നി​കു​തി കു​ടി​ശ്ശി​ക; റി​ക്ക​വ​റി ന​ട​പ​ടി​കൾ ശക്തമാക്കി സം​സ്ഥാ​ന ജി.​എ​സ്.​ടി വ​കു​പ്പ്; ജി​ല്ല​യി​ൽ മൂ​ന്നു കേ​സു​ക​ളി​ൽ പിരിച്ചെടുത്തത് 1.38 ല​ക്ഷത്തോ​ളം രൂപ

മ​ല​പ്പു​റം: നി​കു​തി കു​ടി​ശ്ശി​ക പി​രി​ച്ചെ​ടു​ക്കാ​ന്‍ റി​ക്ക​വ​റി ന​ട​പ​ടി​ക​ള്‍ ശ​ക്ത​മാ​ക്കി സം​സ്ഥാ​ന ജി.​എ​സ്.​ടി വ​കു​പ്പ്. മേ​യ് 15ന് ​എ​ല്ലാ ജി​ല്ല​ക​ളി​ലും അ​രി​യ​ര്‍ റി​ക്ക​വ​റി ഡ്രൈ​വു​ക​ള്‍ സം​ഘ​ടി​പ്പി​ച്ചു. 35 സ്ഥാ​പ​ന​ങ്ങ​ളി​ല്‍നി​ന്ന് റി​ക്ക​വ​റി ന​ട​പ​ടി​ക്ര​മ​ങ്ങ​ള്‍ പൂ​ര്‍ത്തി​യാ​ക്കി നി​കു​തി​കു​ടി​ശ്ശി​ക പി​രി​ച്ചെ​ടു​ത്തു. ജി​ല്ല​യി​ല്‍നി​ന്ന് മൂ​ന്നു കേ​സു​ക​ളി​ലാ​യി 1,38,000ത്തോ​ളം രൂ​പ​യാ​ണ് പി​രി​ച്ചെ​ടു​ത്ത​ത്. നി​കു​തി കു​ടി​ശ്ശി​ക അ​ട​ക്കാ​തെ പ്ര​വ​ര്‍ത്തി​ക്കു​ന്ന വ്യാ​പാ​ര​സ്ഥാ​പ​ന​ങ്ങ​ളി​ല്‍നി​ന്നും കു​ടി​ശ്ശി​ക ഈ​ടാ​ക്കാ​ന്‍ ശ​ക്ത​മാ​യ ന​ട​പ​ടി​ക​ള്‍ തു​ട​രും. മു​ന്‍ വ​ര്‍ഷ​ങ്ങ​ളി​ല്‍ ആം​ന​സ്റ്റി പ​ദ്ധ​തി​ക​ള്‍ നി​ല​വി​ല്‍ ഉ​ണ്ടാ​യി​ട്ടും കു​ടി​ശ്ശി​ക തീ​ര്‍പ്പാ​ക്കാ​ന്‍ താ​ല്‍പ​ര്യ​പ്പെ​ടാ​ത്ത സ്ഥാ​പ​ന​ങ്ങ​ളി​ല്‍നി​ന്നാ​ണ് സം​സ്ഥാ​ന ച​ര​ക്ക് സേ​വ​ന നി​കു​തി വ​കു​പ്പ് കു​ടി​ശ്ശി​ക ഈ​ടാ​ക്കു​ന്ന​തി​ന് റി​ക്ക​വ​റി ന​ട​പ​ടി​ക​ളു​മാ​യി മു​ന്നോ​ട്ടു​പോ​കു​ന്ന​ത്.

സ്ഥാ​വ​ര-​ജം​ഗ​മ വ​സ്തു​ക്ക​ള്‍ ക​ണ്ടു​കെ​ട്ടു​ന്ന​ത​ട​ക്കം ശ​ക്ത​മാ​യ ന​ട​പ​ടി​ക​ള്‍ സം​സ്ഥാ​ന ജി.​എ​സ്.​ടി വ​കു​പ്പ് സ്വീ​ക​രി​ച്ചു വ​രു​ന്നു​ണ്ട്. ഇ​ത്ത​രം റി​ക്ക​വ​റി ന​ട​പ​ടി​ക​ള്‍ക്കാ​യി സം​സ്ഥാ​ന ച​ര​ക്ക് സേ​വ​ന നി​കു​തി വ​കു​പ്പി​ലെ ഇ​ന്റ​ലി​ജ​ന്‍സ് വി​ഭാ​ഗം, എ​ന്‍ഫോ​ഴ്സ്മെ​ന്റ് വി​ഭാ​ഗം എ​ന്നി​വ​രു​ടെ സ​ഹാ​യ​ത്തോ​ടെ ക​ര്‍ശ​ന​മാ​യ ന​ട​പ​ടി​ക​ള്‍ സ്വീ​ക​രി​ക്കു​മെ​ന്ന് അ​രി​യ​ര്‍ റി​ക്ക​വ​റി ഡെ​പ്യൂ​ട്ടി ക​മീ​ഷ​ന​ര്‍ ഷം​സു​ദ്ദീ​ന്‍ അ​റി​യി​ച്ചു. ജി.​എ​സ്.​ടി​ക്കു മു​മ്പു​ള്ള നി​കു​തി കു​ടി​ശ്ശി​ക​യു​ള്ള​വ​ര്‍ക്കാ​യി കേ​ര​ള സ​ര്‍ക്കാ​ര്‍ പ്ര​ഖ്യാ​പി​ച്ചി​ട്ടു​ള്ള ജ​ന​റ​ല്‍ ആം​ന​സ്റ്റി പ​ദ്ധ​തി-2025​ല്‍ ചേ​രു​ന്ന​തി​നു​ള്ള അ​വ​സാ​ന തീ​യ​തി ജൂ​ണ്‍ 30 ആ​ണ്.

ജി.​എ​സ്.​ടി​ക്ക് മു​മ്പു​ള്ള പ​ഴ​യ കു​ടി​ശ്ശി​ക നി​ല​വി​ലു​ള്ള വ്യാ​പാ​രി​ക​ള്‍ ജൂ​ണ്‍ 30നു​മു​മ്പ് ആം​ന​സ്റ്റി പ​ദ്ധ​തി പ്ര​യോ​ജ​ന​പ്പെ​ടു​ത്തി പി​ഴ​യും പ​ലി​ശ​യും പൂ​ർ​ണ​മാ​യും നി​കു​തി​യു​ടെ 70 ശ​ത​മാ​നം വ​രെ​യു​ള്ള ആ​നു​കൂ​ല്യ​ങ്ങ​ള്‍ പ്ര​യോ​ജ​ന​പ്പെ​ടു​ത്തി പ​ഴ​യ കു​ടി​ശ്ശി​ക തീ​ര്‍പ്പാ​ക്ക​ണം. ആം​ന​സ്റ്റി​യി​ല്‍ ചേ​രു​ക​യോ കു​ടി​ശ്ശി​ക തീ​ര്‍പ്പാ​ക്കു​ക​യോ ചെ​യ്യാ​ത്ത എ​ല്ലാ കേ​സു​ക​ളി​ലും ഭൂ​മി ജ​പ്തി​യു​ള്‍പ്പെ​ടെ​യു​ള്ള റി​ക്ക​വ​റി ന​ട​പ​ടി​ക​ള്‍ തു​ട​രു​മെ​ന്ന് അ​ധി​കൃ​ത​ർ അ​റി​യി​ച്ചു.