പുത്തൂരിന് വേണം അപകടരഹിത യാത്ര അ​പാ​യ​സൂ​ച​ന അ​ട​യാ​ള​ങ്ങൾ, ഹ​മ്പു​ക​ൾ

കോ​ട്ട​ക്ക​ൽ: 15 ദി​വ​സ​ത്തി​നി​ടെ​യു​ണ്ടാ​യ​ത് വ​ലി​യ ര​ണ്ട് അ​പ​ക​ട​ങ്ങ​ൾ. യാ​ത്ര​ക്കാ​ർ ര​ക്ഷ​പ്പെ​ട്ട​തെ​ല്ലാം ഭാ​ഗ്യം​കൊ​ണ്ട് മാ​ത്രം. അ​പ​ക​ട​ങ്ങ​ൾ ക​ണ്ട് പ്ര​ദേ​ശ​ത്തു​കാ​രു​ടെ മ​ന​സ്സ് മ​ര​വി​ച്ചി​ട്ടും അ​ധി​കൃ​ത​ർ​ക്ക് ഇ​പ്പോ​ഴും കു​ലു​ക്ക​മു​ണ്ടാ​യി​രു​ന്നി​ല്ല. ഒ​ടു​വി​ൽ തി​ങ്ക​ളാ​ഴ്ച രാ​വി​ലെ പ​ത്ത​ര​ക്ക് ഒ​തു​ക്കു​ങ്ങ​ൽ പ​ഞ്ചാ​യ​ത്തി​ൽ യോ​ഗം ചേ​രാ​ൻ തീ​രു​മാ​ന​മാ​യി. പ​ഞ്ചാ​യ​ത്ത് ഭ​ര​ണ​സ​മി​തി, പൊ​ലീ​സ്, മോ​ട്ടോ​ർ വാ​ഹ​ന വ​കു​പ്പ്, പൊ​തു​മ​രാ​മ​ത്ത് വ​കു​പ്പ് ഉ​ദ്യോ​ഗ​സ്ഥ​ർ എ​ന്നി​വ​ർ പ​ങ്കെ​ടു​ക്കും. അ​നു​കൂ​ല തീ​രു​മാ​ന​മി​​ല്ലെ​ങ്കി​ൽ ജ​ന​കീ​യ പ്ര​തി​ഷേ​ധ​ങ്ങ​ൾ​ക്കൊ​രു​ങ്ങു​ക​യാ​ണ് നാ​ട്ടു​കാ​ർ. ജി​ല്ല​യി​ലെ പ്ര​ധാ​ന അ​പ​ക​ട മേ​ഖ​ല​യാ​യ കോ​ട്ട​ക്ക​ൽ പു​ത്തൂ​രി​ൽ ക​ഴി​ഞ്ഞ ദി​വ​സ​മു​ണ്ടാ​യ അ​പ​ക​ട​ത്തി​ൽ മാ​ത്രം 12 പേ​ർ​ക്കാ​ണ് പ​രി​ക്കേ​റ്റ​ത്. സി​മ​ന്റ് മി​ക്സി​ങ് ലോ​റി നി​യ​ന്ത്ര​ണം ന​ഷ്ട​പ്പെ​ട്ട് വി​വി​ധ വാ​ഹ​ന​ങ്ങ​ളി​ലും ട്രാ​ൻ​സ്ഫോ​ർ​മ​റി​ലും ഇ​ടി​ച്ച് മ​റി​യു​ക​യാ​യി​രു​ന്നു.

കോ​ട്ട​ക്ക​ൽ- മ​ല​പ്പു​റം, പെ​രി​ന്ത​ൽ​മ​ണ്ണ- കോ​ട്ട​ക്ക​ൽ പാ​ത​യി​ലെ പ്ര​ധാ​ന ജ​ങ്ഷ​നാ​ണ് പു​ത്തൂ​ർ. ദി​നം​പ്ര​തി ആ​യി​ര​ക്ക​ണ​ക്കി​ന് വാ​ഹ​ന​ങ്ങ​ൾ ക​ട​ന്നു​പോ​കു​ന്ന സ്ഥ​ലം. എ​ന്നാ​ൽ, അ​ടി​ക്ക​ടി​യു​ണ്ടാ​കു​ന്ന ചെ​റു​തും വ​ലു​തു​മാ​യ അ​പ​ക​ട​ങ്ങ​ൾ നാ​ടി​നെ ഭീ​തി​യി​ലാ​ഴ്ത്തു​ക​യാ​ണ്. റോ​ഡി​ന്റെ അ​ശാ​സ്ത്രീ​യ​ത​ക്ക് പു​റ​മെ ര​ണ്ട് കി​ലോ​മീ​റ്റ​റോ​ളം ചെ​ങ്കു​ത്താ​യ ഇ​റ​ക്ക​മാ​ണ് പെ​രി​ന്ത​ൽ​മ​ണ്ണ -കോ​ട്ട​ക്ക​ൽ റോ​ഡി​ന്റെ ഏ​റ്റ​വും വ​ലി​യ ശാ​പം. കു​ത്ത​നെ​യു​ള്ള റോ​ഡി​​ന്റെ ഒ​രു ഭാ​ഗം താ​ഴ്ച​യു​ള്ള പ്ര​ദേ​ശ​മാ​ണ്. വ​ള​വും തി​രി​വും ഇ​റ​ക്ക​വു​മു​ള്ള റോ​ഡി​ൽ വ​ലി​യ വാ​ഹ​ന​ങ്ങ​ളാ​ണ് കൂ​ടു​ത​ൽ അ​പ​ക​ട​ത്തി​ൽ​പ്പെ​ടു​ന്ന​ത്.

വ​ലി​യ​പ​റ​മ്പ് അ​രി​ച്ചോ​ൾ മു​ത​ൽ താ​ഴെ ജ​ങ്ഷ​ൻ വ​രെ​യു​ള്ള പാ​ത സ്ഥി​രം അ​പ​ക​ട​മേ​ഖ​ല​യാ​യി​ട്ട് വ​ർ​ഷ​ങ്ങ​ളാ​യി. വ​ലി​യ വാ​ഹ​ന​ങ്ങ​ൾ​ക്ക് സ്ഥ​ല പ​രി​ച​യ​മി​ല്ലാ​ത്ത​തും മു​ന്ന​റി​യി​പ്പ് ബോ​ർ​ഡു​ക​ൾ സ്ഥാ​പി​ക്കാ​ത്ത​തു​മാ​ണ് അ​പ​ക​ട​ത്തി​ന് കാ​ര​ണ​മെ​ന്ന് നാ​ട്ടു​കാ​ർ പ​റ​യു​ന്നു. ഇ​റ​ക്ക​ത്തി​ൽ ചെ​റി​യ ഹ​മ്പു​ക​ളും മു​ന്ന​റി​യി​പ്പ് ബോ​ർ​ഡു​ക​ളും വേ​ണ​മെ​ന്നാ​ണ് പ്ര​ധാ​ന ആ​വ​ശ്യം. ക​ഴി​ഞ്ഞ നാ​ലി​ന് ച​ര​ക്കു​ലോ​റി മൂ​ന്ന് വാ​ഹ​ന​ങ്ങ​ളി​ലി​ടി​ച്ചാ​ണ് മ​റി​ഞ്ഞ​ത്.

ഓ​രോ അ​പ​ക​ട​ങ്ങ​ൾ​ക്ക് ശേ​ഷ​വും പൊ​ലീ​സ്, മോ​ട്ടോ​ർ വാ​ഹ​ന വ​കു​പ്പ് സ്ഥ​ല​ത്തെ​ത്തി ന​ട​പ​ടി​ക​ൾ സ്വീ​ക​രി​ക്കു​ന്നെ​ന്ന​ല്ലാ​തെ പ​രി​ഹാ​ര​മാ​കാ​ത്ത​താ​ണ് പ്ര​തി​ഷേ​ധ​ങ്ങ​ൾ​ക്ക് വ​ഴി​വെ​ക്കു​ന്ന​ത്. അ​തേ​സ​മ​യം, ശ​നി​യാ​ഴ്ച അ​പ​ക​ടം വ​രു​ത്തി​യ ടാ​ങ്ക​ർ ലോ​റി​ക്ക് സാ​ങ്കേ​തി​ക ത​ട​സ്സ​ങ്ങ​ൾ ഉ​ണ്ടാ​യി​രു​ന്നു​വെ​ന്നാ​ണ് അ​റി​യു​ന്ന​ത്. പ​ട​പ്പ​റ​മ്പ് ഭാ​ഗ​ത്ത് മു​ന്നി​ലും പി​റ​കി​ലു​മാ​യി സം​വി​ധാ​ന​മൊ​രു​ക്കി മ​ണ്ണു​മാ​ന്തി​യ​ന്ത്ര​ങ്ങ​ളു​ടെ സ​ഹാ​യ​ത്തോ​ടെ ലോ​റി കൊ​ണ്ടു​പോ​കു​ന്ന ദൃ​ശ്യ​ങ്ങ​ൾ പു​റ​ത്തു​വ​ന്നു. തു​ട​ർ​ന്നാ​ണ് പു​ത്തൂ​രി​ൽ അ​പ​ക​ട​ത്തി​ൽ​പ്പെ​ട്ട​ത്.