കാ​ട്ടാ​ന​ക്കൊ​പ്പം ക​ടു​വ​യും; ഭീ​തി​യി​ൽ മ​ല​യോ​രം

മ​ല​പ്പു​റം: ക​ടു​വ​യു​ടെ ആ​ക്ര​മ​ണ​ത്തി​ൽ ജീ​വ​ൻ പൊ​ലി​ഞ്ഞ​തി​ന്‍റെ ഞെ​ട്ട​ൽ മാ​റാ​തെ മ​ല​യോ​ര ജ​ന​ത. കാ​ടി​ന്​ പു​റ​ത്തു​​ള്ള കൃ​ഷി​ഭൂ​മി​പോ​ലും സു​ര​ക്ഷി​ത​മ​ല്ലെ​ന്ന ആ​ശ​ങ്ക​യാ​ണ്​ ജ​ന​ങ്ങ​ൾ​ക്കി​ട​യി​ൽ പ​ട​രു​ന്ന​ത്. കൊ​ടും​കാ​ടി​നു​ള്ളി​ൽ മാ​ത്രം ഉ​ണ്ടെ​ന്ന്​ ക​രു​ത​പ്പെ​ടു​ന്ന ഹിം​സ്ര​ജ​ന്തു​വാ​യ ക​ടു​വ​ക​ൾ വ​നാ​തി​ർ​ത്തി​ക​ൾ ക​ട​ന്ന്​ നാ​ട്ടി​ലി​റ​ങ്ങു​ന്ന​ത്​ ജ​ന​ങ്ങ​ൾ​ക്കി​ട​യി​ൽ ഭീ​തി വി​ത​ക്കു​ക​യാ​ണ്. വ​നാ​തി​ർ​ത്തി​​യോ​ട്​ ചേ​ർ​ന്നു​ള്ള സ്ഥ​ല​ങ്ങ​ളി​ൽ എ​വി​ടേ​യും വ​ന്യ​ജീ​വി ആ​ക്ര​മ​ണം ഉ​ണ്ടാ​വു​മെ​ന്ന പേ​ടി മ​ല​യോ​ര​മാ​കെ പ​ട​ർ​ന്നി​ട്ടു​ണ്ട്​.

കാ​ട്ടാ​ന​ക​ൾ ഒ​ട്ടേ​റെ മ​നു​ഷ്യ​ജീ​വ​നു​ക​ൾ ക​വ​ർ​ന്നി​ട്ടു​ണ്ടെ​ങ്കി​ലും ക​ടു​വ​യു​ടെ ആ​ക്ര​മ​ണ​ത്തി​ൽ ഒ​രാ​ൾ കൊ​ല്ല​​പ്പെ​ടു​ന്ന​ത്​ ഇ​താ​ദ്യ​മാ​ണ്. പ​തി​റ്റാ​ണ്ടു​ക​ൾ​ക്ക്​ മു​മ്പ് ത​ന്നെ ക​ടു​വ സാ​ന്നി​ധ്യം സ്ഥി​രീ​ക​രി​ക്ക​പ്പെ​ട്ട ക​രി​മ്പു​ഴ വ​ന്യ​ജീ​വി സ​​​ങ്കേ​ത​ത്തി​ൽ​ പോ​ലും ഒ​രാ​ളെ​പോ​ലും ക​ടു​വ ദ്രോ​ഹി​ച്ച​താ​യി വി​വ​ര​മി​ല്ല. ഉ​ൾ​കാ​ട്ടി​ൽ താ​മ​സി​ക്കു​ന്ന ചോ​ല​നാ​യ്ക്ക കു​ടും​ബ​ങ്ങ​ൾ​ക്ക്​ പോ​ലും ക​ടു​വ ആ​ക്ര​മ​ണം അ​ഭി​മു​ഖീ​ക​രി​ക്കേ​ണ്ടി വ​ന്നി​ട്ടി​ല്ല.

ഈ ​വ​ർ​ഷം ക​രു​ളാ​യി, നെ​ല്ലി​ക്കു​ത്ത്​ വ​ന​മേ​ഖ​ല​യി​ൽ ര​ണ്ട്​ ആ​ദി​വാ​സി​ക​ളാ​ണ്​ കാ​ട്ടാ​ന​യു​ടെ കു​ത്തേ​റ്റു മ​രി​ച്ച​ത്. വ​ന്യ​ജീ​വി​ക​ൾ മൂ​ലം ജീ​വ​ഹാ​നി മാ​ത്ര​മ​ല്ല, വ​ൻ​തോ​തി​ൽ കൃ​ഷി​നാ​ശ​വു​മു​ണ്ട്. ഇ​തി​നൊ​ന്നും കാ​ര്യ​മാ​യി ന​ഷ്ട​പ​രി​ഹാ​രം കി​ട്ടു​ന്നി​ല്ല. വ​ന്യ​ജീ​വി ശ​ല്യം​മൂ​ലം കൃ​ഷി എ​​ന്ന​ന്നേ​ക്കു​മാ​യി ഉ​പേ​ക്ഷി​ക്കേ​ണ്ടി​വ​ന്ന നൂ​റു​ക​ണ​ക്കി​ന്​ ക​ർ​ഷ​ക​ർ മ​ല​യോ​ര​ത്തു​ണ്ട്.

ക​ടു​വ സൈ​ല​ന്‍റ്​ വാ​ലി​യി​ൽ​നി​ന്ന്​

സൈ​ല​ന്‍റ്​ വാ​ലി ദേ​ശീ​യോ​ധ്യാ​ന​ത്തി​ന്‍റെ ബ​ഫ​ർ സോ​ണു​ക​ളാ​ണ്​ ക​ഴി​ഞ്ഞ​ദി​വ​സം ക​ടു​വ​യു​ടെ ആ​ക്ര​മ​ണ​മു​ണ്ടാ​യ കാ​ളി​കാ​വ്​ അ​ട​ക്കാ​കു​ണ്ട്​ വ​ന​മേ​ഖ​ല. പു​ല്ല​ങ്കോ​ട്, ക​ണ്ണ​ത്ത്​ മ​ല​വാ​ര​ങ്ങ​​ളെ ബ​ന്ധി​പ്പി​ക്കു​ന്ന ഈ ​ഭാ​ഗ​ത്ത്​ വ​ർ​ഷ​ങ്ങ​ൾ​ക്ക്​ മു​മ്പ്​ ത​ന്നെ ക​ടു​വ സാ​ന്നി​ധ്യം റി​പ്പോ​ർ​ട്ട്​ ചെ​യ്യ​പ്പെ​ട്ടി​രു​ന്നു.

ഒ​രാ​ൺ ക​ടു​വ​യും ഒ​രു പെ​ൺ​ക​ടു​വ​യും മൂ​ന്ന്​ കു​ഞ്ഞു​ങ്ങ​ളും ഈ ​മേ​ഖ​ല​യി​ൽ ഉ​ണ്ടെ​ന്ന സൂ​ച​ന​ക​ൾ വ​നം​വ​കു​പ്പി​ന് നേ​ര​ത്തെ ല​ഭി​ച്ചി​രു​ന്നു. വ​നാ​തി​ർ​ത്തി​യി​ലെ വീ​ടു​ക​ളി​ൽ​നി​ന്ന് ആ​ടു​ക​ളെ പി​ടി​ക്കു​ന്ന സം​ഭ​വ​ങ്ങ​ൾ ഉ​ണ്ടാ​യ​പ്പോ​ൾ ജ​ന​ങ്ങ​ൾ വ​നം​വ​കു​പ്പി​നെ അ​റി​യി​ച്ചി​രു​ന്നു. എ​ന്നി​ട്ടും വ​ന​പാ​ല​ക​ർ ക​ണ്ണു​തു​റ​ന്നി​ല്ല. ആ​ടു​ക​ളെ ന​ഷ്ട​പ്പെ​ട്ട​പ്പോ​ൾ കൂ​ടും കാ​മ​റ​യും സ്ഥാ​പി​ക്ക​ണ​മെ​ന്ന്​ നാ​ട്ടു​കാ​ർ പ​ല​ത​വ​ണ ആ​വ​ശ്യ​പ്പെ​ട്ട​താ​ണ്. ഇ​തെ​ല്ലാം അ​വ​ഗ​ണി​ക്ക​​പ്പെ​ട്ടു. ജ​ന​പ്ര​തി​നി​ധി​ക​ളു​ടെ വാ​ക്കു​ക​ൾ​ക്ക്​ വി​ല​ക​ൽ​പ്പി​ച്ചി​ല്ല. ഇ​താ​ണ്​ നാ​ടി​നെ ഞെ​ട്ടി​ച്ച ക​ടു​വ​യു​ടെ ​ആ​​ക്ര​മ​ണ​ത്തി​ലേ​ക്കും യു​വാ​വി​ന്‍റെ ദാ​രു​ണാ​ന്ത്യ​ത്തി​ലേ​ക്കും​ ന​യി​ച്ച​ത്.

കോ​ടി​ക​ൾ ഒ​ഴു​ക്കി​യി​ട്ടും ര​ക്ഷ​യി​ല്ല

2016 മു​ത​ലു​ള്ള വ​ർ​ഷ​ങ്ങ​ളി​ൽ വ​ന്യ​ജീ​വി ആ​ക്ര​മ​ണം പ്ര​തി​രോ​ധി​ക്കാ​ൻ 216.2 കോ​ടി രൂ​പ വ​നം​വ​കു​പ്പ്​ വി​നി​യോ​ഗി​ച്ച​താ​യി നി​യ​മ​സ​ഭ രേ​ഖ​ക​ളി​ലു​ണ്ട്. വ​ർ​ഷ​വും കോ​ടി​ക​ളാ​ണ്​ വ​നം​വ​കു​പ്പ്​ മ​നു​ഷ്യ-​വ​ന്യ​ജീ​വി സം​ഘ​ർ​ഷം ല​ഘൂ​ക​രി​ക്കാ​നെ​ന്ന പേ​രി​ൽ ഒ​ഴു​ക്കു​ന്ന​ത്. പ്ര​യോ​ഗി​ക ത​ല​ത്തി​ൽ ഒ​രു ഫ​ല​വും ചെ​യ്യാ​ത്ത പ​ദ്ധ​തി​ക​ളാ​ണ്​ പ​ല​തും.

കാ​ടി​നു​ള്ളി​ൽ ന​ട​ക്കു​ന്ന പ്ര​വൃ​ത്തി​ക​ളു​ടെ മ​റ​വി​ൽ വ​ൻ അ​ഴി​മ​തി​യാ​ണ്​ അ​ര​ങ്ങേ​റു​ന്ന​ത്. ജ​ന​ജാ​ഗ്ര​ത സ​മി​തി​ക​ളെ സ​ജീ​വ​മാ​ക്കി ​മു​ന്നോ​ട്ടു​പോ​കാ​ൻ വ​നം​വ​കു​പ്പി​ന്​ സാ​ധി​ച്ചി​ട്ടി​ല്ല. ഇ​താ​ണ്​ വ​നം​വ​കു​പ്പും ജ​ന​ങ്ങ​ളും ത​മ്മി​ലു​ള്ള ബ​ന്ധം മോ​ശ​മാ​വാ​ൻ കാ​ര​ണം. റാ​പി​ഡ്​ റെ​സ്​​പോ​ൺ​സ്​ ടീ​മി​ന്‍റെ പ്ര​വ​ർ​ത്ത​നം പ​ല​പ്പോ​ഴും പേ​രി​നു​മാ​ത്ര​മാ​ണ്.

ന​ഷ്ട​പ​രി​ഹാ​രം പോ​ര

വ​ന്യ​ജീ​വി ആ​ക്ര​മ​ണ​ത്തി​ൽ കൊ​ല്ല​പ്പെ​ടു​ന്ന​വ​രു​ടെ ആ​ശ്രി​ത​ർ​ക്ക്​ ന​ൽ​കു​ന്ന ന​ഷ്ട​പ​രി​ഹാ​ര​ത്തു​ക കു​റ​വാ​ണ്. ഇ​ത്​ ക​ലോ​ചി​ത​മാ​യി വ​ർ​ധി​പ്പി​ക്കു​മെ​ന്ന്​ ക​ഴി​ഞ്ഞ നി​യ​മ​സ​ഭ സ​മ്മേ​ള​ന​ത്തി​ൽ വ​നം​മ​​ന്ത്രി എ.​കെ. ശ​ശീ​ന്ദ്ര​ൻ വ്യ​ക്​​ത​മാ​ക്കി​യി​രു​ന്നു. എ​ന്നാ​ൽ, വി​ഷ​യം സ​ർ​ക്കാ​ർ നീ​ട്ടി​കൊ​ണ്ടു​പോ​കു​ക​യാ​ണ്.

ദു​ര​ന്ത നി​വാ​ര​ണ അ​തോ​റി​റ്റി​യു​ടെ പ​രി​ഗ​ണ​ന​ക്ക്​ വി​ട്ട വി​ഷ​യ​ത്തി​ൽ തീ​രു​മാ​നം വൈ​കു​ക​യാ​ണ്. ക​ഴി​ഞ്ഞ 14 വ​ർ​ഷ​ത്തി​നി​ടെ പ​ത്ത്​ പേ​ർ സം​സ്ഥാ​ന​ത്ത്​ ക​ടു​വ​യു​ടെ ആ​ക്ര​മ​ണ​ത്തി​ൽ കൊ​ല്ല​പ്പെ​ട്ടി​ട്ടു​ണ്ട്. അ​ട​ക്കാ​കു​ണ്ട്​ സം​ഭ​വ​ത്തി​ൽ മ​രി​ച്ച ഗ​ഫൂ​റി​ന്‍റെ ഭാ​ര്യ​ക്ക്​ വ​നം​വ​കു​പ്പ്​ താ​ൽ​ക്കാ​ലി​ക ജോ​ലി മാ​ത്ര​മാ​ണ്​ വാ​ഗ്ദാ​നം ചെ​യ്​​ത​ത്.