രോഗികളോട് എന്തിനീ ക്രൂരത പൊ​ന്നാ​നി ഡ​യാ​ലി​സി​സ് സെ​ന്റ​ർ ചോ​ർ​ന്നൊ​ലി​ക്കു​ന്നു

പൊ​ന്നാ​നി: നി​ർ​ധ​ന​രാ​യ ഡ​യാ​ലി​സി​സ് രോ​ഗി​ക​ളു​ടെ ആ​ശാ​കേ​ന്ദ്ര​മാ​യ പൊ​ന്നാ​നി ഡ​യാ​ലി​സി​സ് ആ​ൻ​ഡ് റി​സ​ർ​ച്ച് സെ​ന്റ​റി​നോ​ട് അ​ധി​കൃ​ത​രു​ടെ ക​ണ്ണി​ല്ലാ​ത്ത ക്രൂ​ര​ത. പി.​എം.​ജെ.​വി.​കെ പ​ദ്ധ​തി പ്ര​കാ​രം 4.40 കോ​ടി രൂ​പ​യു​ടെ ഫ​ണ്ട് അ​നു​വ​ദി​ച്ച് വ​ർ​ഷ​ങ്ങ​ൾ ഏ​റെ പി​ന്നി​ട്ടി​ട്ടും കെ​ട്ടി​ട നി​ർ​മാ​ണ​ത്തി​നാ​യി ചെ​റു​വി​ര​ല​ന​ക്കാ​ൻ ന​ഗ​ര​സ​ഭ അ​ധി​കൃ​ത​ർ ത​യാ​റാ​വു​ന്നി​ല്ല. മ​ഴ​ക്കാ​ല​ത്ത് ചോ​ർ​ന്നൊ​ലി​ക്കു​ന്ന കെ​ട്ടി​ട​ത്തി​ലാ​ണ് രോ​ഗി​ക​ൾ ഡ​യാ​ലി​സി​സി​ന് വി​ധേ​യ​രാ​കു​ന്ന​ത്. മ​ഴ​വെ​ള്ളം കൊ​ണ്ട് ക​ട്ടി​ൽ തു​രു​മ്പെ​ടു​ത്ത അ​വ​സ്ഥ​യി​ലാ​ണ്.

പു​തി​യ കെ​ട്ടി​ട​ത്തി​ന് ഫ​ണ്ട് അ​നു​വ​ദി​ച്ചി​ട്ടും അ​ധി​കൃ​ത​രു​ടെ അ​നാ​സ്ഥ മൂ​ലം നി​ർ​മാ​ണം അ​നി​ശ്ചി​ത​ത്വ​ത്തി​ലാ​ണ്. പ​ദ്ധ​തി​യു​ടെ ഭാ​ഗ​മാ​യു​ള്ള ഫ​യ​ലു​ക​ൾ നീ​ക്കാ​ൻ ബ​ന്ധ​പ്പെ​ട്ട അ​ധി​കൃ​ത​ർ നി​സ്സം​ഗ​ത പു​ല​ർ​ത്തു​ന്ന​തി​നാ​ൽ ഫ​ണ്ട് പാ​ഴാ​കു​മെ​ന്ന സ്ഥി​തി​യാ​ണ്. മ​ണ്ണ് പ​രി​ശോ​ധ​ന ഉ​ൾ​പ്പെ​ടെ പൂ​ർ​ത്തീ​ക​രി​ച്ചെ​ങ്കി​ലും കെ​ട്ടി​ട നി​ർ​മാ​ണം എ​പ്പോ​ൾ ആ​രം​ഭി​ക്കു​മെ​ന്ന​തി​ൽ അ​വ്യ​ക്ത​ത നി​ല​നി​ൽ​ക്കു​ന്നു. കൂ​ടു​ത​ൽ ഡ​യാ​ലി​സി​സ് രോ​ഗി​ക​ൾ​ക്ക് സേ​വ​നം ല​ഭ്യ​മാ​ക്കു​ക​യും കൂ​ട്ടി​രി​പ്പു​കാ​ർ​ക്ക് തൊ​ഴി​ൽ പ​രി​ശീ​ല​നം ന​ൽ​കു​ന്ന​തു​ൾ​പ്പെ​ടെ​യു​ള്ള സം​വി​ധാ​ന​ങ്ങ​ൾ ക്ര​മീ​ക​രി​ച്ചു​മാ​ണ് കെ​ട്ടി​ട​ത്തി​ന് രൂ​പ​രേ​ഖ ത​യാ​റാ​ക്കി​യ​ത്.

ടി.​ബി ആ​ശു​പ​ത്രി കോ​മ്പൗ​ണ്ടി​ലെ വ​ർ​ഷ​ങ്ങ​ൾ പ​ഴ​ക്ക​മു​ള്ള കെ​ട്ടി​ട​ത്തി​ലാ​ണ് നി​ല​വി​ൽ ഡ​യാ​ലി​സി​സ് സെൻറ​ർ പ്ര​വ​ർ​ത്തി​ക്കു​ന്ന​ത്. കെ​ട്ടി​ട​ത്തി​ന്റെ ചു​മ​രു​ക​ൾ​ക്ക് പ​ല​യി​ട​ത്തും വി​ള്ള​ലു​ക​ളു​ണ്ട്. മ​ഴ​ക്കാ​ല​ത്ത് ചോ​ർ​ന്നൊ​ലി​ക്കു​ന്ന കെ​ട്ടി​ട​ത്തി​ൽ ഏ​റെ പ്ര​യാ​സ​ത്തി​ലാ​ണ് ഡ​യാ​ലി​സി​സ് ന​ട​ത്തു​ന്ന​ത്. സെ​ന്റ​റി​ന്റെ പ്ര​വ​ർ​ത്ത​ന​ത്തി​ന് തു​ച്ഛ​മാ​യ സ​ർ​ക്കാ​ർ ഫ​ണ്ട് മാ​ത്ര​മാ​ണ് ല​ഭി​ക്കു​ന്ന​ത്. സു​മ​ന​സ്സു​ക​ളു​ടെ അ​ക​മ​ഴി​ഞ്ഞ സ​ഹാ​യം മൂ​ല​മാ​ണ് സെ​ന്റ​ർ മു​ന്നോ​ട്ടു​പോ​കു​ന്ന​ത്. സെ​ന്റ​റി​ന്റെ പ്ര​വ​ർ​ത്ത​ന​ത്തി​ന് സ്വ​കാ​ര്യ വ്യ​ക്തി​ക​ൾ സ​ഹാ​യ​വു​മാ​യി മു​ന്നോ​ട്ടു​വ​രു​മ്പോ​ഴും അ​ധി​കൃ​ത​ർ ഡ​യാ​ലി​സി​സ് സെൻറ​റി​നെ അ​വ​ഗ​ണി​ക്കു​ന്നു​വെ​ന്നാ​ണ് നാ​ട്ടു​കാ​രു​ടെ പ​രാ​തി.