സൗഹൃദ കൂട്ടായ്മകള്‍ സജീവമാക്കി പള്ളിമുക്കിന്റെ സ്വന്തം ജനകീയോദ്യാനം

പൂ​ക്കോ​ട്ടൂ​ര്‍: ഗൃ​ഹാ​തു​ര​ത്വ​മു​ണ​ര്‍ത്തു​ന്ന ഗ്രാ​മ​ഭം​ഗി​യും ശു​ദ്ധ​വാ​യു​വും ആ​സ്വ​ദി​ച്ച് ന​ഷ്ട​മാ​യ സാ​യ​ന്ത​ന സൗ​ഹൃ​ദ കൂ​ട്ടാ​യ്മ​ക​ള്‍ വീ​ണ്ടെ​ടു​ക്ക​ണ​മെ​ങ്കി​ല്‍ പൂ​ക്കോ​ട്ടൂ​ര്‍ പ​ള്ളി​മു​ക്കി​ലെ ജ​ന​കീ​യോ​ദ്യാ​ന​ത്തി​ലേ​ക്ക് വ​രാം. പൂ​ക്കോ​ട്ടൂ​ര്‍ - മ​ഞ്ചേ​രി റോ​ഡി​ല്‍നി​ന്ന് പ​ള്ളി​മു​ക്ക് പാ​ട​ശേ​ഖ​ര​ത്തി​ന്റെ ന​ടു​വി​ലൂ​ടെ ക​ട​ന്നു​പോ​കു​ന്ന ഗ്രാ​മീ​ണ പാ​ത​യോ​ര​ത്താ​ണ് വി​നോ​ദ പ​ദ്ധ​തി​ക​ള്‍ക്ക് പു​തു​മാ​തൃ​ക തീ​ര്‍ത്ത് നാ​ട്ടു​കാ​രു​ടെ സ്വ​ന്തം ഉ​ദ്യാ​ന​മു​ള്ള​ത്.

വ​ല്ല​പ്പോ​ഴും മാ​ത്രം വാ​ഹ​ന​ങ്ങ​ള്‍ പോ​കു​ന്ന പാ​ത​വ​ക്കി​ല്‍ തീ​ര്‍ത്തും ഗ്രാ​മാ​ന്ത​രീ​ക്ഷ​ത്തി​ലു​ള്ള ഉ​ദ്യാ​ന​ത്തി​ന്റെ മു​ഖ്യ​ആ​ക​ര്‍ഷ​ണം ഇ​രു വ​ശ​ങ്ങ​ളി​ലു​മാ​യി നീ​ണ്ടു​കി​ട​ക്കു​ന്ന വ​യ​ലാ​ണ്. കൊ​യ്ത്തൊ​ഴി​ഞ്ഞ വ​യ​ലു​ക​ള്‍ക്ക് മു​ക​ളി​ല്‍ നി​റ​യു​ന്ന പൂ​ത്തു​മ്പി​ക​ളു​ടെ വ​ർ​ണ​ക്കാ​ഴ്ച​ക​ളും ഇ​ളം കാ​റ്റും ആ​സ്വ​ദി​ച്ച് മൊ​ബൈ​ല്‍ ഫോ​ണു​ക​ള്‍ക്കും മ​റ്റു തി​ര​ക്കു​ക​ള്‍ക്കും അ​ല്‍പം അ​വ​ധി ന​ല്‍കി വെ​റു​തെ സ​ല്ല​പി​ച്ചി​രി​ക്കാ​ന്‍ നി​ര​വ​ധി സൗ​ഹൃ​ദ​ക്കൂ​ട്ട​ങ്ങ​ളാ​ണ് ഇ​വി​ടെ​​യെ​ത്തു​ന്ന​ത്.

പാ​ത​യോ​ര​ത്ത് വി​ശ്ര​മി​ക്കാ​നും കൂ​ട്ടു​കൂ​ടി സം​സാ​രി​ക്കാ​നു​മൊ​ക്കെ​യാ​യി 10 ഇ​രി​പ്പി​ട​ങ്ങ​ള്‍. സാ​യ​ന്ത​ന​ങ്ങ​ള്‍ക്ക് നി​റം പ​ക​രാ​ന്‍ നാ​ല് സോ​ളാ​ര്‍ വി​ള​ക്കു​ക​ള്‍. അ​ങ്ങി​ങ്ങാ​യി കാ​ഴ്ച ഭം​ഗി​യൊ​രു​ക്കി വ​ര്‍ണ​ച്ചെ​ടി​ക​ള്‍. ഇ​ത്ര​മാ​ത്രം സൗ​ക​ര്യ​ങ്ങ​ളു​ള്ള ഉ​ദ്യാ​ന​ത്തെ ജ​ന​കീ​യ​മാ​ക്കു​ന്ന​ത് ആ​ക​ര്‍ഷ​ക​മാ​യ ഗ്രാ​മീ​ണ പ​ശ്ചാ​ത്ത​ല​വും ന​ന്മ നി​റ​ഞ്ഞ നാ​ട്ടു​കാ​രു​മാ​ണ്.

സ​ര്‍ക്കാ​ര്‍ സം​വി​ധാ​ന​ങ്ങ​ളു​ടെ​യൊ​ന്നും സ​ഹാ​യ​മി​ല്ലാ​തെ​യാ​ണ് പ​ള്ളി​മു​ക്കി​ലെ ജ​ന​കീ​യ കൂ​ട്ടാ​യ്മ നാ​ടി​ന്റെ സ്വ​ന്തം ഉ​ദ്യാ​നം എ​ന്ന ആ​ശ​യം പ്രാ​വ​ര്‍ത്തി​ക​മാ​ക്കി​യ​ത്. കോ​വി​ഡ് കാ​ല​ത്ത് എ​ല്ലാ​വ​രും വീ​ടു​ക​ളി​ല്‍ ഒ​തു​ങ്ങി​യ​പ്പോ​ഴാ​യി​രു​ന്നു വ്യ​ത്യ​സ്ത​മാ​യ നാ​ട്ടു​ദ്യാ​ന​ത്തി​ന് അ​ര​ങ്ങൊ​രു​ങ്ങി​യ​ത്. ഗ്രാ​മ​പ​ഞ്ചാ​യ​ത്ത് അം​ഗ​മാ​യി​രു​ന്ന മു​ഹ​മ്മ​ദ് റ​ബീ​ര്‍ പ​ദ്ധ​തി​യു​ടെ സാ​ധ്യ​ത നാ​ട്ടു​കാ​രാ​യ സു​ഹൃ​ത്തു​ക്ക​ളോ​ട് സം​സാ​രി​ച്ച​തി​ല്‍നി​ന്ന് രൂ​പ​പ്പെ​ട്ട ആ​ശ​യം ഗ്രാ​മ​ത്തി​ന്റെ ജ​ന​കീ​യോ​ദ്യാ​ന​മാ​യി മാ​റു​ക​യാ​യി​രു​ന്നു.

പ്ര​വാ​സി​ക​ളും നാ​ട്ടു​കാ​രും വി​വി​ധ കൂ​ട്ടാ​യ്മ​ക​ളു​മെ​ല്ലാം കൈ​കോ​ര്‍ത്ത് സ​മാ​ഹ​രി​ച്ച ര​ണ്ട് ല​ക്ഷം രൂ​പ ചെ​ല​വി​ലാ​യി​രു​ന്നു നി​ർ​മാ​ണം. ലോ​ക്ക്ഡൗ​ണ്‍ തീ​ര്‍ന്ന​തോ​ടെ പാ​ര്‍ക്ക് ജ​ന​ങ്ങ​ള്‍ക്കാ​യി തു​റ​ന്നു​കൊ​ടു​ത്തു. ഇ​വി​ടെ പ്ര​ഭാ​ത സ​വാ​രി​ക്കെ​ത്തു​ന്ന​വ​രും കു​റ​വ​ല്ല. ഈ ​മാ​തൃ​ക വി​നോ​ദ പ​ദ്ധ​തി​യു​ടെ പ്ര​വ​ര്‍ത്ത​നം അ​റി​യാ​നും പ​ഠി​ക്കാ​നു​മാ​യെ​ത്തു​ന്ന ജ​ന​പ്ര​തി​നി​ധി​ക​ളും ഏ​റെ​യാ​ണ്.