മലപ്പുറത്തും എസ്.ഡി.പി.ഐ ഓഫിസ് റെയ്​ഡ്;​ പ്രതിഷേധവുമായി പ്രവർത്തകർ

മ​ല​പ്പു​റം: എ​സ്.​ഡി.​പി.​ഐ മ​ല​പ്പു​റം ജി​ല്ല ഓ​ഫി​സി​ൽ എ​ൻ​ഫോ​ഴ്സ്മെ​ന്‍റ്​ ഡ​യ​റ​ക്ട​റേ​റ്റ് (ഇ.​ഡി) റെ​യ്ഡ്. വ്യാ​ഴാ​ഴ്ച രാ​വി​ലെ പ​ത്തി​ന്​ തു​ട​ങ്ങി​യ റെ​യ്ഡ് ഉ​ച്ച​ക്ക് 2.15 വ​രെ നീ​ണ്ടു. ചെ​ന്നൈ യൂ​നി​റ്റി​ലെ ഏ​ഴ്​ ഉ​ദ്യോ​ഗ​സ്ഥ​രാ​ണ്, മ​ല​പ്പു​റം കു​ന്നു​മ്മ​ലി​ലെ എ​സ്.​ഡി.​പി.​ഐ ജി​ല്ല ഓ​ഫി​സി​ൽ റെ​യ്​​ഡി​​നെ​ത്തി​യ​ത്. കേ​ന്ദ്ര സാ​യു​ധ പൊ​ലീ​സി​ന്‍റെ കാ​വ​ലി​ലാ​ണ്​ മ​ണി​ക്കൂ​റു​ക​ൾ നീ​ണ്ട പ​രി​ശോ​ധ​ന പൂ​ർ​ത്തി​യാ​ക്കി​യ​ത്. ഫ​ണ്ട്​ സ​മാ​ഹ​ര​ണ​ത്തി​ന്​ ബാ​ക്കി​യു​ണ്ടാ​യി​രു​ന്ന 414 ര​ശീ​തി, വി​വി​ധ പ​രി​പാ​ടി​ക​ളി​ൽ ഉ​പ​യോ​ഗി​ക്കാ​നു​ള്ള സി​നോ​പ്സി​സ്, മു​ദ്രാ​വാ​ക്യം എ​ഴു​തി​യ സ്ലി​പ്പു​ക​ൾ, നോ​ട്ടീ​സു​ക​ൾ, സം​ഘ​ട​ന റി​പ്പോ​ർ​ട്ടു​ക​ൾ, ക​മ്പ്യൂ​ട്ട​ർ ഹാ​ർ​ഡ്​ ഡി​സ്​​ക്, മൊ​ബൈ​ൽ ഫോ​ൺ തു​ട​ങ്ങി​യ​വ​യാ​ണ്​ ഇ.​ഡി ഉ​ദ്യോ​ഗ​സ്ഥ​ർ ക​സ്​​റ്റ​ഡി​യി​ലെ​ടു​ത്ത​ത്.

ര​ണ്ട്​ മ​ണി​​യോ​ടെ ജി​ല്ല ഓ​ഫി​സി​ന്​ മു​ന്നി​ൽ ത​ടി​ച്ചു​കൂ​ടി​യ നൂ​റി​ലേ​റെ എ​സ്.​ഡി.​പി.​​​​ഐ പ്ര​വ​ർ​ത്ത​ക​ർ ഇ.​ഡി​ക്കെ​തി​രെ പ്ര​തി​ഷേ​ധ​വു​മാ​യി രം​ഗ​ത്തു​വ​ന്നു. പ​രി​ശോ​ധ​ന ക​ഴി​ഞ്ഞ്​ ഉ​ദ്യോ​ഗ​സ്ഥ​ർ വാ​ഹ​ന​ത്തി​ൽ ക​യ​റു​മ്പോ​ൾ ഗോ ​ബാ​ക്ക്​ വി​ളി​ക​ളു​മാ​യി മു​ദ്രാ​വാ​ക്യ​മു​യ​ർ​ന്നു. തു​ട​ർ​ന്ന്​ ഉ​ദ്യോ​ഗ​സ്ഥ​ർ സ​ഞ്ച​രി​ച്ച വാ​ഹ​ന​ത്തി​ന്​ പി​റ​കി​ൽ കു​ന്നു​മ്മ​ൽ ജ​ങ്ഷ​ൻ വ​രെ പ്ര​വ​ർ​ത്ത​ക​ർ പ്ര​ക​ട​നം ന​ട​ത്തി. എ​സ്.​ഡി.​പി.​ഐ ദേ​ശീ​യ അ​ധ്യ​ക്ഷ​ൻ എം.​കെ. ഫൈ​സി​യെ ക​ള്ള​പ്പ​ണം വെ​ളു​പ്പി​ക്ക​ൽ കേ​സി​ൽ എ​ൻ​ഫോ​ഴ്‌​സ്‌​മെ​ന്‍റ്​ ഡ​യ​റ​ക്ട​റേ​റ്റ് ക​ഴി​ഞ്ഞ ചൊ​വ്വാ​ഴ്ച അ​റ​സ്റ്റ് ചെ​യ്തി​രു​ന്നു. ഇ​തി​ന് പി​ന്നാ​ലെ​യാ​ണ്​ മ​ല​പ്പു​റ​ത്ത​ട​ക്കം എ​സ്.​ഡി.​പി.​ഐ ഓ​ഫി​സു​ക​ളി​ൽ ഒ​രേ​സ​മ​യം ഇ.​ഡി റെ​യ്​​ഡ്​ ന​ട​ത്തി​യ​ത്.