പൂ​ക്കോ​ട്ടും​പാ​ടം ഹൈ​സ്കൂ​ൾ റോ​ഡി​ലെ ഗ​താ​ഗ​ത നി​യ​ന്ത്ര​ണം; പ്ര​തി​ഷേ​ധ​മു​യ​രു​ന്നു

പൂ​ക്കോ​ട്ടും​പാ​ടം: വി​ദ്യാ​ർ​ഥി​ക​ൾ​ക്ക് സു​ര​ക്ഷി​ത യാ​ത്ര​യൊ​രു​ക്കാ​നാ​യി പൂ​ക്കോ​ട്ടും​പാ​ടം ഹൈ​സ്കൂ​ൾ റോ​ഡി​ൽ ന​ട​പ്പാ​ക്കി​യ ഗ​താ​ഗ​ത പ​രി​ഷ്​​കാ​ര​ത്തി​നെ​തി​രെ പ്ര​തി​ഷേ​ധ​മു​യ​രു​ന്നു. സ്കൂ​ൾ വി​ടു​ന്ന സ​മ​യ​ത്ത് പി.​ടി.​എ പൊ​ലീ​സി​ന്റെ സ​ഹാ​യ​ത്തോ​ടെ സ്കൂ​ൾ റോ​ഡ് വ​ഴി​യു​ള്ള ഗ​താ​ഗ​തം അ​ര മ​ണി​ക്കൂ​റോ​ളം പൂ​ർ​ണ​മാ​യി ത​ട​യു​ക​യാ​ണ്. ടി.​കെ. കോ​ള​നി ഭാ​ഗ​ത്തേ​ക്കു​ള്ള സ്വ​കാ​ര്യ ബ​സു​ക​ളും സ്കൂ​ൾ ബ​സു​ക​ളും ഓ​ട്ടോ​റി​ക്ഷ​ക​ളും മ​റ്റു വാ​ഹ​ന​ങ്ങ​ളും ത​ട​ഞ്ഞ​തോ​ടെ അ​ശാ​സ്ത്രീ​യ പ​രി​ഷ്കാ​ത്തി​നെ​തി​രെ വ്യാ​പ​ക പ്ര​തി​ഷേ​ധ​മു​യ​രു​ക​യാ​ണ്. വി​ദ്യാ​ർ​ഥി​ക​ളും വീ​ട്ടി​ലെ​ത്താ​ൻ വൈ​കു​ന്ന​തി​നാ​ൽ ര​ക്ഷി​താ​ക്ക​ൾ ഉ​ൾ​പ്പെ​ടെ​യു​ള്ള​വ​ർ പ​രാ​തി​യു​മാ​യി ഗ്രാ​മ​പ​ഞ്ചാ​യ​ത്ത് അ​ധി​കൃ​ത​രെ സ​മീ​പി​ച്ചു.

2500ഓ​ളം വി​ദ്യാ​ർ​ഥി​ക​ൾ പ​ഠ​നം ന​ട​ത്തു​ന്ന പൂ​ക്കോ​ട്ടും​പാ​ടം ഗ​വ. ഹ​യ​ർ സെ​ക്ക​ൻ​ഡ​റി സ്കൂ​ളി​ലെ വി​ദ്യാ​ർ​ഥി​ക​ൾ കൂ​ട്ട​മാ​യി റോ​ഡി​ലി​റ​ങ്ങി യാ​ത്ര ചെ​യ്യു​ന്ന​ത് അ​പ​ക​ട സാ​ധ്യ​ത വ​ർ​ധി​പ്പി​ക്കു​ന്ന​താ​ണ്. നി​ല​വി​ൽ ആ​ൺ​കു​ട്ടി​ക​ളെ​യും പെ​ൺ​കു​ട്ടി​ക​ളേ​യും വേ​ർ​തി​രി​ച്ചാ​ണ് വി​ടു​ന്ന​തെ​ങ്കി​ലും വി​ദ്യാ​ർ​ഥി​ക​ൾ കൂ​ട്ട​മാ​യി റോ​ഡ് കൈ​യ​ട​ക്കി പോ​കു​ന്ന സ്ഥി​തി​യാ​ണ്. ഗ​താ​ഗ​ത ഉ​പ​ദേ​ശ​ക സ​മി​തി യോ​ഗം ചേ​രാ​തെ​യും പൊ​തു​ജ​ന​ങ്ങ​ൾ​ക്ക് മു​ന്ന​റി​യി​പ്പ് ന​ൽ​കാ​തെ​യും വേ​ണ്ട വി​ധ​ത്തി​ൽ പ​ഠ​നം ന​ട​ത്താ​തെ​യു​മാ​ണ് ഗ​താ​ഗ​ത നി​യ​ന്ത്ര​ണം ന​ട​പ്പാ​ക്കി​യ​തെ​ന്ന ആ​രോ​പ​ണ​വും ഉ​യ​രു​ന്നു​ണ്ട്.

വി​ദ്യാ​ർ​ഥി​ക​ൾ റോ​ഡി​ൽ കൂ​ട്ട​മാ​യി ഇ​റ​ങ്ങു​ന്ന​ത് ത​ട​യു​ക​യും വി​ദ്യാ​ർ​ഥി​ക​ളെ പൊ​ലീ​സ് ബോ​ധ​വ​ത്​​ക​രി​ക്കു​ക​യും ചെ​യ്യ​ണ​മെ​ന്ന ആ​വ​ശ്യ​വും ശ​ക്ത​മാ​ണ്. വി​ദ്യാ​ർ​ഥി​ക​ളെ കൂ​ട്ട​മാ​യി വി​ടു​ന്ന​ത് ഒ​ഴി​വാ​ക്കി ക്ലാ​സ് അ​ടി​സ്ഥാ​ന​ത്തി​ൽ വി​ടു​ന്ന രീ​തി തു​ട​ര​ണ​മെ​ന്നും സ്കൂ​ൾ വി​ടു​ന്ന സ​മ​യ​ങ്ങ​ളി​ൽ അ​ധ്യാ​പ​ക​രു​ടേ​യും പി.​ടി.​എ​യു​ടേ​യും സേ​വ​നം സ്കൂ​ൾ പ​രി​സ​ര​ങ്ങ​ളി​ലും റോ​ഡി​ലും ഒ​രു​ക്ക​ണ​മെ​ന്നു​മു​ള്ള ആ​വ​ശ്യ​വും ശ​ക്ത​മാ​ണ്.

തി​ങ്ക​ളാ​ഴ്ച സ്റ്റു​ഡ​ന്‍റ്​ പൊ​ലീ​സ് കാ​ഡ​റ്റു​ക​ളും അ​ധ്യാ​പ​ക​രും ചേ​ർ​ന്നാ​ണ് ഗ​താ​ഗ​തം ത​ട​ഞ്ഞ​ത്. പൊ​ലീ​സ് ഉ​ദ്യോ​ഗ​സ്ഥ​ർ സ്ഥ​ല​ത്ത് ഇ​ല്ലാ​തി​രു​ന്ന​തും പ്ര​തി​ഷേ​ധ​ത്തി​നി​ട​യാ​ക്കി. സ്കൂ​ൾ സ​മ​യ​ത്ത് ഏ​ർ​പ്പെ​ടു​ത്തി​യ ഗ​താ​ഗ​ത നി​യ​ന്ത്ര​ണ​ങ്ങ​ൾ​ക്കെ​തി​രെ പ​രാ​തി ഉ​യ​രു​ന്നു​ണ്ട്. അ​ടു​ത്ത ദി​വ​സം ത​ന്നെ പൊ​ലീ​സും ആ​ർ.​ടി.​ഒ​യും പി.​ടി.​എ​യും പ​ഞ്ചാ​യ​ത്ത് അ​ധി​കൃ​ത​രും ചേ​ർ​ന്ന് ഉ​പ​ദേ​ശ​ക സ​മി​തി യോ​ഗം ചേ​രു​മെ​ന്നും വി​ദ്യാ​ർ​ഥി​ക​ളു​ടെ സു​ര​ക്ഷ​ക്ക് പ്രാ​ധാ​ന്യം ന​ൽ​കി​യും പൊ​തു​ജ​ന​ങ്ങ​ൾ​ക്ക് ബു​ദ്ധി​മു​ട്ടു​ണ്ടാ​ക്കു​ന്ന കാ​ര്യ​ങ്ങ​ൾ ഒ​ഴി​വാ​ക്കി​യും ഉ​ചി​ത​മാ​യ തീ​രു​മാ​നം കൈ​കൊ​ള്ളു​മെ​ന്നും അ​മ​ര​മ്പ​ലം ഗ്രാ​മ പ​ഞ്ചാ​യ​ത്ത് പ്ര​സി​ഡ​ന്റ് ഇ​ല്ലി​ക്ക​ൽ ഹു​സൈ​ൻ അ​റി​യി​ച്ചു.

വി​ദ്യാ​ർ​ഥി​ക​ളു​ടെ സു​ര​ക്ഷ മാ​നി​ച്ച് സ്കൂ​ൾ പി.​ടി.​എ​യു​ടെ നി​ർ​ദേ​ശ​മ​നു​സ​രി​ച്ച് കേ​ര​ള പൊ​ലീ​സ് ആ​ക്ട്​ പ്ര​കാ​ര​മാ​ണ് നി​യ​ന്ത്ര​ണം കൊ​ണ്ടു​വ​ന്ന​തെ​ന്ന് പൂ​ക്കോ​ട്ടും​പാ​ടം പൊ​ലീ​സ് സ​ബ് ഇ​ൻ​സ്പെ​ക്ട​ർ കെ. ​ബ​ഷീ​ർ പ​റ​ഞ്ഞു.