രാഹുൽ ഗാന്ധിക്കൊപ്പം നാട്; പ്രതിഷേധത്തീ...

മ​ല​പ്പു​റം: രാ​ഹു​ൽ ഗാ​ന്ധി​യെ എം.​പി സ്ഥാ​ന​ത്തു​നി​ന്ന് അ​യോ​ഗ്യ​നാ​ക്കി​യ​തി​ൽ പ്ര​തി​ഷേ​ധി​ച്ച്​ ജി​ല്ല കോ​ൺ​ഗ്ര​സ് ക​മ്മി​റ്റി മ​ല​പ്പു​റ​ത്ത് തീ​പ​ന്ത​വു​മാ​യി നൈ​റ്റ് മാ​ർ​ച്ച് ന​ട​ത്തി. രാ​ത്രി ഡി.​സി.​ഡി ഓ​ഫി​സി​ന് മു​ന്നി​ൽ​നി​ന്ന് ആ​രം​ഭി​ച്ച മാ​ർ​ച്ചി​ൽ നൂ​റു​ക​ണ​ക്കി​ന്​ പ്ര​വ​ർ​ത്ത​ക​ർ അ​ണി​നി​ര​ന്നു. എ.​പി. അ​നി​ൽ​കു​മാ​ർ എം.​എ​ൽ.​എ ഉ​ദ്ഘാ​ട​നം ചെ​യ്തു.

രാ​ജ്യ​ത്തി​നാ​യി പോ​രാ​ട്ടം ന​ട​ത്തു​ന്ന രാ​ഹു​ൽ ഗാ​ന്ധി​ക്കൊ​പ്പം എ​ന്തു വി​ല​കൊ​ടു​ത്തും ഇ​ന്ത്യ​ൻ ജ​ന​ത നി​ൽ​ക്കു​മെ​ന്ന്​ അ​ദ്ദേ​ഹം പ​റ​ഞ്ഞു. രാ​ജ്യം നി​ല​നി​ർ​ത്താ​നു​ള്ള പോ​രാ​ട്ട​മാ​ണ് രാ​ഹു​ൽ ഗാ​ന്ധി ന​ട​ത്തു​ന്ന​ത്. രാ​ജ്യ​ത്തെ വി​ഭ​ജി​ക്കാ​ൻ ശ്ര​മി​ക്കു​ന്ന ബി.​ജെ.​പി​ക്കെ​തി​രാ​യ സ​ന്ദേ​ശ​മാ​ണ് അ​ദ്ദേ​ഹം ഭാ​ര​ത്‌ ജോ​ഡോ യാ​ത്ര​യി​ലൂ​ടെ ന​ട​ത്തി​യ​തെ​ന്നും കോ​ൺ​ഗ്ര​സ് അ​ധി​കാ​ര​ത്തി​ലെ​ത്തു​ന്ന​ത​ല്ല, മ​റി​ച്ച് കോ​ൺ​ഗ്ര​സ് ഈ ​രാ​ജ്യ​ത്തി​ന് ന​ൽ​കി​യ മ​തേ​ത​ര​ത്വ​വും ജ​നാ​ധി​പ​ത്യ​വും കാ​ത്തു​സൂ​ക്ഷി​ക്കാ​നാ​ണ് അ​ദ്ദേ​ഹം പോ​രാ​ട്ടം ന​ട​ത്തു​ന്ന​തെ​ന്നും അ​നി​ൽ കു​മാ​ർ പ​റ​ഞ്ഞു.

ഡി.​സി.​സി പ്ര​സി​ഡ​ന്റ് അ​ഡ്വ. വി.​എ​സ്. ജോ​യ് അ​ധ്യ​ക്ഷ​ത വ​ഹി​ച്ചു. കെ.​പി.​സി.​സി ജ​ന​റ​ൽ സെ​ക്ര​ട്ട​റി ആ​ര്യാ​ട​ൻ ഷൗ​ക്ക​ത്ത്, ഇ. ​മു​ഹ​മ്മ​ദ്‌ കു​ഞ്ഞി, വി.​എ. ക​രീം, വി. ​ബാ​ബു​രാ​ജ്, റ​ഷീ​ദ് പ​റ​മ്പ​ൻ, അ​ജീ​ഷ് എ​ടാ​ല​ത്ത്, പി.​സി. വേ​ലാ​യു​ധ​ൻ​കു​ട്ടി, അ​സീ​സ് ചീ​രാ​ൻ​തൊ​ടി, യാ​സ​ർ പൊ​ട്ട​ച്ചോ​ല, ശ​ശീ​ന്ദ്ര​ൻ മ​ങ്ക​ട, പി.​പി. ഹം​സ എ​ന്നി​വ​ർ സം​സാ​രി​ച്ചു.

നേതാക്കളെ അറസ്​റ്റ്​ ചെയ്ത്​ നീക്കി

പാ​ണ്ടി​ക്കാ​ട്: സം​സ്ഥാ​ന പാ​ത​ ഉ​പ​രോ​ധി​ച്ച്​ ​പ്ര​തി​ഷേ​ധി​ച്ച യൂ​ത്ത്​ കോ​ൺ​ഗ്ര​സ്​ നേ​താ​ക്ക​ളെ പൊ​ലീ​സ്​ അ​റ​സ്​​റ്റ്​ ചെ​യ്തു നീ​ക്കി.​ രാ​ഹു​ൽ ഗാ​ന്ധി​ക്ക്​ പി​ന്തു​ണ പ്ര​ഖ്യാ​പി​ച്ചും ജ​നാ​ധി​പ​ത്യ പ്ര​ക്രി​യ അ​ടി​ച്ച​മ​ർ​ത്തു​ന്ന പ്ര​ധാ​ന​മ​ന്ത്രി ന​രേ​ന്ദ്ര​മോ​ദി​യു​ടെ കോ​ലം ക​ത്തി​ച്ചും പാ​ണ്ടി​ക്കാ​ട്​ ടൗ​ണി​ലാ​ണ്​ ക​ഴി​ഞ്ഞ​ദി​വ​സം പ്ര​തി​ഷേ​ധം ന​ട​ന്ന​ത്. കോ​ൺ​ഗ്ര​സ്‌ പ്ര​വ​ർ​ത്ത​ക​ർ പ്ര​ക​ട​നം ന​ട​ത്തു​ക​യും പ​ട്ടി​ക്കാ​ട്​-​വ​ട​പു​റം സം​സ്ഥാ​ന​പാ​ത ഉ​പ​രോ​ധ​വും സം​ഘ​ടി​പ്പി​ച്ചു.

യൂ​ത്ത്‌ കോ​ൺ​ഗ്ര​സ്‌ ജി​ല്ല ജ​ന​റ​ൽ സെ​ക്ര​ട്ട​റി സ​ഫീ​ർ​ജാ​ൻ, യൂ​ത്ത്‌ കോ​ൺ​ഗ്ര​സ്‌ മ​ണ്ഡ​ലം പ്ര​സി​ഡ​ന്‍റ്​ കെ. ​ഫൈ​സ​ൽ, കെ.​എ​സ്.​യു മ​ണ്ഡ​ലം പ്ര​സി​ഡ​ന്‍റ്​ മു​ഹ​മ്മ​ദ്‌ സ​ഫ്​​വാ​ൻ എ​ന്നി​വ​രെ​യാ​ണ് പൊ​ലീ​സ് ബ​ലം പ്ര​യോ​ഗി​ച്ച് അ​റ​സ്റ്റ്​ ചെ​യ്തു നീ​ക്കി​യ​ത്. പ്ര​തി​ഷേ​ധ​ത്തി​ന് ഐ.​എ​ൻ.​ടി.​യു.​സി ജി​ല്ല വൈ​സ് പ്ര​സി​ഡ​ന്‍റ്​ കു​ഞ്ഞാ​ണി, നി​യോ​ജ​ക മ​ണ്ഡ​ലം യൂ​ത്ത്‌ കോ​ൺ​ഗ്ര​സ്‌ പ്ര​സി​ഡ​ന്‍റ്​ ആ​സാ​ദ്‌, മ​ണ്ഡ​ലം കോ​ൺ​ഗ്ര​സ്‌ ജ​ന​റ​ൽ സെ​ക്ര​ട്ട​റി​മ​രാ​യ കെ.​കെ. സ​ദ​ഖ​ത്ത്, സ​ക്കീ​ർ ക​രാ​യ, റൗ​ഫ് കൊ​പ്പ​ത്ത് എ​ന്നി​വ​ർ നേ​തൃ​ത്വം ന​ൽ​കി.

അടിയന്തര പ്രമേയവുമായി കൊണ്ടോട്ടി ബ്ലോക്ക് പഞ്ചായത്ത്

കൊ​ണ്ടോ​ട്ടി: രാ​ഹു​ല്‍ ഗാ​ന്ധി​യെ അ​യോ​ഗ്യ​നാ​ക്കി​യ​തി​ല്‍ പ്ര​തി​ഷേ​ധി​ച്ച് അ​ടി​യ​ന്ത​ര പ്ര​മേ​യ​വു​മാ​യി കൊ​ണ്ടോ​ട്ടി ബ്ലോ​ക്ക് പ​ഞ്ചാ​യ​ത്ത് ഭ​ര​ണ​സ​മി​തി. പ്ര​ധാ​ന​മ​ന്ത്രി​യെ രാ​ഷ്ട്രീ​യ​മാ​യി വി​മ​ര്‍ശി​ച്ച​തി​ന്റെ പേ​രി​ല്‍ രാ​ഹു​ല്‍ ഗാ​ന്ധി​യു​ടെ പാ​ര്‍ല​മെ​ന്റ് അം​ഗ​ത്വം തി​ടു​ക്ക​പ്പെ​ട്ടു അ​യോ​ഗ്യ​മാ​ക്കി​യ ന​ട​പ​ടി ജ​നാ​ധി​പ​ത്യ വി​രു​ദ്ധ​മാ​ണെ​ന്നും ജ​നാ​ധി​പ​ത്യ​ത്തി​ന്റെ അ​ന്ത​സ്സ​ത്ത​യാ​യ അ​ഭി​പ്രാ​യ​സ്വാ​ത​ന്ത്ര്യം നി​ഷേ​ധി​ക്കു​ന്ന നി​ല​പാ​ടാ​ണ് ഇ​തെ​ന്നും ബ്ലോ​ക്ക് പ​ഞ്ചാ​യ​ത്ത് വൈ​സ് പ്ര​സി​ഡ​ന്റ് എ.​കെ. അ​ബ്ദു​റ​ഹി​മാ​ന്‍ അ​വ​ത​രി​പ്പി​ച്ച പ്ര​മേ​യ​ത്തി​ല്‍ പ​റ​ഞ്ഞു.

പ്ര​സി​ഡ​ന്റ് വി.​പി. ഷെ​ജി​നി ഉ​ണ്ണി​യു​ടെ അ​ധ്യ​ക്ഷ​ത​യി​ല്‍ ചേ​ര്‍ന്ന ഭ​ര​ണ​സ​മി​തി യോ​ഗം ഐ​ക​ക​ണ്‌​ഠ്യേ​ന പ്ര​മേ​യം പാ​സാ​ക്കി. ഭ​ര​ണ​സ​മി​തി അം​ഗ​ങ്ങ​ളാ​യ പി. ​അ​ബൂ​ബ​ക്ക​ര്‍, ച​ന്ദ്രി​ക ചാ​ലാ​രി എ​ന്നി​വ​ര്‍ സം​സാ​രി​ച്ചു. സ്ഥി​രം സ​മി​തി അ​ധ്യ​ക്ഷ​രാ​യ വി.​പി. അ​ബ്ദു​ഷു​ക്കൂ​ര്‍, മു​ഹ്‌​സി​ല ഷ​ഹീ​ദ്, കെ.​ടി. റ​സീ​ന ടീ​ച്ച​ര്‍, ബ്ലോ​ക്ക് പ​ഞ്ചാ​യ​ത്ത് അം​ഗ​ങ്ങ​ൾ, സെ​ക്ര​ട്ട​റി വി​നോ​ദ് പ​ട്ടാ​ള​ത്തി​ല്‍ തു​ട​ങ്ങി​യ​വ​ര്‍ പ​ങ്കെ​ടു​ത്തു.