നീ​ളെ ​നീ​ളെ കു​ഴി​ക​ൾ... ഇതാണ് മലപ്പുറം ജില്ലയിലെ പൊ​തു​മ​രാ​മ​ത്ത്​ റോ​ഡു​ക​ൾ..

ജി​ല്ല​യി​ൽ പൊ​തു​മ​രാ​മ​ത്ത്​ വ​കു​പ്പി​ന്​ കീ​ഴി​ലെ പ​ല റോ​ഡു​ക​ളും ശോ​ച്യാ​വ​സ്ഥ​യി​ലാ​ണ്. കു​ണ്ടും കു​ഴി​ക​ളും നി​റ​ഞ്ഞ്​ യാ​ത്ര ദു​ഷ്​​ക​രം. കൂ​ടാ​തെ ക​ഴി​ഞ്ഞ ആ​​ഴ്​​ച​ക​ളി​ൽ ശ​ക്ത​മാ​യ മ​ഴ പെ​യ്​​ത​തോ​ടെ വെ​ള്ള​ക്കെ​ട്ടു​കളും. അ​പ​ക​ട​ങ്ങ​ൾ തു​ട​ർ​ക്ക​ഥ​യാ​വു​ക​യാ​ണ്. റോ​ഡി​ൽ വാ​ഴ ന​ട്ടും ​ഉ​പ​രോ​ധം ന​ട​ത്തി​യും യാ​ത്ര​ക്കാ​ർ പ്ര​തി​ഷേ​ധംഅ​റി​യി​ക്കുന്നു. നി​വേ​ദ​ന​ങ്ങ​ളും പ​രാ​തി​ക​ളും ന​ൽ​കി മ​ടു​ത്തി​രി​ക്കു​ക​യാ​ണ്​ ജ​നം. സ്​​കൂ​ളു​ക​ളും കോ​ള​ജു​ക​ളും തു​റ​ക്കു​ന്ന​തോ​ടെ പൊ​തു​ഗ​താ​ഗ​ത​ങ്ങ​ളി​ലും യാ​ത്ര​ക്കാ​രു​ടെ എ​ണ്ണം കൂ​ടു​ന്നു. ജി​ല്ല​യി​ലെ ചി​ല പൊ​തു​മ​രാ​മ​ത്ത്​ റോ​ഡു​ക​ളി​ലൂ​ടെ ഒ​രു യാ​ത്ര.....

ന​ടു​വൊ​ടി​ക്കും വ​ളാ​ഞ്ചേ​രി -പെ​രി​ന്ത​ൽ​മ​ണ്ണ റോ​ഡ്​

ജി​ല്ല​യി​ലെ പ്ര​ധാ​ന പാ​ത​യാ​യ വ​ളാ​ഞ്ചേ​രി -പെ​രി​ന്ത​ൽ​മ​ണ്ണ റോ​ഡി​ൽ വെ​ങ്ങാ​ട്​ മു​ത​ൽ അ​ങ്ങാ​ടി​പ്പു​റം ​വ​രെ ന​ടു​വൊ​ടി​ക്കു​ന്ന കു​ണ്ടും കു​ഴി​ക​ളു​മാ​ണ്. നി​ര​വ​ധി മ​ൾ​ട്ടി സ്​​പെ​ഷാ​ലി​റ്റി ആ​ശു​പ​ത്രി​ക​ളു​ള്ള പെ​രി​ന്ത​ൽ​മ​ണ്ണ​യി​ലേ​ക്ക്​ നി​ര​വ​ധി ആം​ബു​ല​ൻ​സു​ക​ളാ​ണ്​ ഇ​തു​വ​ഴി പോ​കു​ന്ന​ത്. നൂ​റു​ക​ണ​ക്കി​ന്​ സ്വ​കാ​ര്യ ബ​സു​ക​ളും ദി​വ​സ​വും ഇ​തു​വ​ഴി പോ​കു​ന്നു. വെ​ങ്ങാ​ട്​ മു​ത​ൽ അ​ങ്ങാ​ടി​പ്പു​റം വ​രെ​യു​ള്ള 15 കി​ലോ​മീ​റ്റ​ർ റോ​ഡി​ലാ​ണ്​ യാ​ത്ര​ക്കാ​രു​ടെ ന​ടു​വൊ​ടി​ക്കു​ന്ന​ത്.

​േഗാ​കു​ലം, വെ​ങ്ങാ​ട്, ഇ​ല്ലി​ക്കോ​ട്, എ​ട​യൂ​ർ റോ​ഡ്, അ​മ്പ​ല​പ്പ​ടി, ആ​ശു​പ​ത്രി​പ്പ​ടി, കൊ​ള​ത്തൂ​ർ, വൈ​ലോ​ങ്ങ​ര തു​ട​ങ്ങി​യ ഭാ​ഗ​ങ്ങ​ളി​ലെ​ല്ലാം കു​ഴി​ക​ൾ രൂ​പ​പ്പെ​ട്ടി​ട്ടു​ണ്ട്. ഇ​തി​ൽ വൈ​ലോ​ങ്ങ​ര​യി​ൽ ക്വാ​റി മാ​ലി​ന്യം ത​ള്ളി താ​ൽ​ക്കാ​ലി​ക​മാ​യി പ​രി​ഹ​രി​ച്ചു.

സ്​​റ്റേ​ഷ​ൻ പ​ടി​യി​ൽ അ​റ്റ​കു​റ്റ​പ്പ​ണി ന​ട​ത്തി​യ​തൊ​ഴി​ച്ചാ​ൽ റോ​ഡ്​ സ​മ്പൂ​ർ​ണ​മാ​യി ത​ക​ർ​ന്ന നി​ല​യി​ലാ​ണ്. മ​ഴ പെ​യ്​​താ​ൽ ഇൗ ​ഭാ​ഗ​ങ്ങ​ളി​ൽ ച​ളി നി​റ​ഞ്ഞ്​ യാ​ത്ര​ക്കാ​ർ വീ​ണ്ടും ദു​രി​ത​ത്തി​ലാ​കും.

കു​ണ്ടും കു​ഴി​ക​ളു​മാ​യി കൊ​ണ്ടോ​ട്ടി ബൈ​പാ​സ്​

​െകാ​ണ്ടോ​ട്ടി ബൈ​പാ​സ് റോ​ഡി​ൽ കു​റു​പ്പ​ത്ത് മു​ത​ൽ പാ​ണ്ടി​ക്കാ​ട് വ​രെ​യാ​ണ് റോ​ഡ് പാ​ടേ ത​ക​ർ​ന്ന​ത്. ക​ഴി​ഞ്ഞ ദി​വ​സ​ങ്ങ​ളി​ൽ പെ​യ്ത മ​ഴ​യി​ൽ ദേ​ശീ​യ പാ​ത കൊ​ണ്ടോ​ട്ടി ബൈ​പാ​സ് റോ​ഡി​ൽ രൂ​പ​പ്പെ​ട്ട​ത് വ​ലി​യ അ​പ​ക​ട​ക്കു​ഴി​ക​ളാ​ണ്. അ​പ​ക​ട​ങ്ങ​ൾ കൂ​ടി​യ​തോ​ടെ അ​ധി​കൃ​ത​ർ അ​ടു​ത്തി​ടെ ര​ണ്ടു​ത​വ​ണ കു​ഴി​ക​ൾ അ​ട​ച്ചി​രു​ന്നു.

ഇ​ത് വെ​ള്ള​ത്തി​ൽ ഒ​ലി​ച്ചു​പോ​യി. ചി​ല കു​ഴി​ക​ളി​ൽ വെ​ള്ളം കെ​ട്ടി​നി​ൽ​ക്കു​ന്ന​ത് കാ​ര​ണം യാ​ത്ര​ക്കാ​രു​ടെ ശ്ര​ദ്ധ‍യി​ൽ​പെ​ടാ​തെ പോ​വു​ക​യാ​ണ്. ആം​ബു​ല​ൻ​സു​ക​ൾ ഉ​ൾ​പ്പെ​ടെ ദി​വ​സേ​ന ആ​യി​ര​ക്ക​ണ​ക്കി​ന് വാ​ഹ​ന​ങ്ങ​ളാ​ണ്​ ഇ​തു​വ​ഴി പോ​കു​ന്ന​ത്.

നീ​ണ്ടു​നീ​ണ്ട്​ മ​ഞ്ചേ​രി-അ​രീ​ക്കോ​ട്, എ​ട​വ​ണ്ണ-​കൊ​യി​ലാ​ണ്ടി റോ​ഡ്​ ന​വീ​ക​ര​ണം

മ​ഞ്ചേ​രി നെ​ല്ലി​പ്പ​റ​മ്പ് മു​ത​ൽ അ​രീ​ക്കോ​ട് സൗ​ത്ത് പു​ത്ത​ലം വ​രെ​യു​ള്ള റോ​ഡ് ന​വീ​ക​ര​ണം നീ​ളു​ന്ന​തു കാ​ര​ണം യാ​ത്ര​ക്കാ​ർ ദു​രി​ത​ത്തി​ൽ. കി​ലോ​മീ​റ്റ​റോ​ളം റോ​ഡ് ന​വീ​ക​ര​ണ പ്ര​വ​ർ​ത്ത​ന ഭാ​ഗ​മാ​യി പൊ​ളി​ച്ച​താ​ണ് യാ​ത്ര​ക്കാ​രെ വ​ല​ക്കു​ന്ന​ത്. എ​ട​വ​ണ്ണ- കൊ​യി​ലാ​ണ്ടി റോ​ഡി​െൻറ ന​വീ​ക​ര​ണ പ്ര​വൃ​ത്തി നീ​ണ്ടു​പോ​കു​ന്ന​തി​നാ​ൽ എ​ട​വ​ണ്ണ മു​ത​ൽ അ​രീ​ക്കോ​ട്, മു​ക്കം വ​രെ​യു​ള്ള യാ​ത്ര​ക്കാ​ർ ദു​രി​ത​ത്തി​ലാ​ണ്. എ​ട​വ​ണ്ണ മു​ത​ൽ അ​രീ​ക്കോ​ട്, മു​ക്കം വ​രെ​യു​ള്ള നി​ല​വി​ലു​ള്ള റോ​ഡ് പൂ​ർ​ണ​മാ​യും പൊ​ളി​ച്ചാ​ണ് ന​വീ​ക​ര​ണ പ്ര​വൃ​ത്തി പു​രോ​ഗ​മി​ക്കു​ന്ന​ത്.

നിരത്തുകൾ ത​ക​ർ​ന്ന്​ മ​ഞ്ചേ​രി

മ​ഞ്ചേ​രി ന​ഗ​ര​ത്തി​ലെ പ്ര​ധാ​ന നി​ര​ത്തു​ക​ളെ​ല്ലാം ത​ക​ർ​ന്നു കി​ട​ക്കു​ക​യാ​ണ്. താ​ൽ​ക്കാ​ലി​ക പ​രി​ഹാ​ര​മാ​യി ക്വാ​റി മാ​ലി​ന്യം ത​ള്ളി​യി​ട്ടു​ണ്ട്. നി​ല​മ്പൂ​ർ, കോ​ഴി​ക്കോ​ട്, മ​ല​പ്പു​റം റോ​ഡ് എ​ന്നി​വ​യെ​ല്ലാം ഇ​തി​ൽ ഉ​ൾ​പ്പെ​ടും. നി​ല​മ്പൂ​ർ റോ​ഡി​ൽ സെ​ൻ​ട്ര​ൽ ജ​ങ്ഷ​ൻ മു​ത​ൽ നെ​ല്ലി​പ്പ​റ​മ്പ് വ​രെ റോ​ഡ് ത​ക​ർ​ന്ന് ത​രി​പ്പ​ണ​മാ​യി​ട്ടു​ണ്ട്. ജ​ല അ​തോ​റി​റ്റി​യു​ടെ പൈ​പ്പ്​​ലൈ​ൻ മാ​റ്റാ​നാ​യി കു​ഴി​യെ​ടു​ത്ത​താ​ണ് പ്ര​ശ്ന​ങ്ങ​ൾ​ക്ക് കാ​ര​ണം. യ​ഥാ​സ​മ​യം കു​ഴി​ക​ൾ അ​ട​ക്കാ​തെ വ​ന്ന​തോ​ടെ ഗ​താ​ഗ​തം ദു​സ്സ​ഹ​മാ​യി. മ​ഴ ശ​ക്ത​മാ​യ​തോ​ടെ കു​ഴി​ക​ളി​ൽ വെ​ള്ളം കെ​ട്ടി​നി​ന്ന് അ​പ​ക​ട​വും പ​തി​വാ​ണ്. നാ​ടു​കാ​ണി -പ​ര​പ്പ​ന​ങ്ങാ​ടി റോ​ഡ് പ്ര​വൃ​ത്തി പൂ​ർ​ത്തി​യാ​വാ​ത്ത​തും തി​രി​ച്ച​ടി​യാ​യി. മ​ല​പ്പു​റം ന​ഗ​ര​സ​ഭ​യി​ൽ കാ​ര​പ​റ​മ്പ്​ വാ​ർ​ഡി​ൽ ഹാ​ജി​യാ​ർ​പ​ള്ളി -എ​ടാ​യി​പ്പാ​ലം റോ​ഡ്​ ഇ​ടി​ഞ്ഞി​ട്ട്​ ര​ണ്ടു​ വ​ർ​ഷ​മാ​യി. ഇ​തു​വ​രെ അ​റ്റ​കു​റ്റ​പ്പ​ണി ന​ട​ത്താ​ൻ അ​ധി​കൃ​ത​ർ​ക്കാ​യി​ട്ടി​ല്ല. 2019ലെ ​പ്ര​ള​യ​ത്തി​ലാ​ണ്​ ഈ ​ഭാ​ഗം​ ത​ക​ർ​ന്ന​ത്. ക​​ഴി​ഞ്ഞ​യാ​​ഴ്​​ച​യി​ലെ ശ​ക്ത​മാ​യ മ​ഴ​യി​ൽ വീ​ണ്ടും ത​ക​ർ​ന്നു. ഇ​തു​വ​ഴി ഭാ​ഗി​ക​മാ​യാ​ണ്​ വാ​ഹ​ന​ങ്ങ​ൾ പോ​കു​ന്ന​ത്.