Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightMalappuramchevron_rightPulamantholechevron_rightകു​ന്തി​പ്പു​ഴയിൽ...

കു​ന്തി​പ്പു​ഴയിൽ ജ​ല​നി​ര​പ്പ് ഉ​യ​ർ​ന്നും താ​ഴ്ന്നും; ആ​ശ​ങ്ക​യൊ​ഴി​യാ​തെ നാട്

text_fields
bookmark_border
ഏ​ലം​കു​ളം പ​ട്ട്കു​ത്ത് തു​രു​ത്ത് വ​യ​ലി​ൽ വെ​ള്ളം ക​യ​റി ന​ട​പ്പാ​ത മൂ​ടി​യ​നി​ല​യി​ൽ
cancel
camera_alt

ഏ​ലം​കു​ളം പ​ട്ട്കു​ത്ത് തു​രു​ത്ത് ഭാ​ഗ​ത്ത് വ​യ​ലി​ൽ വെ​ള്ളം ക​യ​റി ന​ട​പ്പാ​ത മൂ​ടി​യ​നി​ല​യി​ൽ

പു​ലാ​മ​ന്തോ​ൾ: കാ​ഞ്ഞി​ര​പ്പു​ഴ ഡാം ​തു​റ​ന്നു​വി​ടു​ക​യും സൈ​ല​ൻ​റ് വാ​ലി പ്ര​ദേ​ശ​ങ്ങ​ളി​ൽ കാ​ല​വ​ർ​ഷം ശ​ക്ത​മാ​വു​ക​യും ചെ​യ്ത​തോ​ടെ ജ​ല​നി​ര​പ്പ് ഉ​യ​ർ​ന്നും താ​ഴ്ന്നും ആ​ശ​ങ്ക​യൊ​ഴി​യാ​തെ കു​ന്തി​പ്പു​ഴയോരവാസികൾ. നാ​ലു ദി​വ​സ​മാ​യി കു​ന്തി​പ്പു​ഴ പ​രി​സ​ര​വാ​സി​ക​ൾ ആ​ശ​ങ്ക​യു​ടെ​യും അ​തോ​ടൊ​പ്പം ആ​ശ്വാ​സ​ത്തി‍െൻറ​യും മു​ൾ​മു​ന​യി​ലാ​ണ്.

രാ​ത്രി​ക​ളി​ൽ നി​ല​ക്കാ​തെ​പെ​യ്യു​ന്ന മ​ഴ​കാ​ര​ണം പു​ല​ർ​ച്ച കു​ന്തി​പ്പു​ഴ​യു​ടെ ക​ര​ക​വി​യു​ന്ന​തും അ​നു​ബ​ന്ധ​തോ​ടു​ക​ൾ നി​റ​യു​ന്ന​തും കാ​ണു​മ്പോ​ൾ അ​ടു​ത്ത പ്ര​ള​യം വീ​ട്ടു​മു​റ്റ​ത്തെ​ത്തി​യെ​ന്ന ആ​ധി​യി​ലാ​ണ് പ്ര​ദേ​ശ​വാ​സി​ക​ൾ.

എ​ന്നാ​ൽ, ഉ​ച്ച​യോ​ടെ വെ​ള്ളം തി​രി​ച്ചി​റ​ങ്ങു​ന്ന​ത് ഇ​വ​ർ​ക്ക് ആ​ശ്വാ​സ​മേ​കു​ന്നുണ്ട്. ക​ഴി​ഞ്ഞ ര​ണ്ട് ത​വ​ണ​യും പ്ര​ള​യ​കെ​ടു​തി​ക​ൾ ഏ​റെ ഏ​റ്റു​വാ​ങ്ങേ​ണ്ടി​വ​ന്ന​വ​രാ​ണ് ഏ​ലം​കു​ളം ഗ്രാ​മ​പ​ഞ്ചാ​യ​ത്തി​ലെ കൊ​ട്ടാ​ര​ക്കു​ന്ന്, പ​ട്ടു​കു​ത്ത് തു​രു​ത്ത്, മ​ന​മു​ക്ക്, ഏ​ലം​കു​ളം അ​ടി​വാ​രം പു​ലാ​മ​ന്തോ​ൾ ഗ്രാ​മ​പ​ഞ്ചാ​യ​ത്തി​ലെ വ​ള​പു​രം, പു​ലാ​മ​ന്തോ​ൾ തു​രു​ത്ത്, താ​വു​ള്ളി തോ​ട് പ​രി​സ​രം, കൊ​ള്ളി​ത്തോ​ട്, പാ​ലൂ​ർ ചെ​ട്ടി​യ​ങ്ങാ​ടി, പു​ലാ​മ​ന്തോ​ൾ യു.​പി നി​വാ​സി​ക​ൾ. ഇ​ത്ത​വ​ണ ദി​വ​സ​ങ്ങ​ൾ​ക്ക് മു​മ്പു​ത​ന്നെ ജാ​ഗ്ര​ത​പു​ല​ർ​ത്താ​നും ഏ​തു​സ​മ​യ​വും ക്യാ​മ്പു​ക​ളി​ലേ​ക്ക് പോ​വാ​ൻ ത​യാ​റാ​വാ​നു​മു​ള്ള മു​ന്ന​റി​യി​പ്പ് അ​ധി​കൃ​ത​ർ ന​ൽ​കി​യി​രു​ന്നു.

പ്ര​ള​യ​ത്തി​ൽ അ​ക​പ്പെ​ടു​ന്ന​വ​രെ ര​ക്ഷി​ക്കാ​ൻ ഏ​ലം​കു​ളം, പു​ലാ​മ​ന്തോ​ൾ ഗ്രാ​മ​പ​ഞ്ചാ​യ​ത്തു​ക​ളി​ൽ ഫൈ​ബ​ർ ബോ​ട്ടു​ക​ൾ സ​ജ്ജ​മാ​ക്കി​യി​ട്ടു​ണ്ട്. വി​വി​ധ സ്ഥ​ല​ങ്ങ​ളി​ലെ സ്കൂ​ളു​ക​ൾ കേ​ന്ദ്രീ​ക​രി​ച്ച് പ്ര​ള​യ​ബാ​ധി​ത​രെ മാ​റ്റി​ത്താ​മ​സി​പ്പി​ക്കാ​നു​ള്ള ത​യാ​റെ​ടു​പ്പു​ക​ളും ന​ട​ത്തി​യി​ട്ടു​ണ്ട്. കൂ​ടാ​തെ ക​ഴി​ഞ്ഞ ദി​വ​സം പെ​രി​ന്ത​ൽ​മ​ണ്ണ സ​ബ് ക​ല​ക്ട​ർ, പെ​രി​ന്ത​ൽ​മ​ണ്ണ ത​ഹ​സി​ൽ​ദാ​ർ, ഡെ​പ്യൂ​ട്ടി ത​ഹ​സി​ൽ​ദാ​ർ എ​ന്നി​വ​രു​ടെ നേ​തൃ​ത്വ​ത്തി​ൽ പൊ​ലീ​സ്-​റ​വ​ന്യൂ, ഗ്രാ​മ​പ​ഞ്ചാ​യ​ത്ത്-​അ​ധി​കാ​രി​ക​ൾ വി​വി​ധ സ്ഥ​ല​ങ്ങ​ൾ സ​ന്ദ​ർ​ശി​ച്ച് ജ​ന​ങ്ങ​ൾ​ക്ക് നി​ർ​ദേ​ശ​ങ്ങ​ൾ ന​ൽ​കു​ക​യും ചെ​യ്തി​രു​ന്നു.

Show Full Article
TAGS:Kunthipuzha Water logging kerala rain 
News Summary - water level in kunthi river increasing and decreasing
Next Story