അ​മ​ര​മ്പ​ല​ത്ത് കു​ടി​വെ​ള്ളം മു​ട​ങ്ങി​യി​ട്ട് ര​ണ്ടു​മാ​സം

പൂ​ക്കോ​ട്ടും​പാ​ടം: അ​മ​ര​മ്പ​ല​ത്ത് കു​ടി​വെ​ള്ളം മു​ട്ടി​യി​ട്ട് ഒ​ന്ന​ര മാ​സം പി​ന്നി​ടു​ന്നു. ഗ്രാ​മ പ​ഞ്ചാ​യ​ത്ത് അ​ധി​കൃ​ത​രും ജ​ലവി​ഭ​വ വ​കു​പ്പ് അ​ധി​കൃ​ത​രും നി​സ്സം​ഗ​ത തു​ട​രു​ന്നു. മ​ല​യോ​ര പാ​ത നി​ർ​മാ​ണ​ ഭാ​ഗ​മാ​യി ജ​ല വി​ഭ​വ വ​കു​പ്പി​ന്റെ പ്ര​വൃ​ത്തി​ക​ൾ ന​ട​ക്കു​ന്ന​തി​നാ​ലാ​ണ് കു​ടി​വെ​ള്ളം മു​ട​ങ്ങാ​ൻ കാ​ര​ണം. എ​ന്നാ​ൽ, വേ​ന​ൽ ക​ടു​ത്ത​തോ​ടെ പ​ഞ്ചാ​യ​ത്തി​ന്റെ വി​വി​ധ വാ​ർ​ഡു​ക​ളി​ൽ രൂ​ക്ഷ​മാ​യ കു​ടി​വെ​ള്ള പ്ര​ശ്നം ത​ല​പൊ​ക്കി. പ്ര​ധാ​ന ജ​ല​സ്രോ​ത​സ്സു​ക​ൾ എ​ല്ലാം വ​രേ​ണ്ട​തോ​ടെ പൊ​തു​ജ​നം കു​ടി​വെ​ള്ള​ത്തി​നായി നെ​ട്ടോ​ട്ട​മോ​ടു​ക​യാ​ണ്. ജ​ല​വി​ഭ​വ വ​കു​പ്പും പൊ​തു​മ​രാ​മ​ത്ത് വ​കു​പ്പും ത​മ്മി​ലുണ്ടാ​യ ശീ​ത​സ​മ​ര​മാ​ണ് കു​ടി​വെ​ള്ള വി​ത​ര​ണം പു​നഃ​സ്ഥാ​പി​ക്കാ​ൻ കാ​ല​താ​മ​സം എ​ന്നാ​ണ് പ​റ​യ​പ്പെ​ടു​ന്ന​ത്.

എ​ന്നാ​ൽ, ക​ഴി​ഞ്ഞ ദി​വ​സം ജ​ല​വി​ഭ​വ വ​കു​പ്പ് അ​സി​. എ​ൻ​ജി​നീ​യ​ർ ഈ ​ബു​ധ​നാ​ഴ്ച ഉ​റ​പ്പാ​യും കു​ടി​വെ​ള്ളം പു​നഃ​സ്ഥാ​പി​ക്കു​മെ​ന്ന് അ​റി​യി​ച്ചെ​ങ്കി​ലും ഇ​നി​യും ഒ​രാ​ഴ്ച​കൂ​ടി കാ​ത്തി​രി​ക്കേ​ണ്ടി വ​രുമെന്നാ​ണ് വി​വ​രം.

വെ​ള്ളം മു​ട്ടി​യ പൊ​തു​ജ​നം പ​ഞ്ചാ​യ​ത്ത് ഓ​ഫി​സി​ലേ​ക്ക് മാ​ർ​ച്ച് ന​ട​ത്തി​യെ​ങ്കി​ലും അ​ധി​കാ​രി​ക​ൾ നി​സ്സം​ഗ​ത തുടരുകയാണ്. ചി​ല വാ​ർ​ഡു​ക​ളി​ൽ വാ​ർ​ഡ് അം​ഗ​ങ്ങ​ൾ മു​ന്നി​ട്ടി​റ​ങ്ങി സ്വ​ന്തം ചെ​ല​വി​ൽ കു​ടി​വെ​ള്ളം വി​ത​ര​ണം ചെ​യ്യു​ന്നു​ണ്ട്. കൂ​ടാ​തെ ശി​ഹാ​ബ് ത​ങ്ങ​ൾ റി​ലീ​ഫ് സെ​ല്ലും ടാ​ങ്ക​റു​ക​ളി​ൽ വെ​ള്ളം എ​ത്തി​ക്കു​ന്നു​ണ്ട്. ജ​ല​വി​ത​ര​ണം മു​ട​ങ്ങി​യ​തോ​ടെ കു​ടി​ക്കാ​നും അ​ല​ക്കാ​നും കു​ളി​ക്കാ​നും എ​ല്ലാം ജ​ല​വ​കു​പ്പി​നെ ആ​ശ്ര​യി​ച്ച ഗു​ണ​ഭോ​ക്താ​ക്ക​ൾ ഏ​റെ ദു​രി​ത​ത്തി​ലാ​ണ്.

ഗ്രാ​മ​പ​ഞ്ചായ​ത്ത് കു​ടി​വെ​ള്ള​ക്ഷാ​മം നേ​രി​ടു​ന്ന പ്ര​ദേ​ശ​ങ്ങ​ളി​ൽ വെ​ള്ള​മെ​ത്തി​ക്കാ​ൻ ടെ​ൻ​ഡ​ർ വി​ളി​ച്ചെ​ങ്കി​ലും ഇ​തു​വ​രെ​യും ആ​രുമെ​ത്തി​യി​ട്ടി​ല്ല.