ലം പ​രി​സ്ഥി​തി ലോ​ല​പ്ര​ദേ​ശം ആ​യ​തി​നാ​ൽ പു​തു​താ​യി വീ​ട് നി​ർ​മി​ക്കാ​ൻ അ​നു​മ​തി​യു​മി​ല്ല. ജ​ന​പ്ര​തി​നി​ധി​ക​ൾ ഉ​ൾ​പ്പെ​ടെ​യു​ള്ള​വ​ർ ഇ​ട​പെ​ട്ട് ത​ങ്ങ​ളെ ഇ​വി​ടെ നി​ന്ന് മാ​റ്റ​ണ​മെ​ന്നാ​ണ് കു​ടും​ബ​ങ്ങ​ൾ പ​റ​യു​ന്ന​ത്. ഇ​വ​ർ​ക്ക്​ വീ​ടും സ്ഥ​ല​വും ന​ൽ​കാ​നു​ള്ള അ​ടി​യ​ന്ത​ര ന​ട​പ​ടി ആ​രം​ഭി​ക്ക​ണ​മെ​ന്ന് ഊ​ര്‍ങ്ങാ​ട്ടി​രി ഗ്രാ​മ പ​ഞ്ചാ​യ​ത്ത്​ ഒ​ന്നാം വാ​ർ​ഡ് മെ​മ്പ​ർ ടെ​സി സ​ണ്ണി പ​റ​ഞ്ഞു.