ക്വാറികളുടെ പ്രവര്‍ത്തന നിരീക്ഷണം; ജില്ലയില്‍ ഡ്രോണ്‍- ലിഡാര്‍ സംവിധാനം പേരിന് മാത്രം

തേഞ്ഞിപ്പലം: ക്വാറികളുടെ പ്രവര്‍ത്തനം കൃത്യമായി പരിശോധിക്കാനും നിരീക്ഷിക്കാനുമുള്ള ഡ്രോണ്‍- ലിഡാര്‍ സംവിധാനം ജില്ലയില്‍ പേരിന് മാത്രം. ഡ്രോണ്‍-ലിഡാര്‍ സാങ്കേതികവിദ്യ ഉപയോഗിച്ചുള്ള ക്വാറി നിരീക്ഷണം വിപ്ലവകരമായ ചുവടുവെപ്പായിരുന്നുവെങ്കിലും സർവേ നടത്താന്‍ ആവശ്യത്തിന് ഡ്രോണുകളോ വൈദഗ്ധ്യമുള്ള സാങ്കേതിക വിദഗ്ധരോ ഇല്ലാത്തതിനാല്‍ റിപ്പോര്‍ട്ട് ലഭിക്കാന്‍ കാലതാമസം. ക്വാറിയില്‍ നിന്ന് എത്രത്തോളം പാറ ഖനനം ചെയ്തു എന്നത് ഉദ്യോഗസ്ഥര്‍ നേരിട്ടെത്തി അളക്കുകയായിരുന്നു പതിവ്.

ഇതില്‍ വലിയ അട്ടിമറികള്‍ നടന്നിരുന്നു. എന്നാല്‍, ഡ്രോണ്‍ സർവേ വഴി ക്വാറിയുടെ ത്രീഡി ചിത്രം ലഭിക്കുന്നതിനാല്‍ അനുവദിനീയമായ പരിധി ലംഘിച്ച് താഴേക്കോ വശങ്ങളിലേക്കോ ഖനനം നടത്തിയിട്ടുണ്ടെങ്കില്‍ കൃത്യമായി കണ്ടെത്താന്‍ സാധിക്കും. അനുവദിച്ച അളവിലും കൂടുതല്‍ പാറ പൊട്ടിച്ച നിരവധി ക്വാറികളെ ഡ്രോണ്‍ സർവേയിലൂടെ മൈനിങ് ആൻഡ് ജിയോളജി വകുപ്പ് കൈയോടെ പിടികൂടിയിരുന്നു. ജില്ലയില്‍ ഉള്‍പ്പെടെ പല പ്രമുഖ ക്വാറികള്‍ക്കും ലക്ഷക്കണക്കിന് രൂപയാണ് ഈ സാങ്കേതിക വിദ്യയുടെ സഹായത്തോടെ പിഴ ചുമത്തിയത്. തങ്ങള്‍ക്ക് അനുവദിച്ച ഭൂമിക്ക് പുറത്തുള്ള പുറമ്പോക്ക് ഭൂമിയിലേക്കോ വനഭൂമിയിലേക്കോ ക്വാറികള്‍ വ്യാപിപ്പിക്കുന്നത് ഡിജിറ്റല്‍ മാപ്പിങ് വഴി വേഗത്തില്‍ തിരിച്ചറിയാനും സാധിക്കും.

സംസ്ഥാനത്ത് കെല്‍ട്രോണ്‍ പോലുള്ള ഏജന്‍സികളെയാണ് സർവേ നടത്താന്‍ ചുമതലപ്പെടുത്തിയത്. എന്നാല്‍, ജില്ലയില്‍ നൂറുകണക്കിന് ക്വാറികള്‍ ഉള്ളപ്പോള്‍ കൃത്യമായ നിരീക്ഷണം നടത്താന്‍ ആവശ്യമായ സജ്ജീകരണങ്ങളില്ല. ഡ്രോണ്‍ സർവേ സാധാരണയായി വര്‍ഷത്തിലൊരിക്കലോ ലൈസന്‍സ് പുതുക്കുന്ന സമയത്തോ മാത്രമാണ് നടക്കുന്നത്. സർവേ കഴിഞ്ഞ് അടുത്ത പരിശോധന നടക്കുന്നത് വരെയുള്ള മാസങ്ങളില്‍ ക്വാറി ഉടമകള്‍ക്ക് വീണ്ടും അനിയന്ത്രിതമായി ഖനനം നടത്താന്‍ സാധിക്കുന്നുണ്ട്. ഇത് തടയാനുള്ള നിരീക്ഷണ സംവിധാനം ഇപ്പോഴില്ല. ജില്ലയില്‍ ആകെ 80ലധികം വലിയ കരിങ്കല്‍ ക്വാറികള്‍ക്ക് പ്രവര്‍ത്തനാനുമതിയുണ്ട്.

ഉ​ദ്യോ​ഗ​സ്ഥ ക്ഷാ​മ​വും അ​ഴി​മ​തി​യും വെ​ല്ലു​വി​ളി

തേ​ഞ്ഞി​പ്പ​ലം: ഉ​ദ്യോ​ഗ​സ്ഥ ക്ഷാ​മ​വും അ​ഴി​മ​തി​യും നി​യ​മ​പോ​രാ​ട്ട​വും ക്വാ​റി​ക​ളു​ടെ അ​ന​ധി​കൃ​ത പ്ര​വ​ര്‍ത്ത​ന​ങ്ങ​ള്‍ ത​ട​യു​ന്ന​തി​ല്‍ പ്ര​ധാ​ന വെ​ല്ലു​വി​ളി. ഡ്രോ​ണ്‍ ന​ല്‍കു​ന്ന ഡി​ജി​റ്റ​ല്‍ ഡാ​റ്റ​ക​ൾ പ​രി​ശോ​ധി​ച്ച് ന​ട​പ​ടി​യെ​ടു​ക്കേ​ണ്ട​ത് മൈ​നി​ങ് ആ​ൻ​ഡ് ജി​യോ​ള​ജി വ​കു​പ്പി​ലെ ഉ​ദ്യോ​ഗ​സ്ഥ​രാ​ണ്. എ​ന്നാ​ല്‍ ആ​വ​ശ്യ​ത്തി​ന് ജീ​വ​ന​ക്കാ​രി​ല്ലാ​ത്ത​ത് ഫ​യ​ലു​ക​ള്‍ കെ​ട്ടി​ക്കി​ട​ക്കാ​നി​ട​യാ​ക്കു​ന്നു. ഡ്രോ​ണ്‍ റി​പ്പോ​ര്‍ട്ടു​ക​ള്‍ അ​ട്ടി​മ​റി​ക്കാ​ന്‍ പ്രാ​ദേ​ശി​ക ത​ല​ത്തി​ല്‍ ഉ​ദ്യോ​ഗ​സ്ഥ​രും ക്വാ​റി മാ​ഫി​യ​യും ത​മ്മി​ല്‍ ഒ​ത്തു​ക​ളി​ക്കു​ന്ന​താ​യും ആ​ക്ഷേ​പ​മു​ണ്ട്. ഡ്രോ​ണ്‍ സ​ര്‍വേ​യു​ടെ ശാ​സ്ത്രീ​യ​ത ചോ​ദ്യം ചെ​യ്ത് ക്വാ​റി ഉ​ട​മ​ക​ള്‍ കോ​ട​തി​ക​ളെ സ​മീ​പി​ക്കു​ന്ന​തും ക​ര്‍ശ​ന ന​ട​പ​ടി​ക​ള്‍ വൈ​കാ​ന്‍ പ​ല​പ്പോ​ഴും കാ​ര​ണ​മാ​കു​ന്നു.